feature

Ортега: Со ваква публика на човек му доаѓа пак да заигра!

Ракометарите на Еурофарм Пелистер се претставија добро во дуелот со европскиот великан Барселона во ракометната Лига на шампиони, но не успеаја да обезбедат позитивен резултат на домашен терен (30-34).

Двата шпански тренери го анализираа натпреварот и се осгласија дека подобриот тим победи. Исто така беа одушевени од атмосферата и амбиентот во салата.

Рубен Гарабаја
(тренер на Еурофарм Пелистер)
Игравме против можеби најдобриот тим во светот. Да ја победиш Барселона мора да си перфектен, ние имавме добар меч, но не и перфектен. Правевме некои лесни грешки, не најдовме решение да ги сопреме во одредени ситуации. Вториот дел беше многу подобар, видов борба. Имавме мала шанса на крајот на мечот, но не можевме да победиме. Мислам дека напредуваме секој ден и сме подобри, мора да го ставиме фокусот дури и на најмалиот детал во играта. Мора да го држиме фокусот, да бидеме паметни во најситните моменти. Знам дека некогаш не е лесно да се прави тоа, но мора да работиме на таквите работи за да дојдеме до нови победи.

Карлос Ортега
(тренер на Барселона)
Беше задоволство да се игра на ваков терен пред овие навивачи, ми доаѓа пак да бидам играч во овие услови. Домашната публика навистина притиска и сите екипи сигурен сум дека ќе имаат тука проблеми. Против нас го имавме и мојот поранешен играч Филип Кузмановски, сега Кузмановски е веќе зрел играч, лидер на екипата, игра извонредно со пивот и токму тој е она што му треба на Еурофарм Пелистер. Ми беше драго што повторно го видов.

По пет одиграни гола Еурофарм Пелистер е седми во групата Б со една победа и четири порази.

Брера доби суспензија за трансфери од ФИФА

Македонскиот прволигаш Брера Струмица има несакан проблем, затоа што доби блокада од Светската куќа на фудбалот (ФИФА) за трансфери во иднина.

Името на Брера Струмица се најде на листата на ФИФА и фигурира на оваа листа од последната седмица од месец септември. Забраната за трансфери трае во следните три преодни рока.

Причината за ваквите потези на ФИФА се претежно долговите кон странски играчи или тренери, кои ги пријавуват своите побарувања до централата на ФИФА, па следи потег за да бидат заштитени и да си ја добијат својата исплата.

Покрај името на Брера Струмица, на листата на ФИФА се уште стои и името на Воска Спорт, некогашниот прволигаш во македонскиот фудбал кој не е активен.

Де Јонг се обрза на соработка со Барса до 2029 година

Холандскиот играч од средниот ред Френки де Јонг официјално го потпиша својот нов договор со Барселона до 2029 година во присуство на претседателот Жоан Лапорта, пријатели, семејство и членови на спортскиот комитет на клубот.

Де Јонг, исто така, ја пофали работата на Ханзи Флик откако германскиот тренер се приклучи на клубот:

„Мојот однос со тренерот беше добар од првиот момент. Тој секогаш велеше дека верува во мене и го докажа тоа. Можам да се подобрам во многу работи и ќе продолжам да работам како и секогаш“, заклучи играчот од средниот ред.

Френки де Јонг пристигна во Барселона во летото 2019 година од холандскиот гигант Ајакс, каде што се етаблираше како еден од најперспективните играчи од средниот ред во Европа.

Еурофарм Пелистер херојски парираше, но Барса ги однесе бодовите од битолскиот „вулкан“

Ракометарите на Еурофарм Пелистер одиграа одличен натпревар, но претрпеја пораз во Лигата на шампионите, откако вечерва загубија од повеќекратниот европски првак Барселона со 30-34 (13-17).

Битолчани беа равноправен противник против фаворитот во поголемиот дел од првиот дел, а резултатот беше нерешен девет пати до 9-9. Во тој период македонскиот првак во четири наврати имаше водство од еден гол. По 9-9 Барселона направи серија од 6-1 за водство од 10-15, што само ја навести победата на шпанскиот тим.

Во второто полувреме Барселона во неколку наврати имаше предност од +7, а во финишот битолчани намалија на 30-33, но гостинот го задржа водството.

Најефикасни на дуелот беа Дејан Манасков и Ник Хенигман од Еурофарм Пелистер со по осум голови, а кај победничката екипа Дика Мем и Домен Макуц постигнаа по шест. Голманот на Еурофарм Пелистер, Никола Митревски дуелот го заврши со тринаесет одбрани.

