Според најновите извештаи, Реал Мадрид нема да присуствува на годинашната церемонија на Златната Топка, што ќе биде втора година по ред како клубот ја избегнува најпрестижната вечер во светскиот фудбал. 

Иако неколку играчи на клубот се меѓу номинираните – Винисиус Жуниор и Џуд Белингам за најдобар фудбалер, како и Тибо Куртоа за наградата Јашин – шпанскиот гигант повторно реши да не присутвува, како што направи и во 2024 година. 

Одлуката се гледа како јасен став на клубот, можеби во знак на незадоволство од начинот на доделување на наградите или како дел од поширока стратегија за односот кон индивидуалните признанија. 

И покрај отсуството на Реал, Златната топка останува глобален настан што ги слави најдобрите во фудбалот. Но, одлуката на Мадрид дополнително ја зголемува неизвесноста и интересот околу овогодинешното издание, особено кога нивни играчи се меѓу фаворитите за големите признанија. 

Ламин Јамал не се задоволува само со тоа што е еден од најдобрите таленти во светскиот фудбал, тој сака да владее со играта долги години. Младиот ас на Барселона и Шпанија јасно ги искажа своите амбиции – не му е доволна само една Златна Топка, туку се стреми кон повеќе. 

Младиот крилен напаѓач верува дека поседува квалитети за постојано да биде на врвот на светскиот фудбал. За него, не се работи само за талент, туку и за став и посветеност. 

„Ако не ја освојам, ќе биде затоа што не сум дал сè од себе,“ изјави Јамал, покажувајќи изненадувачка зрелост и решителност. 

Со зрел пристап и јасна визија, Јамал е фокусиран на долгорочен успех. Потенцијалните неуспеси не ги гледа како порази, туку како недостаток на целосна ангажираност, нешто што тој не сака да си го дозволи. 

Како што неговата кариера се развива, така растат и неговите амбиции. Освојувањето на Златната Топка, вели, би му донело „огромна радост“, но освојувањето на повеќе би било негова трајна оставнина. 

Фудбалерот на Атлетико и шпански репрезентативец, Нико Вилијамс, се повреди на квалификацискиот натпревар за Светското првенство во 2026 година, објави официјалната веб-страница на клубот од Мадрид.

Вилијамс предвреме го напушти теренот во првото полувреме од натпреварот Шпанија – Турција (6-0) одигран викендот.

На 23-годишниот фудбалер му беше дијагностицирана умерена повреда на левиот адукторен мускул. Поради ова, тој би можел да отсуствува до шест недели.

Вилијамс нема да игра на претстојните натпревари против Алавес, Арсенал (во првото коло од Лигата на шампионите) и Валенсија. Точниот датум на неговото враќање зависи од брзината на неговото закрепнување.

Норвашката репрезентација оствари рекордна победа од 11:1 над Молдавија во квалификациите за Светското првенство во 2026 година. Норвежаните продолжија со совршениот настап во првите пет кола и сега имаат 15 бода со гол разлика од +21.

Натпреварот го одбележа феноменалниот Ерлинг Браут Халанд, кој постигна дури пет гола и додаде уште две асистенции, додека Мартин Одегард постигна еден гол со две асистенции. Блескаше и Тело Асгард, кој влезе во игра во 64-та минута и постигна четири гола до крајот на натпреварот. Еден гол постигна и Феликс Хорн Михре.

Интересно и голот за Молдавија го постигна репрезентативец на Норвешка, Лео Остигард си постигна автогол во 71.минута.

Со вечервашниот настап, Норвешка се приближи до европскиот рекорд, кога станува збор за квалификации за Светското првенство. Рекордер е Германија во 1970 година, го победи го победи Кипар со 12-0, а Норвешка се изедначи на второто место со Грција и Македонија.

Бетис подготвува нов договор за 33-годишниот играч од средниот ред Иско, кој ќе го стави рамо до рамо со Антони, како најплатен фудбалер во тимот, по доаѓањето на Бразилецот од Манчестер Јунајтед.

Шпанскиот клуб веќе започна преговори за обновување на договорот на Иско и има намера да го изедначи неговото финансиско примање на исто ниво како она на 25-годишниот Антони, тврди локалниот медиум Estadio Deportivo.

Последен пат Иско го продолжи својот договор во декември 2023 година, а актуелните преговори започнаа порано летово, но сега се очекува да се забрзаат, иако играчот од средниот ред во моментот е надвор од игра поради повреда.

