Манчини пред отказ од селекторското место во Саудиска Арабија
Позицијата на Роберто Манчини како селектор на саудискиот тим е сериозно загрозена, информира весникот „Газета дело Спорт“.
Тимот е на третото место во својата квалификациска група за СП, со пет бодови заостанување зад лидерот Јапонија.
„Треба да се извиниме на навивачите кои нè поддржуваат. Ова е неприфатлива ситуација, освоивме само две бода на последните три натпревари на домашен терен. Ќе донесеме одлука“, изјави претседателот на фудбалската федерација, Јасер Ал Мисехал.
Манчини има договор со саудиската федерација до 2027 година, со плата од 18 милиони долари годишно, плус уште 6 милиони во форма на различни бонуси.
Билетите за „Ел Класико“ достигнуваат луди цени
Најевтиниот билет за фудбалското „Ел Класико“ во Ла Лига меѓу Реал Мадрид и Барса закажано на 26 октомври на „Сантијаго Бернабе“ ќе чини 130 евра.
Цените за седиштата на редовните трибини се движат од 130 евра до 455 евра. Влезниците за ВИП области ќе чинат 850 евра.
Интересно е дека за мечот меѓу Реал Мадрид и Борусија во Лигата на шампионите, најевтиниот билет чини 75 евра додека ВИП влезниците започнуваат од 350 евра.
Серена Вилијамс успешно оперирана
Поранешната американска тенисерка Серена Вилијамс објави дека неодамна била оперирана за отстранување на циста на вратот.
„Во мај забележав грутка на вратот и веднаш се консултирав со лекар. Тие направија магнетна резонанца и открија дека е циста. Иако првично не планирав да го отстранам, тој продолжи да расте“, напиша Вилијамс на социјалните мрежи.
Кога цистата достигнала големина на грејпфрут, Серена решила сепак да ја отстрани. „Лекарите ми рекоа дека може да се инфицира или дури да истече, па се одлучив за операција“. Драго ми е што се помина добро и здрава сум“, додаде американската тенисерка.
Наполи го враќа Елмас во Серија А
Македонскиот фудбалски репрезентативец Елиф Елмас размислува во зимскиот преоден рок да се врати во Наполи, откако тренерот на наполитанците, Антонио Конте, го посакал во својот тим бидејќи многу ги цени неговите квалитети.
Елмас игра премалку во Лајпциг, а на неговиот профил на Инстаграм, како главна слика и понатаму стои Елиф во дрес на Наполи како го бакнува пехарот од Купот на Италија.
Елмас во Наполи треба да биде оној кој е способен да влезе и веднаш да направи разлика на теренот, дури и во период од неколку минути.
Гендузи повреден се врати од настапите за француската селекција
Фудбалерот на Лацио, Матео Гендузи, нема да игра на мечот со Јувентус закажан во текот на викендот во новото коло во Серија А.
Иако медицинските прегледи во Рим покажа дека репрезентативецот на Франција нема фрактура на малиот палец на десната нога, тој ќе го прескокне дуелот со „старата дама“.
Неговото место во стартната постава ќе го заземе интернационалецот од Уругвај, Матиас Весино.
КС Групација ја претстави својата програма за стипендирање пред студентите на Меѓународниот Славјански Универзитет – Битола
Во текот на оваа работна недела, пред студентите на Меѓународниот Славјански Универзитет – Битола. беше успешно претставена програмата за стипендирање на КС Групација. Презентацијата на програмата се одвиваше во текот на цела работна недела, а се со цел да се информираат што поголем број од студентите за можностите кои ги нуди самата програма за стипендирање. Студентите со голем интерес ги следеа презентациите и изразија задоволство за можноста одблиску да се запознаат со придобивките што ги нуди оваа програма за стипендирање.
Во текот на презентацијата, претставниците на КС Групација ја презентираа визијата на компанијата за поддршка на студентите, како и значењето на образованието за идниот успех. Програмата за стипендирање е наменета за студентите кои покажуваат “апетит” за академско знаење и желба за професионален раст и развој. Оваа програма им нуди на студентите не само финансиска поддршка, туку и можности за пракса, менторство како и вработување во рамките на КС Групација.