Во следното шесто коло следниот четврток Еурофарм Пелистер гостува кај Магдебург.

Сергеј Милинковиќ Савиќ мета на Челзи оваа зима

Италијанскиот „Кориере дело спорт“ денес објави бомбастична информација – Челзи сака да го доведе Сергеј Милинковиќ-Савиќ како слободен играч.

Според овој извор, Челзи сака да ја зголеми конкуренцијата во средниот ред, а Сергеј, кој станува слободен на лето, е сериозна мета.

И во минатото Челзи покажуваше интерес за Сергеј, но Србинот секогаш остануваше во Рим и на крајот го избра – Ал Хилал.

Сега ситуацијата е поинаква, клубот за Сергеј не мора да плати обесштетување.

Србинот се поврзува и со Јувентус во последните недели, но клубот од Торино досега не повлекол конкретни потези.

Да ве потсетиме дека Сергеј пристигна во Ал Хилал во летото 2023 година за 40.000.000 евра, а одигра 102 натпревари за клубот од Саудиска Арабија со учинок од 30 гола и 26 асистенции.

УЕФА го менува квалификацискиот систем за Европското првенство

Челниците на УЕФА се одушевени од тоа како сега изгледаат Европските купови, што започнаа консултации за воведување сличен формат и квалификациите за Европското првенство.

Како би изгледало тоа? Наместо сегашните 12 групи, во кои некои имаат по четири, некои пет учесници, сите би биле сместени во две групи. И би се играло според швајцарскиот модел, би имало две табели и најдобрите би оделе на Европското првенство.

Зошто промената? Според претседателот на УЕФА, Александар Чеферин, сегашниот квалификациски модел е застарен, предвидлив и неинтересен за телевизиските куќи.

„Претходно, дури и во Лигата на шампионите, знаевме, штом ќе започне групната фаза, кој ќе оди понатаму. Сега имаме неизвесност до последното коло“, објасни Чеферин.

Беа одржани првите разговори на таа тема, учествуваа 28 генерални секретари од европски земји.

„Сигурно е дека ќе има промени. Луѓето постојано бараат нешто ново, а кога ќе го започнете процесот на промена, веднаш сите викаат „не, не“. Не ни недостасува храброст, ќе разговараме со сите, сите ќе бидат вклучени. Форматот на Европското првенство нема да се промени, но квалификациите веројатно ќе се променат. Нема да има повеќе натпревари, само ќе биде понеизвесно“, објасни Чеферин за „Тајмс“.

Сепак, сето тоа нема да важи за квалификациите за следното Европско првенство, кое ќе се игра во 2028 година, туку потоа. Но, се чини дека е сигурно нешто што ќе се случи.

Де Минаур има повреда на колкот, го откажа турнирот во Хонг Конг

Австралијанецот Алекс де Минаур се откажа од егзибицискиот турнир на UTS во Хонг Конг.

„Сè уште имам многу болки во колкот. Повредата на колкот што ја добив минатата година на Вимблдон (скината ‘рскавица во аддуктивниот мускул) ме остави надвор од терените долго време. Затоа не можам да ризикувам. Минатата година бев надвор од терените речиси три или четири месеци, а остатокот од сезоната го играв со болки. Сега има предупредувачки знаци и треба да се осигурам дека сè е во ред. Не сакам истите проблеми што ги имав минатата година. Треба да бидам паметен и да се грижам за моето тело. Почнав да чувствувам болка на крајот од турнирот во Пекинг. Имав влошување на болката, а во Шангај играв со лекови против болки за да го дадам мојот најдобар настап. Секако, чувствував дека нешто не е во ред. Се надевав дека болката е предизвикана од некое незгодно движење и дека ќе се подобри за неколку дена. Но, натпреварите продолжија, ништо не се промени, па сега треба што поскоро да направам рендген за да сфатам што се случува. Треба да знам во што е овој проблем и зошто сè уште ме боли. Откако ќе разговараме со тимот и лекарите, ќе можеме да го утврдиме нашиот план за остатокот од сезоната. Во моментов има многу прашања и неизвесности, па затоа треба да направам мала пауза и само да набљудувам. Секако, мојата цел сега е да се подготвам за финалето на АТП“ изјави Де Минаур кој моментално е седми во трката за настап на завшрниот турнир.

