Каваи Ленард донесе одлука да не настапи за репрезетнацијата на САД на следните ЛОИ во Париз.
Проблем е повредата која Каваи ја нема санирано уште од тековната сезона и сеуште не знае дали ќе се рехабилитира до почетокот на Олимписките Игри.
Селекторот Стив Кер веќе ја назначи замената и тоа во името на Дерик Вајт од Бостон Селтикс.
Репрезентативецот на Србија, Филип Костиќ го заврши учеството на Европското првенство поради повреда на коленото, тврдат медиумите во оваа земја.
Костиќ се повреди против Англија, натпреварот го заврши во 41.минута. Реакцијата на фудбалерот откако беше заменет говори дека повредата не е наивна.
Костиќ со солзи во очите го напушти теренот.
„Во понеделник ќе оди на сминање. Можеби е посериозно повреден. Чувствуваше болка во надворешниот дел на коленото“, рече по завршувањето на мечот со Англија, српскиот селектор Драган Стојковиќ.
Европската фудбалска централа (УЕФА) покрена дисциплинска постапка против Фудбалската федерација на Албанија (ФСХФ) поради инциденти на натпреварот против Италија во првото коло на Европското првенство во Германија, јавува денеска Ројтерс.
Италија синоќа во Дортмунд ја победи Албанија со 2:1 во натпреварот од првото коло од групата Б на Европското првенство во Германија.
УЕФА соопшти дека покренала постапка против ФСХФ поради тоа што навивачите трчале на теренот и фрлале предмети на теренот. Исто така, УЕФА му наплати на ФСХФ за палење ракети за време на мечот со Италија, како и за „пренесување провокативна порака несоодветна за спортски настан“.
Белгиецот Де Кетелер, кој имаше одлична сезона во Аталанта како позајмен од Милан, ќе остане во тимот од Бергамо.
Според одредени шпекулаци, двата тима се договориле за сума од 22 милиони евра плус два како бонуси.
Белгиецот кој се наоѓа со неговата селекција на Еврото во Германија, претходната сезона ја заврши со 14 голови и 11 асистенции на 50 натпревари во сите конкуренции.
Бешикташ упатил понуда до германскиот дефанзивец Матс Хумелс, објавија турските медиуми. Предлогот на турскиот клуб е за договор на 2+1 година.
Хумелс сега е слободен играч откако ја напушти Борусија Дортмунд. Неговиот договор со финалистот од Лигата на шампионите не беше обновен и тој може да се пресели во друг клуб без трансфер. За 35-годишниот фудбалер не недостига интерес од други клубови од Европа, како и од МЛС и Саудиска Арабија.
Сепак, желбата на фудбалерот е да остане на Стариот континент. Се очекува Хумелс наскоро да донесе одлука за својата иднина, а Бешикташ е една од неговите главни опции.
„Црните орли“ веќе се засилија со еден централен дефанзивец – Габриел Паулиста од Атлетико Мадрид.
Репрезентативецот на Македонија, повеќе не е фудбалер на Динамо Букурешт, потврди романскиот клуб на социјалните мрежи.
Дарко Велковски го напушта клубот во кој ја помина последната полусезона. Засега има неколку заинтересирани екипи, но не е познато каде Велковски ќе ја продолжи кариерата.
Во кариерата претходно Велковски настапуваше за Македонија Ѓорче Петров, Работнички, Вардар, Ал-Етифак и Ријека.
„Мундо Депортиво“ објави дека Барселона се откажала од Хезоња, а причина е неговата изјава дадена по освојувањето на титулата со Реал пред неколку дена.
„Убаво е што ја освоивме титулата во Шпанија, но се чувствувам лошо бидејќи ја загубивме европската титула во најлошиот натпревар кој го одигравме сезоанва. Ова многу ми значи. Би сакал да им возвратам на навивачите со уште многу титули следниве години. Чувствувам како овој тим и навивачите да ми се семејство, тие ме пречекаа со раширени раце додека многу луѓе зборуваа за мене лоши работи. Затоа сакам да бидам овде уште две години и да им возвратам на луѓето од Мадрид, – изјавил Хезоња.
Ваквата изјава ги налутила во таборот на Барселона, па сега веројатно е дека ќе му пропадне договорот на Хезоња, според кој требаше да заработува 3 милиони евра по сезона. Каталонците вниманието го свртеле кон Кевин Пантер и Американецот сега е поблиску до преселба во овој клуб.
Сопственикот на Рома, Ден Фридкин, ќе го купи Евертон за 475 милиони евра, јавија денеска италијанските медиуми.
Според Туто Меркато, Фридкин како резултат на трансакцијата ќе добие 94,1 отсто од акциите, кои во моментов му припаѓаат на актуелниот сопственик на англискиот клуб, Фархад Мошири.
Целата процедура околу одобрување на договорот од Премиер лигата се очекува да потрае повеќе од еден месец, но не се очекуваат никакви проблеми.
Мошири е претседател на одборот на директори и акционер на USM Holdings. Тој се здоби со акции во Евертон во 2016 година.
Компанијата Фридкин Груп стана сопственик на Рома во август 2020 година. Според пишувањата на медиумите, сумата на трансакцијата е околу 600 милиони евра.
Бундеслигашот Баерн Минхен објави денеска продолжување на договорот со фудбалерот од средниот ред Александар Павловиќ до лето 2029 година.
Минатата сезона, играчот од средниот ред забележа 22 настапи за Баерн, постигнувајќи два гола, а додаде и две асистенции.
Дваесетгодишниот Павловиќ се најде на поширокиот список на Германија за Европското првенство, но во последен момент отпадна од списокот поради воспаление на крајниците.
Руските тенисери Андреј Рублев, Карен Хачанов и Људмила Самсонова нема да учествуваат на Олимписките игри ова лето во Париз, соопшти денеска претседателот на руската Тениска федерација Шамил Тарпишчев.
„Рубљов, Хачанов, Самсонова нема да играат на Олимпијадата. На Андреј му треба закрепнување, се наталожил замор. Неговото тело не е од железо“, изјави Тарпишчев.
Рублев (26), кој е шесторангиран на АТП листата, на Олимписките игри во Токио во 2021 година, во тандем со Анастасија Пављученкова стана олимписки шампион во мешани двојки, а го освои Дејвис купот и АТП купот како дел од рускиот тим.
Хачанов (28) е на 22-то место на светската ранг-листа, додека 25-годишната Самсонова е рангирана на 15. место во светот и има освоено четири ВТА титули. Олимписките игри во Париз ќе се одржат од 26 јули до 11 август.
