Миленкоски по третпат ќе ја води македонската одбојкарска репрезентација
Најдобриот македонски одбојкарски стратег, Јошко Миленкоски е назначен за нов предводник на македонската машка репрезентација.
Трофејниот стратег по трет пат ќе седи на клупата на машкиот сениорски национален тим. Актуелниот тренер на грчки ПАОК во претходниот мандат стигна до историско осминафинале на европскиот шампионат.
Управниот одбор на ОФМ, потврди, дека Стефан Пауновиќ ќе продолжи да ги води одбојкарките заедно со Душко Деспотовски.
Лазаров: Словенија е меѓу осумте најдобри екипи во светот
Селекторот на машката ракометната репрезентација, Кирил Лазаров, изјави дека Македонија е подготвена за двомечот со Словенија во евроквалификациите и најави голема борба против исклучително силниот противник.
„Сите билети се распродадоа во еден ден, тоа докажува дека нацијата е желна за квалитетен ракомет. Се соочуваме со сериозен противник кој неодамна играше полуфинале на Олимписки игри и беше петтопласиран на последното Европско првенство.
Словенија секогаш има високи амбиции, имаат специфичен стил на игра со одлична тактика и техника. Ќе пробаме максимално да го искористиме периодот за подготовка и се надевам дека ќе се прикажеме во одлично светло.
Нема да биде воопшто лесно, можам слободно да кажам дека Словенија е меѓу осумте најдобри репрезентации во Европа и во светот. Ќе одработиме три тренинзи и ќе се спротивставиме на најдобар можен начин.
Мора да се бориме до крајот, исто како на мечевите на Мундијалот. Веруваме во позитивен резултат, до него можеме да стигнеме само со голема борба и пожртвуваност во играта. Ако одиграме на нашето најдобро ниво, мислам дека можеме да ја оствариме целта.
Имаме млада и полетна екипа која одигра одлично на Светското првенство. Треба да ги повториме тие настапи и да не отстапуваме од нашиот стил“, изјави Лазаров.
Првиот натпревар помеѓу Македонија и Словенија ќе се одигра на 12 март во Скопје, а возвратниот дуел е закажан за четири дена подоцна во Копер.
Репрезентативците се собраа пред двомечот со Словенија
Машката ракометна репрезентација на Македонија во мартовската ЕХФ седмица ја очекуваат два дуели против селекцијата на Словенија во Скопје и Копер.
Селекторот Кирил Лазаров веќе ги објави имињата на кои ќе смета, а за денес беше закажан и првиот собир.
Во скопскиот хотел „Александар Палас“ селекторот и стручниот штаб ги пречекаа ракометарите првпат во новата година и по настапот на Светското првенство во јануари.
Лазаров мораше да менува непосредно пред репрезентативниот собир бидејќи поради повреда отпадна Петар Атанасијевиќ, а во комбинација влета неговиот тимски колега Цветан Кузманоски.
Ракометарите ќе имаат кратко време за подготовка, бидејќи веќе в среда се игра првиот натпревар во СЦ „Борис Трајковски“ со почеток во 20:00 часот.
Реванш средбата во Копер е на програмата четири дена подоцна (16 март, 18:30 часот).
Беса го изненади Шкупи, Гостивар само ремизираше со Брера
Денес на програмата беа пет средби од 23.коло во ПМФЛ. Брера на Маџари кај Гостивар имаше 1-2, со головите на Велков и Ѓорѓиевски од слободен удар, но во 88. минута од пенал Ајдоган израмни на 2-2. Претходно Каланоски донесе водство на Гостивар од 1-0.
Беса до овој меч немаше гол оваа пролет, а денеска на Чаир даде три успеа да го победи Шкупи со 2-3. Видовме мајсторија на Влатко Стојановски кој во 60.минута од половина терен успеа да постигне фантастичен гол за 1-3 за Беса.
Струга со голот на Малески во 88.минута ја “скрши“ Воска за победа од 1-0 во “Езерското дерби“, а Шкендија со голот на Ибрами бр. 213 во кариерата во ПМФЛ успеа да дојде до победа од 1-0 против Пелистер.
Утре со почеток од 14 часот се игра средбата Работнички и Тиквеш, и тоа на ФФМ.
Рафиња на маса има нов договор со Барселона
Бразилецот Рафиња е еден од најдобрите играчи на Барселона оваа сезона, а доказ за тоа е тоа што постигна 24 гола, од кои ниту еден од пенал, што го прави најдобар играч во Ла Лига.
Сето ова влијаеше на челниците на каталонскиот гигант да му понудат нов договор на јужноамериканецот и покрај тоа што неговата преселба во Саудиска Арабија изгледаше многу извесно.