Михаил Стојковски шампион во Европскиот Алпе Адриа мото-шампионат

Еден од најмладите возачи на МК Ендуро Тим Водно од Скопје, Михаил Стојковски (14 години) е освојувач на шампионската титула во еден од најпрестижните мото шампионати ,,Алпе Адриа Мотокрос шампионат,,

По три извозени трки (БиХ, Хрватска и Србија),во конкуренција од 21 возач во класата MX85 Михаил Стојковски успеа да освои највеќе поени и со тоа да ја обезбеди титулата шампион за 2025 година во класата MX85 што е огромен успех за нашата земја и клубот за кој настапува МК Ендуро Тим Водно Скопје.

Михаил веќе шест години е активен мотокрос возач. Минатата 2024 година е државен шампион во класата MX85 ,а оваа година со освојувањето на Алпе Адриа шампионската титула може да се издвои како единствен возач од нашата земја кој ја има освоено оваа титула.

Алкалоид го задржа ростерот на играчи, а со тоа и високите амбиции за Европскиот клупски куп во шах!

Еден од најважните шаховски настани во текот на годината е Европскиот клупски куп, турнир кој традиционално се одржува кон крајот на сезоната, но кој претставува епицентар на шаховските збиднувања поради интересот кој го побудува и квалитетот што го нуди. Популарно наречен шаховска верзија на Лигата на шампионите, ЕКК секоја година го собира кремот, но не само од Европа.

Шаховскиот клуб Алкалоид неколку децении го гради својот имиџ доминирајќи на домашно тло, а веќе има и повеќедецениска традиција на учество на ЕКК, при што во три наврати беше освојувач на медали: во 2016 година беше шампион на Европа, а во 2017 и во 2024 година вицешампион. Евидентно и јасно видливо е управувањето и водењето на клубот од најдобрата македонска компанија „Алкалоид“ АД со пресликување на корпоративните искуства и знаења во клубот.

Оваа година на грчкиот остров Родос ќе се игра јубилејното 40-то издание на главниот/отворен ЕКК (може да учествуваат машки, мешани и женски тимови), на кое е пријавен и Алкалоид, а паралелно ќе се игра и 29-тото издание на женскиот ЕКК (учествуваат само женски тимови). Според објавените состави, оваа година конкуренцијата за највисок пласман на ЕКК е најсилна во последните 10-ина години. Пет тимови се издвојуваат според просечниот рејтинг на играчите од својот тим, притоа со повеќе од 2700 се BayeganPendik (Турција) и Алкалоид, а веднаш до нив со просечен рејтинг над 2600 се SuperChess (Романија), Novy Bor (Чешка) и Tuxera (Унгарија). Фактор повеќе е што оваа година има рекорден број на учесници од 101 тим (односно од 20 тимови кај дамите).

Во тимот на ШК Алкалоид има само две измени, односно:

– во составот ќе настапат индиските велемајстори Arjun Erigaisi (2797), Chithambaram Aravindh (2711) и Abhimanyu Puranik (2615); кинеските велемајстори Yi Wei (2754) и Yangyi Yu (2720); српските велемајстори Aleksandar Inđić (2618) и Velimir Ivić (2628), како и македонскиот интернационален мајстор Тони Лазов (2382);
– Erigaisi i Wei се во топ 10 од светската елита, Yu и Aravindh во топ 30, додека, пак, Inđić, Ivić и Puranik во септември беа во топ 100;
– Yu има фантастичен настап за Алкалоид на ЕКК со освоени пет медали (три злата и две бронзи) за резултатот на својата табла, додека, пак, на своите први настапи минатата година за Алкалоид Erigaisi на првата табла освои злато, а, пак, Aravindh на четвртата табла бронза;
– српските велемајстори како репрезентативци на Србија ја освоија европската шампионска титула во 2023 г., а Inđić следната година стана европски шампион во поединечна конкуренција. За Алкалоид настапуваа и на екипните државни првенства во 2021 (Inđić), односно во 2023 (Ivić) година. Првпат за алкалоидовата екипа на ова најсилно европско клупско натпреварување ќе настапат Puranik и Лазов, објаснува капитенот на тимот, велемајсторот Влатко Богдановски.

ВАУЧЕР ЗА НОВА РЕГИСТРАЦИЈА!

Evrotip, 200 poeni, vaucher za nova registracija

Со секоја нова регистрација во Евротип лојалти клубот, те наградуваме со 200 денари ваучер!

Со лојалти клуб картичката добиваш пристап до ексклузивни промоции и бонуси, а првите 200 денари се твојот стартен бонус за добредојде!

www.evrotip.mk

Само за лица над 18 години.

«< 73 74 75 76 77 >»