feature

Шортс е незадржлив, Париз ја освои и Пиреја

Париз во 14. коло од Евролигата го совлада Олимпијакос со резултат 96-90 среде Пиреја. Со оваа победа актуелниот освојувач на Еврокупот докажа дека повеќе не е изненадување во Евролигата туку легитимен кандидат за место на завршниот турнир.

Избраниците на Тиаго Сплитер го задржаа првото место на табелата во Евролигата со ско 11-3, а против грчкиот тим забележаа неверојатна десетта победа во низа, додека Олимпијакос падна на 9-5 со вториот пораз во последните три натпревари.

Гостите на полувремето заминаа со +5, а потоа следуваше фуриозен трет период (24-16) кој на Париз му донесе предност од 13 поени. .

Играчите од Париз добро ја отворија последната четвртина, направија серија и стекнаа предност од 20 поени. И тука застана. Следуваа фуриозни три ипол минути на Олимпијакос и серија од 22-0 (во која Фурние постигна 11 поени).

Следуваше неверојатна завршница. Шортс погоди тројка за +4 на Париз, Олимпијакос успеа да изедначи, имаше дури и напад за водство, но Париз се одбрани, па на 20 секунди до крајот, Ло остана сам како дух и погоди тројка за +3. Тогаш тренерот на Париз реши да влезезе во пенал завршница и тоа му се испалтеше. Фурние промаши едно фрлање, а зонскиот пресинг на домаќините беше толку лош што Јантунен остана сам под обрачот за +4.

Фурние погоди тројка од едната нога на 6,5 секунди до крајот (-1), а Ло веднаш беше фаулиран. Германецот без проблем ги погоди и двете слободни, а Фурние потоа се лизна, му падна топката, а Хифи со тројка во последната секунда стави точка на натпреварот.

Ти Џеј Шортс со 21 поен и осум асистенции го предводеше Париз, Хифи постигна 20, додека Вард имаше 14 поени. Ло уфрли осум коша од кои пет во последните 20 секунди.

На другата страна трагичарот Фурние имаше 25 поени. Везенков постигна 18 поени.

Леклер најбрз на тренингот во Абу Даби

Возачот на Ферари, Шарл Леклер беше најбрз на првиот тренинг пред Големата награда на Абу Даби, последната трка во сезоната.

Сепак, Леклер беше казнет затоа што неговиот тим постави нов акумулатор на болидот, кој го надмина дозволениот број за оваа сезона. Поради ова, Шарл ќе стартува 10 места пониско од неговиот квалификациски резултат.

Во однос на тренингот, Леклер беше за 0,221 секунди побрз од Ландо Норис од Мекларен, кој беше за 0,264 секунди побрз од возачот на Мерцедес, Луис Хамилтон.

Ферари моментално се бори за шампионската титула кај конструкторите со Мекларен, кои имаат 21 бод предност пред последната трка во сезоната.

Квалификациите ќе бидат на програмата утре од 15:00 часот, додека трката за Големата награда на Абу Даби е закажана за в недела во 14:00 часот.

Бисинов парираше едно полувреме, Еурофарм Пелистер лесно до нови суперлигашки бодови

Еурофарм Пелистер го совлада Бисинов Фриут Ленд од Велес со 45-31 во првиот натпревар од 14. коло на Суперлигата. Велешкиот тим одигра одлично прво полувреме и на одмор се замина со само +2 за домаќинот (21-19). Сепак, во вториот дел до израз дојде квалитетот кој е на страната на битолскиот тим.

Клучна беше серијата од 9-0 кон средината на второто полувреме со која Пелистер поведе со 33-22. На крајот малку недостасуваше шампионот да го надмине тимскиот рекорд за оваа сезона по бројот на постигнати голови кој изнесува 46.

Најефикасни играчи на средбата во домашниот тим беа репрезентативните крила Цветан Кузманоски и Ненад Костески со по шест, додека кај гостите се истакна ветеранот Ивица Илиев со осум гола.

Следниот викенд, во рамките на 15. коло, Еурофарм Пелистер ќе го пречека Вардар 1961.

Дончиќ ќе игра за Словенија на Евробаскетот на домашен терен

Лука Дончиќ потврди дека ќе ја води Словенија на Евробаскетот во 2025 година.

„Со нетрпение очекувам да играм за мојата земја. Гордост е, радост е да играм за мојата земја секогаш кога можам. Затоа ќе го повторам тоа“, рече Дончиќ.

Дончиќ во кариерата нема пропуштено ниту еден репрезентативен турнир.

Играше за Словенија на Евробаскетот 2017, во квалификациите за Олимписки игри и на Олимписки игри во 2021, Евробаскетот 2022, Светското првенство 2023 и квалификациите за Олимписките игри во 2024 година.

Голема е веројатноста Дончиќ да игра и на Евробаскет 2029, со оглед на тоа што Словенија е еден од кандидатите за коорганизатор на турнирот.

Словенија беше домаќин на Европското првенство во 2013 година, а Дончиќ како 18-годишник ја предводеше репрезентацијата до титулата во 2017 година.

Евробаскетот во 2025 година ќе се игра од 27 август до 14 септември следната година, а домаќини ќе бидат Кипар, Финска, Полска и Летонија.

Дончиќ оваа сезона има просек од 28,7 поени со 8 скока и 7,9 асистенции за Далас Маверикс во НБА.

Мурињо еспресно одговори на провокацијата на Пеп

Ливерпул го победи Манчестер сити со 2-0 во неодамнешното дерби на англискиот фудбал.

Навивачите на „Енфилд“, кога Ливерпул го постигна вториот гол скандираа „Утре ќе бидеш отпуштен…“ на Пеп Гвардиола, по што менаџерот на Сити крена шест прсти во воздух.

