Атлетико Мадрид е првиот полуфиналист на шпанскиот Кралски куп по убедливата победа над Хетафе. Натпреварот на стадионот „Метрополитано“ во шпанската престолнина заврши со резултат 5-0.

Прашањето околу конечниот победник „јорганџиите“ го решија во првото полувреме кога дојдоа до недостижни три гола предност.

Блескаше синот на тренерот Диего Симеоне, 22-годишниот Џулијано.

Најмладиот син Чоло ги постигна првите два гола во воведните 17 минути и најави убедлив триумф. Прво во осмата минута по комбинација со Хави Галан, а потоа во 17. по најубавата акција на натпреварот во која учествуваа тројца Аргентинци: Хулијан Алварез, Родриго Де Пол и стрелецот Џулијано Симеоне.

Третиот гол го постигна Бразилецот Самуел Лино во 42. минута.

Џулијано Симеоне можеше да постигне хет-трик, но неговиот гол беше поништен поради офсајд на почетокот на вториот дел.

Во останатиот дел од натпреварот, фудбалерите на Атлетико рутински си ја завршија работата, фокусирани на следниот натпревар, бидејќи викендов на „Бернабеу“ му гостуваат на градскиот ривал Реал.

Четвртиот гол го постигна уште еден Аргентинец, Анхел Кореа, од 20 метри со силен и прецизен удар во 78. минута, а конечниот резултат осум минути подоцна го постави Норвежанецот Александар Серлот на асистенција на Кореа.

Тоа беше првиот четвртфинален натпревар од Купот на кралот. Леганес и Реал Мадрид играат во среда, а за четврток се закажани два натпревари: Реал Сосиедад – Осасуна и Валенсија – Барселона.

Новиот фудбалер на Астон вила, Маркус Рашфорд, го објасни својот трансфер во клубот од Бирмингем како позајмен од Манчестер јунајтед.

„Тие се клуб кој е во добра позиција во лигата и бараат да напредуваат. Тие се уште се во Лигата на шампионите, имаат добар, амбициозен тренер и голем талент во тимот. Морав да изберам место каде што чувствував дека ќе се вклопи мојот стил на игра за повторно да се откријам и да станам подобар. Сакам да го искористам најдоброто моето време“, изјави Рашфорд.

Рашфорд оваа сезона на 24 настапи за Манчестер јунајтед постигна седум гола и запиша три асистенции. Неговиот договор со Јунајтед е до летото 2028 година.

Трансфермаркт ја проценува вредноста на играчот на 55 милиони евра.

Претплатете се на нашиот newsletter

Е-маил

Maнчестер сити нема да може да ги пријави сите зимски засилувања за плеј-офот од Лигата на шампионите.

Ќе потсетиме дека англсикиот состав ги ангажираа Витор Реис, Омар Мармуш, Нико Гонзалес и Абдукодир Хусанов а еден од нив нема да може да биде регистриран во Лигата на шампионите.

Според правило на УЕФА, една екипа може да регистрира максимум тројца нови играчи помеѓу групната фаза и елиминацискиот дел во елитата на Европа.

Фудбалерите на Болоња се пласираа во полуфиналето на Купот на Италија со победата од 1-0 над Аталанта во Бергамо.

Иако се работи за две екипи кои учествуваа во Лигата на шампионите, овој исход е изненадување, со оглед на формата, па дури и квалитетот што го покажаа оваа сезона.

Болоња ги издржа сите напади на „божицата“ и во 80. минута ја шокираше и ја елиминира од натпреварувањето.

Тогаш голот со кој Болоња се пласираше во полуфиналето го постигна Сантијаго Кастро, Аргентинецот погоди по центаршутот на Ликојанис од слободен удар.

Болоња во полуфиналето ќе игра со победникот од натпреварот помеѓу Јувентус и Емполи.

Другата полуфинална двојка ќе ја сочинуваат победниците од дуелите Милан – Рома и Лацио – Интер.

Србија и Албанија ќе бидат домаќини на Европското првенство за фудбалери до 21 година.