Студентите беа запознаени со условите за аплицирање, процесот на селекција, како и со различните типови стипендии кои ги нуди самата програма. Дел од промоцијата на програмата за стипендии беше и презентирањето на успешни приказни од тековни стипендисти на КС Групација, кои ова лето беа дел од практикантската програма која се одвива во рамките на канцелариите на КС Групација.
Настанот заврши со интерактивна сесија на прашања и одговори, при што на студентите им се дообјаснија сите детали околу самата програма за стипендирање преку која КС Групацијата станува нивни сојузник на патот кон нивниот кариерен развој.
Не ја пропуштајте оваа единствена можност да ја остварите својата академска и професионална визија со поддршка од КС Групација! Повеќе информации за програмата за стипендирање на КС Групација дознајте на следниот линк https://klubsport77.mk/stipendii/
Сао Паоло и Палмеирас лицитираат за Касемиро
Дефанзивниот фудбалер на Манчестер Јунајтед, Касемиро, влегува на радарот на Сао Паоло и Палмеирас но, двата клуба од Бразил, не можат да ја покријат неговата висока плата, велат последните информации од Англија.
Касемиро заработува преку 400.000 евра неделно кај „црвените ѓаволи“ а раководството на англискиот клуб нема ништо против да го ослободи од обврските.
Бразилецот кој има договор до 2026 година на трансфер-пазарот има вредност од околу 13 милиони евра.
Ортега ќе добие нов договор во Сити
Стефан Ортега кој е златна резерва во екипата на Манчестер Сити вели дека му се допаѓа во Англија и дека нема намера да ја менува средината.
Германскиот голман кој беше купен од Арминија Билефелд во 2022 година, се надева дека Алисон ќе си замине од клубот и дека тој ќе застане меѓу стативите. Такво нешто неодамна најави и менаџерот, Пеп Гвардиола, откако беше откриено дека Бразилецот имал понуди од Саудиска Арабија.
Манчестер Сити во почетокот на јуни објави дека Ортега доби нов договор до 2026 година.
Мекени ќе го скокне Лацио, но ќе биде во комбинација за Штутгарт
Американскиот репрезентативец во Јувентус, Вестон Мекени, ќе го пропушти саботниот натпревар на домашен терен против Лацио во рамките на осмото коло во Серија А.
26-годишниот играч од средниот ред има полесна повреда и затоа ќе му биде достапен на тренерот, Тиаго Мота, за мечот со Штутгарт во Лигата на шампионите закажан за 22 октомври.
Според најавите од таборот на „старата дама“, брзоногиот играч превентивно ќе го пропушти натпреварот со „римските орли“.
Црвена Звезда го продава Максимовиќ за 15 милиони ерва?
Андрија Максимовиќ со само 17 години е стандарден репрезентативец на Црвена Звезда, а во саботата го запиша и своето деби за репрезентацијата на Србија.
Поради неговата возраст многумина го споредуваат со Ламин Јамал со кого се иста генерација.
Сега германскиот новинар на „Скај Спорт“ ,Флоријан Петернберг тврди дека неколку гиганти веќе ги следат неговите настапи. Најконкретна наводно била Борусија Дортмунд која на Звезда според информациите е спремна да и плати 15 милиони евра.
Во случај ваквите најави да се остварат Максимовиќ би станал најскап фудбалер во историјата на српскиот клуб. Рекордот засега го држи Горан Дурлиќ за кого Црвена Звезда заработи 13 милиони евра со продажбата во Сарагоза во 2001 година.
Помеѓу најскапо платените играчи на Звезда е и Дарко Панчев со сумата од 12 милиони евра за преселба во Интер. Одлично заработи српскиот клуб и кога Дејан Станковиќ премина во Лацио во 1998 година (12.4 милиони евра).