Тие шест прсти го означија бројот на титули кои клубот ги освои под негово водство во Премиер лигата. Со тој потег многумина потсети на Жозе Мурињо.

Португалецот, тогаш како тренер на Манчестер јунајтед, на навредите на навивачите на Челзи и Тотенхем одговараше со три прста во воздух.

Неколку месеци подоцна доби отказ од клубот, а едно од прашањата што му беа поставени на Гвардиола на прес-конференцијата по поразот од Ливерпул одеше токму во таа насока.

„Се надевам дека нема да биде така со мене. Тој освои три, јас шест“, беше дел од она што Гвардиола им одговори на новинарите за споредбата со Мурињо, денес тренер на Фенербахче.

Следеше одговорот на Мурињо: „Јас титулите ги освоив чесно. Секогаш кога ќе загубев му честитав на противникот. Не сакам да победувам и да се занимавам со 150 судски процеси”.

Одговорот на Мурињо алудира на процесот во кој Сити е обвинет за 115 прекршувања на финансискиот фер-плеј на лигата.

Бове доби забрана за професионален фудбал во Италија

На Едоардо Бове, играчот од средниот ред на Фиорентина, кој во неделата доживеа срцев удар на натпреварот Фиорентина-Интер, му е вграден пејсмејкер во болницата Кареџи во Фиренца.

Ова значи дека тој нема да може да ја продолжи кариерата во Италија, бидејќи постои правило кое не им дозволува на фудбалерите со дефибрилатор да играат во оваа земја.

Бове е играч на Рома, кој како позајмен настапува во Фиорентина, најпрвин ќе треба да го раскине договорот, па потоа да бара ангажман во странство.

Инаку, Бова го чека операција во следните неколку дена, а лекарите се сомневаат дека има миокардитис, воспаление на срцевиот мускул.

Во 2021 година, Данецот Кристијан Ериксен, откако доживеа срцев удар среде натпревар на Европското првенство мораше да го напушти Интер бидејќи му беше вграден дефибрилатор.

Ериксен замина во Брентфорд, а потоа во Манчестер јунајтед.

Меси е МВП на регуларниот дел на МЛС лигата

Лионел Меси е добитник на наградата за најдобар играч во МЛС лигата, именувана по Лендон Донован, поранешен репрезентативец на САД.

Аргентинецот одигра 19 натпревари бидејќи го пропушти поголемиот дел од сезоната поради повреда во финалето на Копа Америка, а 37-годишниот фудбалер успеа да постигне 20 гола и да даде 16 асистенции, со што е петти на вечната листа на гол придонеси во професионалното клупско натпреварување на Северна Америка.

Лигашкиот дел имаше 34 натпревари, а избраниците на Меси беа елиминирани во првото коло од плеј-офот од Атланта Јунајтед со победа од 2:1 во серија. Тоа беше откако постигнаа рекордни 74 поени пред плеј-офот.

Право на избор за наградата МВП имаат индивидуални играчи, членови на стручни штабови и новинари на избрани медиуми. Меси освои 38,43 отсто од гласовите, а белгискиот центарфор Кристијан Бентеке (ДЦ Јунајтед, 25 гола и пет асистенции) немаше драстично помалку – 33,70.

Ван дер Варт: Дури и играчите на Барса сонуваат да играат за Реал

Рафаел ван дер Варт е поранешен играч од средниот ред на Ајакс, ХСВ, Реал, Тотенхем и холандската репрезентација, а во моментов се остварува како телевизиски коментатор.

Неговите забелешки се вирални, а најновата е за тоа кој клуб е најпосакуван во светот.

„Реал е клуб за кој секој фудбалер сака да игра. Не знам зошто е тоа така, но тие сакаат да играат за Реал многу повеќе отколку, да речеме, Барселона. Секој фудбалер во светот го сака тоа, па дури и играчите на Барселона сакаат да играат за Реал Мадрид. Сигурен сум во тоа 100%“, вели Ван дер Варт.

Тој дојде од ХСВ во Реал во летото 2008 година. За две години одигра 73 натпревари таму, постигна 12 и асистираше за 13 гола, но тоа беше за време на доминацијата на Барселона, па со Реал не освои ниту еден важен трофеј. Потоа се пресели во Тотенхем.

Алкалоид доби посакуван ривал во осминафиналето на Европскиот Куп

Ракометниот клуб Алкалоид денеска го доби противникот за осминафиналето на Европскиот Куп.

Избраниците на Кире Лазаров ќе играат со италијански Бриксен, а овој ривал дава надеж за позитивен резултат и пласман во следната фаза.

Италијанците ќе бидат домаќини на првиот натпревар против македонскиот претставник, а дуелите ќе се играат на 15/16, односно 22/23 февруари.

ПСЖ ги прекина преговорите, Донарума во јуни заминува од клубот

Преговорите меѓу Пари Сен Жермен и голманот Џанлуиџи Донарума за нов договор се ставени во мирување на иницијатива на клубот, пренесува новинарот Фабрис Хокинс.

Како што напоменува изворот, раководството на парижаните смета дека моменталното ниво на фудбалерот не соодветствува со зголемувањето на платата што го посакува италијанскиот интернационалец.

Донарума за ПСЖ игра од 2021 година. Оваа сезона, 25-годишниот голман забележа 12 настапи за францускиот клуб во сите натпреварувања и прими 14 гола. Два пати ја зачува својата мрежа „сува“. Договорот на Италијанецот со парижаните е до 30 јуни 2026 година.

Минатото лето, рускиот голман Матвеи Сафонов се приклучи на тимот на Луис Енрике за околу 15 милиони евра.

«< 72 73 74 75 76 >»