Мерсисајд дербито помеѓу Евертон и Ливерпул беше откажано поради неповолните временски услови за време на бурата Дара.

Тамошната полиција ги советуваше луѓето во југозападниот дел на Англија да не ги напуштаат своите домови или да патуваат освен ако е апсолутно неопходно.

Средбата меѓу големите ривали беше планирана на „Гудисон парк“ од 13:30 часот. Тоа требаше да биде последното дерби на овој стадион.

Со овој натпревар требаше да се отвори 15. коло од Премиер лигата, предводени од „црвените“ со 35 бода.Што се однесува до Евертон, овој тим се наоѓа на 15. позиција со 14 бодови.

Последното дерби меѓу двата ривали одиграно во април му припадна на Евертон со резултат 2-0.

Во текот на нивната историја, тие се сретнале 244 пати. Ливерпул победи 99 пати, Евертон 68 пати, додека 77 натпревари завршија нерешено.

ПСЖ е заинтересиран за 24-годишниот одбранбен играч за врска на Реал Мадрид, Аурелиен Чуамени.

За трансфер на францускиот фудбалер лично е заинтересиран претседателот на ПСЖ, Насер Ал-Хелаифи. Сепак, главниот тренер на парискиот клуб Луис Енрике е помал оптимист за купувањето на Чуамени. Претседателот на мадридскиот клуб Флорентино Перез е подготвен да ги разгледа понудите за 24-годишниот фудбалер во висина од 80-85 милиони евра.

Сезонава Чуамени во сите натпреварувања учествуваше на 16 натпревари на кои не беше ефикасен. Договорот на играчот со клубот е до летото 2028 година. Според информациите објавени на порталот Трансфермаркт, пазарната вредност на фудбалерот е 100 милиони евра.

Карим Бензема се радуваше во пресметката против својот поранешен соиграч Кристијано Роналдо, Ал Итихад со гол во судиското надополнување го совлада Ал Наср со 2-1.

Во дербито на колото во Саудиска Арабија, Ал Итихад славеше против Ал Наср.

Карим Бензема го отвори резултатот на стартот од второто полувреме, но само две минути подоцна пристигна одговорот на Кристијано Роналдо, кој изедначи на 1-1.

Сепак, домаќините стигнаа до драматична победа, Бергвајн прецизно пласираше за 2-1 и огромна радост на трибините.

Последното есенско коло во Првата македонска фудбалска лига се игра в недела. Сите шест меча се во ист термин, а Фудбалската федерација на Македонија веќе ги делегира официјалните лица.

Дербито на колото се игра во Тетово, каде што Шкендија го дочекува Гостивар, а за тој меч е делегиран Димитар Пилешков. Александар Ставрев веројатно последниот натпревар во кариерата ќе го суди во Скопје, меѓу Работнички и Пелистер.

Судии за 18. коло во ПМФЛ:
Шкендија – Гостивар (Димитар Пилешков)
Работнички – Пелистер (Александар Ставрев)
Силекс – Вардар (Стојанче Трпчевски)
Струга – Воска (Александар Грујоски)
Тиквеш – Брера (Игор Стојчевски)
Беса – Шкупи (Фуркан Идризи)

Натпреварите в недела се во стандардниот термин од 13:00 часот.

Италијанските медиуми објавија информации за интерес од страна на Торино за аквизиција на Џенаро Гатузо.

Тренерот кој во моментов го води Хајдук нагласи дека е среќен во Сплит и не размислува за заминување. На прес-конференцијата пред мечот со Горица тој доби прашање за интересот од Торино и децидно одговори.

„Мојата иднина е во Хајдук. Со главата и мислите сум комплетно тука. Моментално размислувам само за натпреварот со Горица“, порача Италијанецот.

Торино размислува за тренерска смена, бидејќи тимот е во сериозна резултатска криза под водство на Паоло Ваноли. Во последните десет натпревари во сите натпреварувања Торино загуби осум пати.

Претходно се зборуваше за интерес и од страна на Глазгов Ренџерс за услугите на Гатузо.

Аталанта ќе преноќи на првото место на табелата во Серија А откако вечерва со 2-1 го совлада Милан, Адемола Лукман им пресуди на „росонерите“ во финишот од мечот.

„Црно-сините“ од Бергамо се во страшна форма, имаат девет победи во низа, не знаат за пораз веќе 14 натпревари и вечерва ќе преноќат на врвот во Серија А откако со 2-1 го совладаа Милан.

Де Кетеларе погоди против својот поранешен клуб и донесе предност од 1-0, но само десет минути подоцна Мората одговори и изедначи на 1-1.

И кога се чинеше дека бодовите ќе бидат поделени, фудбалерите на Милан заборавија на Адемола Лукман при еден корнер, па Нигириецот осамен на подалечната статива со глава ја затресе мрежата во 87. минута за огромна радост на сите во Бергамо.