Лука Модриќ на крајот од актуелната сезона ќе го напушти Реал Мадрид, а Флорентино Перез веќе размислува за негова замена.

Познато е дека негова најголема желба е Флоријан Вирц, но исто така и Баерн Минхен го следи неговиот потпист, се споменува и Ливерпул, па сигурно тоа нема да биде лесна „операција“. Шпанските медиуми пренесуваат дека во игра за ново име во редовите на Реал Мадрид Витиња од Пари Сен Жермен.

Португалецот се покажа како големо и вистинско засилување за избраниците на Луис Енрике, кои нема така лесно да се откажат од него, особено не поради Реал Мадрид. Витиња има 24 години, се проценува на над 50 милиони евра, но сигурно ПСЖ ќе бара и повеќе.

За разлика од Вирц, Витиња е повеќе централен отколку офанзивен играч за врска и сигурно би бил вистинската замена за Модриќ според неговиот профил.

Засега планот останува веројатно Вирц, меѓутоа останува да се види како се ќе заврши.

Ерлинг Халанд e голема желба Лапорта која можеби и ќе стане реалност, но не порано од наредната година.

Каталонските медиуми пишуваат за деталниот план на Жоан Лапорта, кој почнал да работи на трансферот на Ерлинг Халанд, но тој би се реализирал најверојатно дури следната година или во 2026 година кога клубот финансиски ќе се стабилизира.

Договорот на Халанд има важност до 2027 година и клубот му понуди нов, но Норвежанецот ќе потпише само доколку има откупна клаузула од 100 милиони евра.

За Каталонците Халанд ќе биде приоритет, а се надеваат да го финансираат трансферот со тоа што ќе го продадат името на новиот стадион.

Поранешниот кандидат за прв човек на Барселона, Виктор Фонт е на мислење дека Жоан Лапорта лаже за финансиската состојба на клубот.

Фонт јавно го критикуваше актуелното раководство на Барселона, велејќи дека тие не можат да го водат клубот и дека поднесуваат лажни извештаи.

„Лапорта е ист како Бартомеу. Не може да се снајде и дава лажни извештаи. Очигледно не мамат. Во последните четири години потрошивме 1,041 милијарди евра повеќе отколку што заработивме. Очигледно, таквото трошење е делумно наследство на Бартомеу по однос на платите и другите околности. Нашите приходи се многу пониски отколку во времето на Бартомеу. Лапорта собира кредити. Имавме долг од 1,15 милијарди, а сега веќе е 1,3 милијарди. Ако се земе предвид „Еспаи Барса“, веќе должиме 2,484 милијарди. Го прекршуваме законот затоа што нашите долгови се повеќе од двојно повеќе од нашиот буџет“, обвини Фонт.

Фудбалерот, Пол Погба, ќе го раскине договорот со Јувентус во наредните денови по што ќе може да се активира во друг клуб, најавуваат денеска медиумите во Италија.

Играчот на Јуве ќе мора до март во 2025 година да биде надвор од терените поради суспензијата за допинг а челниците на тимот најавија дека не сакаат да му го продолжат договорот.

Според одредени шпекулации, за потписот на Погба е заинтерсиран тимот на Лос Анџелес од САД.

Португалското правосудство официјално поднесе тужба против фудбалскиот клуб Бенфика од Лисабон за корупцијата направена во периодот од 2016 до 2019 година, со цел да местат натпревари во нивна корист.

„Ќе се браниме од овие неосновани обвинувања. Бенфика и нејзините адвокати детално ќе ги анализираат обвинувањата за кои бевме информирани денеска“, се вели во соопштението на клубот.

Бенфика додаде дека сомнежите се однесуваат на „делата што му се припишуваат на нејзиниот поранешен претседател и поранешен советник“. Главен обвинет во најавениот судски процес е Луис Филипе Виеира, кој раководеше со клубот 18 години, до неговото апсење во јули 2021 година, во друг случај поврзан со измама.