Фудбалерот е обврзан со клубот до 2027 година. Имаше интерес од други клубови за време на трансферниот период, но тој јасно изјави дека го гледа своето иднина во Бетис, каде што стана лидер и миленик на навивачите. Поранешната ѕвезда на Реал Мадрид се опоравува од повреда, која ќе го задржи надвор од терените околу три месеци.

Фенербахче официјално го претстави Доменико Тедеско како нов тренер на клубот. 39-годишниот Италијанец потпиша двегодишен договор за да го замени Жозе Мурињо, кој беше отпуштен по елиминацијата на тимот во плејофот од Лигата на шампионите.

Поранешниот капитен на тимот, Гокан Гењул, исто така, ќе се приклучи на неговиот персонал како помошник.

Назначувањето го означува враќањето на Тедеско во клупскиот фудбал по речиси две години како менаџер на белгиската репрезентација, од која беше отпуштен во јануари. Во својата тренерска кариера, тој работеше во академиите на Штутгарт и Хофенхајм, пред да ги предводи првите тимови на Ауе, Шалке 04 и РБ Лајпциг. Неговиот единствен контакт со клуб надвор од Германија досега беше времето поминато во Спартак Москва.

По три кола од турското првенство, Фенербахче има седум бода – две победи и едно реми.

Кристијано Роналдо го израмни рекордот за постигнати голови во квалификациите за Светското првенство, откако Португалија ја победи Унгарија со 3-2 во квалификацискиот натпревар за Светското првенство 2026 година.

Напаѓачот го постигна својот 39-ти гол во квалификациите, изедначувајќи се со Карлос Руиз од Гватемала како најдобар стрелец во квалификациите за Светското првенство. Тој веќе има три гола повеќе од Лионел Меси.

Роналдо (40 години), постигна гол од пенал во 58-та минута, со што го зголеми својот репрезентативен број на 141 гол во 223 настапи за Португалија, што го прави најдобар стрелец на сите времиња во земјата.

Победата ја остава Португалија на врвот во Групата Ф со шест бода, додека Унгарија е трета со еден.

Македонија до 21 година забележа пораз од Италија (0:1) во Битола во квалификациите за Европското првенство. Иако имавме играч повеќе уште од 35. минута, младите „аѕури“ постигнаа гол и заминаа со победа.

На прес-конференцијата по натпреварот, селекторот Горан Станиќ ја даде својата анализа:

„Најпрво сакам да упатам благодарност до градот Битола за одличната организација. Италија е фаворит во групата и тоа е јасно. Почетокот на мечот ни беше тежок, слично како против Полска, преголем респект кон противникот. Подоцна се ослободивме и игравме многу подобро, дури имавме моменти кога бевме рамноправни или и поквалитетни од нив. За жал, повторно сме казнети од наша невнимателност во одбраната. Италијанците такви грешки не простуваат. Ние создадовме повеќе шанси, имавме удари, но недостасуваше реализација. Ако не постигнуваме голови, тогаш попусто е и целата тактичка подготовка. Се надевам дека играчите во своите клубови ќе добиваат доволно простор и ќе напредуваат, бидејќи во репрезентацијата нема многу време за работа“

Македонската младинска селекција следните натпревари ќе ги одигра во октомври против Ерменија и Црна Гора.

Селекторот на бугарската фудбалска репрезентација поднесе оставка.

Илијан Илиев одлучи да се повлече од функцијата селектор по лошиот почеток на квалификациите за Светското првенство во 2026 година.

Одлуката ја потврди Бугарскиот фудбалски сојуз (БФУ), наведувајќи дека името на новиот селектор ќе биде објавено во наредниот период.

Бугарија претрпе два убедливи порази во првите две кола од квалификациите – загуби од Шпанија со 3-0 во Софија, а потоа загуби со ист резултат на гостински терен од Грузија во Тбилиси.

Бугарија е на последното место во Групата Е без освоен бод.

Кошаркарскиот клуб Пелистер во својот ростер има уште еден американски кошаркар. „Зелено-белиот“ дрес ќе го носи Си-Џеј Вилсон, 31-годишен кошаркар.

Вилсон минатата сезона ја мина во македонскиот шампионат носејќи го дресот на Кожув од Гевгелија. Токму Американецот беше најдобар кошаркар на Кожув ланската сезона,што беше најдобра препорака за управата на „пелистерци“ да го ангажира.

Вилсон пред Кожув настапуваше и во Полска, а има настапувано и во лигите на Романија, Шведска, Албанија и БиХ.

Вилсон е петтото странско засилување за Пелистер сезонава, по Никола Малешевиќ, Џордан Скипер-Браун, Остин Прајс и Брејси Дејвис.