Светските медиуми пишуваа дека Барселона има понуда за Рафиња од 100 милиони евра, додека самиот играч би добил плата од околу 15 милиони евра доколку се пресели во Ал Хилал.
Сепак, клубот оцени дека Бразилецот им е повреден од парите и реши да му понуди нов договор до 2030 година и да го направи еден од најплатените играчи во тимот.
Одличниот 27-годишен првотимец на Барса оваа сезона одигра 40 натпревари за Барселона и покрај споменатите 24 гола, забележа и 18 асистенции.
Гарначо од в лето се враќа во Атлетико Мадрид
Алехандро Гарначо е една од „жртвите“ на новиот менаџер на Манчестер јунајтед, убен Аморим. Аргентинецот, кој беше стандарден во првиот тим кај Луј ван Гал, кај Аморим се почесто се наоѓа на клупата за резерви.
Гарначо не е задоволен од статусот што го има, се шпекулираше дека во зимскиот преоден рок ќе го напушти клубот. Во јануари Наполи сериозно беше заинтересиран за него, но тој сепак остана на „Олд Трафорд“. Според англиските медиуми, интерес за него покажал и Челси.
Шпански „Фихајес“, сега тврди дека младиот Аргентинец во летниот преоден рок ќе се врати во Шпанија.
Гарначо ја мина младинската школа на Атлетико Мадрид, а на 17-годишна возраст за 500.000 евра замина во Јунајтед.
Атлетико сега сака да го врати, според овој извор за околу 50.000.000 евра. „Фихајес“ пишуав дека Гарначо веќе постигна договор со тренерот на Атлетико, Диего Симеоне.
Коман по една деценија заминува од Баерн
По 10 години поминати во дресот на Баерн Минхен, Кингсли Коман одлучи да го напушти клубот и најверојатно ќе замине во Саудиска Арабија.
Французинот има договор со Баварците до јуни 2027 година, но клубот му излезе во пресрет и се договори со него да го остави да ја смени средината на лето. Колку пари може само да се претпостави, а Флоријан Плетенберг, новинар специјализиран за фудбал во Германија, истакнува дека сумата нема да надмине 40 милиони евра.
Лесно може да се случи да го пуштат за помалку пари затоа што ќе им заштеди околу 40 милиони евра за плати за две сезони. Ал-Наср беше упорен пред една година, Ал-Итихад се вклучи оваа зима и сигурно е дека понудата ќе биде попрофитабилна од сегашната плата од 17 милиони евра.
Сепак, постои интерес од Ливерпул како замена за Мохамед Салах, доколку Египјанецот го напушти „Енфилд“.
Игор Кокошков го презема Анадолу Ефес
Српскиот кошаркарски тренер Игор Кокошков, наскоро повторно ќе добие нов ангажман и се очекува да потпише договор со турскиот евролигаш, Анадолу Ефес.
Информацијата ја објавија повеќе регионални медиуми, кои тврдат дека Кокошков веќе ги остварил првите контакти со управата.
Со репрезентацијата на Словенија го освои златниот медал на Европското првенство во 2017 година.
Словенија го собра златото од Светското првенство во ски-скокови во Норвешка
Последното случување во скијачки скокови на овогодинешното Светско првенство во Трондхајм, донесе нова радост за Словенија, нов успех и потврда на доминацијата на Словенците во скијачки скокови.
Домен Превц ги надмина сите на големата скокалница (140,5 метри). Така натпреварувачите од Словенија го крунисаа успешното Светско првенство во Норвешка, а неговата сестра Ника Превц исто така имаше успешен настап. Ника пред два дена го освои златото со 150,9 поени.
Исто така машката селекција на Словенија ја одбрани светската титула од пред две години во Планица. Словенија во составот на Ловро Кос, Домен Превц, Тими Зајц и Анже Ланишек одлично го одработи својот дел од работата и славеше со 13,4 бодови пред Австрија, која беше фаворит.
Ѓоковиќ сензационално елиминиран на стартот на турнирот во Индијан Велс
Најдобриот тенисер на сите времиња, Новак Ѓоковиќ продолжува да се мачи сезонава откако и во Индијан Велс го заврши својот настап уште во својот прв настап на турнирот со кој се отвора Мастерс 1000 серијата сезонава.
Ѓоковиќ во 2. коло во „пустината“ загуби од холандскиот тенисер Ботик ван де Зандшулп со 2-1, по сетови 6-2, 3-6 и 6-1.
Пласман во второто коло обезбеди Карлос Алкараз кој беше подобар од Квентин Хелис од Франција со максимални 2-0, по сетови 6-4 и 6-2.