Меѓународниот сојуз на фудбалери, ФИФпро, поднесе официјална жалба до Европската комисија против ФИФА поради зголемениот број на натпревари, што според нив го загрозува здравјето на играчите.

Во жалбата се нагласува дека пренатрупаниот календар ги прекршува европските закони за натпреварување и сериозно ги нарушува условите за работа на фудбалерите, кои се соочуваат со прекумерен физички напор и недоволно време за опоравување.

Ѕвездата на Манчестер Сити и Шпанија, Родри беше отворен во критиките кон ФИФА за неговиот исцрпувачки распоред пред да се здобие со сериозна повреда што го оддалечи неколку месеци.

ФИФпро, исто така, силно го критикуваше проширувањето на Светското клупско првенство, кое ќе вклучува 32 тима во 2025 година, а дури 46 екипи во 2026 година, што дополнително ги оптоварува играчите.

Претседателот на ФИФпро Европа, Дејвид Териер, истакна дека ФИФА ги игнорира гласовите на фудбалерите кои се темел на целата индустрија и ја обвини организацијата дека го загрозува нивното здравје во потрага по дополнителни приходи.

„ФИФА одбива да ги слуша играчите и да соработува со фудбалерите чија работа е основа на целата индустрија во која сме вклучени сите – создавање на омилената форма на забава за европскиот, но и за светскиот пазар. ФИФА ги загрозува затоа што ги изложува нивните тела на тешки напори. Ги послушавме играчите, долго време ги добиваме истите поплаки – тие се принудени да играат премногу и немаат доволно време за соодветно закрепнување. Затоа многумина одлучија да зборуваат јавно пред најтешката од сите сезони досега“, изјави Терирер.

Поранешниот аргентински репрезентативец, Фернандо Гаго (38) е нов тренер на Бока Јуниорс, објави клубот каде што Гаго пред 20 години ја започна кариерата.

„Фернандо знае дека тука е како дома и многу сме среќни што е со нас“, објави претседателот на клубот Хуан Роман Рикелме.

Со 38 години Гаго доаѓа од мексиканскиот клуб Чивас Гвадалахара, а на клупата на аргентинскиот гигант ќе го наследи Диего Мартинез кој поднесе оставка пред неколку недели. Дебито Гаго ќе го има во натпреварот против Тигре во аргентинското првенство каде што Бока на десет кола пред крајот е на десеттото место со 12 бодови заостанување зад водечкиот Велез.

Дресот на репрезентацијата на Аргентина го носеше на 61 натпревар, а играше и во финалето на Мундијалот во 2014 година кога Германија ја освои титулата.

Селекторот на ерменската фудбалска репрезентација Олександр Петраков ја напушти функцијата, објави официјалниот сајт на тамошната фудбалска федерација.

67-годишниот Украинец е отпуштен по вчерашниот пораз (0-2) од македонската репрезентација во 4. коло од Лигата на нации.

Петраков ја водеше ерменската репрезентација од јануари 2023 година. Ерменците ги загубија шансите за првото место во групата 4 од Лигата Ц.

Во следниот натпревар Ерменија ќе се сретне со Фарски Острови на 14 ноември.

Стартот на новата фудбалска Суперлига веројатно ќе биде во септември 2025 година, објавува весникот “АС”.

Во април 2021 година, 12 клуба (Реал Мадрид, Јувентус, Барселона, Атлетико Мадрид, Милан, Интер, Манчестер јунајтед, Манчестер сити, Челзи, Ливерпул, Тотенхем и Арсенал) го објавија создавањето на новото натпреварување, но по заканите за санкции од УЕФА, проектот беше стопиран.

Во декември 2023 година, Судот на Европската унија застана на страната на Суперлигата во спорот со УЕФА и ФИФА и му дозволи на турнирот да започне без да мора да добие дозвола од други организации.

Се очекува 64 клуба да учествуваат во еквивалентот на сегашната Лига на шампионите.