Шампионатот ќе биде отворен на стадионот „Караѓорѓе во Нови Сад“, додека финалето ќе се игра на националниот стадион во Тирана, кој ги исполнува стандардите за финален натпревар од вакво натпреварување.

Бидејќи се одржува во годината пред Олимписките игри, ова ќе биде и квалификациски турнир за Олимпијадата во Лос Анџелес во 2028 година, каде место ќе обезбедат најдобрите четири европски селекции.

Европската фудбалска асоцијација (УЕФА) покажа доверба во Србија и Албанија да организираат многу сериозно натпреварување, на кое ќе учествуваат 16 репрезентации.

Србија ќе биде домаќин во Нови Сад, Лесковац, Лозница и Зајечар, а градови домаќини во Албанија ќе бидат Тирана, Скадар, Драч и Елбасан.

Да потсетиме, овогодинешното издание на ЕП за фудбалери до 21 година го организира Словачка, а титулата ја брани Англија.

Фудбалерот на Ливерпул, Трент Александар-Арнолд, ќе паузира неколку денови откако заработи повреда бутот на натпреварот против Бурнмаут во 24. коло во елитата на Англија.

Дефанзивецот најверојатно нема да излезе на терен пред дербито со Евертон кое ќе се одигра на 12 февруари.

Брзоногиот бек, нема да се појави на реваншот против Тотенхем во полуфиналето на Лига купот и на мечот со Плимут во 4. коло од ФА Купот.

Дефанзивецот на Реал Мадрид, Давид Алаба заработи повреда на тетивата на левата нога, соопшти шпанскиот клуб.

Алаба ги пропушти повеќето натпревари во досегашниот тек од сезоната поради повреда на предните вкрстени лигаменти. Според шпанските медиуми, Алаба ќе отсуствува две до три недели.

Австрискиот дефанзивец, по пауза од 13 месеци, се врати на теренот на 19. јануари на натпреварот против Лас Палмас, по што влезе од клупата за резерви во следните три натпревари, за да го заврши претходното коло од шпанската Ла Лига против Еспањол како неискористена резерва.

Алаба му се приклучи на Реал Мадрид во 2021 година, како слободен играч од Баерн Минхен.

Реал Мадрид е прв во поредокот во Ла Лига со 49 бодови, додека во Лигата на шампионите ќе игра бараж со Манчестер сити за место во осминафиналето, откако заврши на 11. место по првата фаза од натпреварувањето.

Реал утре ќе му гостува на Леганес во четвртфиналето на шпанскиот Куп, а на 9.февруари во градското дерби ќе го пречека Атлетико. Овие натпревари и баражот со Манчестер сити ќе ги пропушти и Антонио Ридигер, кој се повреди во саботата против Еспањол.

Николо Фаџоли во последниот ден од зимскиот преоден рок замина во екипата на Фиорентина. Како што потврдија утрово од Јувентус, Фаџоли е позајмен кај „виолетовите“ до крајот на сезоната, со обврска за откуп на неговиот договор на крајот на сезоната.

Фаџоли игра во Јувентус од својата 14-годишна возраст. На 26 август 2018 година тој дебитираше во младионскиот тим на Јувентус пред да го добие својот прв повик во Серија А на 27 јануари 2019 година, на 17-годишна возраст.

Фаџоли имаше 69 настапи во првиот тим на Јувентус во сите натпреварувања, постигнувајќи три гола, сите во Серија А.

Младиот фудбалски репрезентативец на Македонија, Иван Николов во вториот дел од сезоната ќе го носи дресот на дански Вендсисел. Според информацијата од Данска, Николов кој е под договор со Сондерјиске до летото 2026 година, е позајмен на Вендсисел без право на откуп.

„Во Иван Николов добиваме играч од средниот ред кој ќе не засили за пролетните натпревари. Станува збор за квалитетен играч кој може да покрие неколку позиции во централниот дел на теренот, а кого го баравме откако во зимскиот преоден рок се збогувавме со неколку играчи на овие позиции“, објавија од неговиот нов клуб.

За Сондерјиске Иван Николов досега одигра 39 натпревари и постигна три гола.