Србија и Албанија ќе бидат домаќини на Европското првенство за фудбалери до 21 година.

Шампионатот ќе биде отворен на стадионот „Караѓорѓе во Нови Сад“, додека финалето ќе се игра на националниот стадион во Тирана, кој ги исполнува стандардите за финален натпревар од вакво натпреварување.

Бидејќи се одржува во годината пред Олимписките игри, ова ќе биде и квалификациски турнир за Олимпијадата во Лос Анџелес во 2028 година, каде место ќе обезбедат најдобрите четири европски селекции.

Европската фудбалска асоцијација (УЕФА) покажа доверба во Србија и Албанија да организираат многу сериозно натпреварување, на кое ќе учествуваат 16 репрезентации.

Србија ќе биде домаќин во Нови Сад, Лесковац, Лозница и Зајечар, а градови домаќини во Албанија ќе бидат Тирана, Скадар, Драч и Елбасан.

Да потсетиме, овогодинешното издание на ЕП за фудбалери до 21 година го организира Словачка, а титулата ја брани Англија.

Фудбалерот на Ливерпул, Трент Александар-Арнолд, ќе паузира неколку денови откако заработи повреда бутот на натпреварот против Бурнмаут во 24. коло во елитата на Англија.

Дефанзивецот најверојатно нема да излезе на терен пред дербито со Евертон кое ќе се одигра на 12 февруари.

Брзоногиот бек, нема да се појави на реваншот против Тотенхем во полуфиналето на Лига купот и на мечот со Плимут во 4. коло од ФА Купот.

Дефанзивецот на Реал Мадрид, Давид Алаба заработи повреда на тетивата на левата нога, соопшти шпанскиот клуб.

Алаба ги пропушти повеќето натпревари во досегашниот тек од сезоната поради повреда на предните вкрстени лигаменти. Според шпанските медиуми, Алаба ќе отсуствува две до три недели.

Австрискиот дефанзивец, по пауза од 13 месеци, се врати на теренот на 19. јануари на натпреварот против Лас Палмас, по што влезе од клупата за резерви во следните три натпревари, за да го заврши претходното коло од шпанската Ла Лига против Еспањол како неискористена резерва.

Алаба му се приклучи на Реал Мадрид во 2021 година, како слободен играч од Баерн Минхен.

Реал Мадрид е прв во поредокот во Ла Лига со 49 бодови, додека во Лигата на шампионите ќе игра бараж со Манчестер сити за место во осминафиналето, откако заврши на 11. место по првата фаза од натпреварувањето.

Реал утре ќе му гостува на Леганес во четвртфиналето на шпанскиот Куп, а на 9.февруари во градското дерби ќе го пречека Атлетико. Овие натпревари и баражот со Манчестер сити ќе ги пропушти и Антонио Ридигер, кој се повреди во саботата против Еспањол.

Николо Фаџоли во последниот ден од зимскиот преоден рок замина во екипата на Фиорентина. Како што потврдија утрово од Јувентус, Фаџоли е позајмен кај „виолетовите“ до крајот на сезоната, со обврска за откуп на неговиот договор на крајот на сезоната.

Фаџоли игра во Јувентус од својата 14-годишна возраст. На 26 август 2018 година тој дебитираше во младионскиот тим на Јувентус пред да го добие својот прв повик во Серија А на 27 јануари 2019 година, на 17-годишна возраст.

Фаџоли имаше 69 настапи во првиот тим на Јувентус во сите натпреварувања, постигнувајќи три гола, сите во Серија А.

Младиот фудбалски репрезентативец на Македонија, Иван Николов во вториот дел од сезоната ќе го носи дресот на дански Вендсисел. Според информацијата од Данска, Николов кој е под договор со Сондерјиске до летото 2026 година, е позајмен на Вендсисел без право на откуп.

„Во Иван Николов добиваме играч од средниот ред кој ќе не засили за пролетните натпревари. Станува збор за квалитетен играч кој може да покрие неколку позиции во централниот дел на теренот, а кого го баравме откако во зимскиот преоден рок се збогувавме со неколку играчи на овие позиции“, објавија од неговиот нов клуб.

За Сондерјиске Иван Николов досега одигра 39 натпревари и постигна три гола.

Душан Влаховиќ во летниот преоден рок ќе го напушти Јувентус. Влаховиќ и неговите менаџер ги одбија сите понуди на клубот околу новиот договор, кој предвидуваше намалување на платата. Бидејќи има договор до јуни 2026 година, летниот преоден рок ќе биде последна шанса Јувентус да заработи од неговиот трансфер.

Челниците на Јувентус веќе имаат план како ќе реагираат по заминувањето на Влаховиќ. Нивната намера е да го задржат Рандал Коло Муани, Францускиот репрезентативец неодамна го засили клубот. Одлично се вклопи постигна три гола во првите два натпревари.

Планот на Јувентус е и наредната сезона да го задржат Муани на позајмица, а по завршувањето на сезоната 2025/2026 да го откупат од ПСЖ за 45 милиони евра.

Јувентус не сака веднаш да го купи Муани, бидејќи во летниот преоден рок за 30 милиони евра сака да го ангажира дефанзивецот на Феенорд, Словакот Давид Ханцко.

Покрај Ханцко, во летниот преоден рок, челниците на „старата дама“ ќе тргнат и по Виктор Осимен. Нигериецот сезонава е позајмен во Галатасарај, а се претпоставува дека Наполи ќе прифати 75 милиони евра.

По Бојан Димовски, фудбалскиот клуб Партизан покажа интерес за уште еден македонски фудбалер, Лука Станковски играч на Раднички од Крагуевац.

Лука Станковски во Раднички дојде на позајмица од Газијантеп. Во меѓувреме стана важен играч во тимот на Феѓа Дудуиќ, на 13 натпревари постига три гола, поради што клубот за 30.000 евра го откупи неговиот договор од турскиот клуб.

„Моцартспорт“, пушува за интересот на Партизан, но не наведува колкава сума е подготвен клубот од Белград да понуди за Станковски. Според овој извор, проблем може да биде фактот што Партизан сè уште не го испочитувал договорот за обештетување на Никола Миличиќ. Овој играч пред една година од раднички се пресели во Партизан, се повреди на подготвките, не успеа да дебитира, а пред неколку дена овој играч замина во шпанскиот второлигаш Бургос. Инаку за Миличиќ, Партизан на Раднички треба да му плати 500.000 евра.

„Трансфермаркт“, вредноста на Станковски ја проценува на 800.000 евра.

Голманот на Баерн, Мануел Нојер следниот месец ќе наполни 39 години, но нема намера да се пензионира.

Славниот германски голман потпиша нов едногодишен договор со баварскиот гигант, што значи дека ќе има 40 години кога ќе истече на 30 јуни 2026 година.

Неговиот стар договор истече во јуни и на почетокот на годината најави продолжување на соработката, која беше официјализирана во понеделникот.

„Мануел Нојер го продолжи договорот со клубот до 2026 година“, објави Баерн на социјалните мрежи и на клупскиот портал.

По тој повод се огласи и спортскиот директор на Баерн, Макс Еберле.

-Мануел Нојер е најдобриот голман во својата генерација и икона на Баерн. Кога зборувате за голман во наше време, зборувате за Мануел Нојер, и тоа ширум целиот свет, рече Еберле.

Нојер во славниот клуб од Минхен пристигна во 2011 година од Шалке. Со Баварците 11 пати беше германски шампион (11 последователни сезони од 2013 до 2023 година), пет пати го освои Купот на ДФБ и двапати Лигата на шампионите.