Македонската репрезентација до 19 години на извлекување во Нион, Швајцарија ги доби противниците за пласман во Елитна фаза квалификации за Европско првенство.

Португалија, Белгија и Естонија се противниците на македонската репрезентација од групата 11 за пласман во Елитната квалификациска фаза за Европско првенство.

Квалификацискиот турнир ќе се одигра од 12. до 18. ноември 2025 година.

Домаќин на натпреварите ќе биде Португалија.

Украинскиот фудбалски интеранционалец, Михаил Мудрик, ќе остане во Челзи барем до крајот на сезоната, тврди инсајдерот, Бен Џејкобс.

Тој наведува дека лондончани немаат намера да го испратат крилниот напаѓач на позајмица или евентуално да го продадат во јануарскиот трансфер период.

23-годишниот фудбалер во сезонава одигра 7 натпревари во Премиер-лигата но, не успеа да се запише во листата на стрелците.

Фудбалерите на Ливерпул доцна синоќа одиграа трилер натпревар на теренот на Њукасл кој по многу пресврти заврши нерешено 3-3. По дербито на 14 коло во Премиер-лигата, менаџерот на „црвените“, Арне Слот, направи анализа на двете полувремиња.

„Имам измешани чувства. Бевме одлични во второто полувреме но, не бевме доволно добри во првото. Можеби резултатот 3-3 е реален. Противниците беа многу агресивни. Знаев дека играта може да се промени иако многу подобро ја контролиравме топката во вториот дел“, изјави Слот.

Тренерот на Манчестер сити, Пеп Гвардиола, емотивно проговори за враќањето на фудбалерот од средниот ред Кевин Де Брујне по синоќешниот натпревар од 14. коло од англискиот шампионат со Нотингем Форест (3:0).

33-годишниот Белгиец погоди во 31. минута против Нотингем Форест.

„Многу сум среќен што Де Брујне се врати. Одигра 75 фантастични минути и го заслужува најдоброто. Кевин е прекрасна личност и стана неверојатно важен играч за тимот“, изјави Гвардиола за „BBC Sport“.

Победата за „Граѓаните“ доаѓа по серијата од четири порази.

„Тоа беше тежок период, но мора да го прифатиме овој предизвик. Играњето во Премиер лигата станува се потешко, секој тим е достоен противник. Сити мора да се подобри. Прво ќе победиме неколку натпревари и ќе видиме до каде сме за неколку месеци“, истакна Де Брујне.

Манчестер сити се искачи на 4. место во поредокот со 26 бодови.

Њукасл успеа да ја запре серијата победи на Ливерпул, во исто време Манчестер сити ја прекина својата лоша низа. Вечерва добрата форма ја потврдија фудбалерите на челси и Евертон.

На „Сент Џејмс парк“, Њукасл два пати водеше против лидерот, кој успеа да го преземе водството во 83. минута, но Шер во последната минута спаси бод за „страчките“.

Алкесандер Исак погоди во 35.минута, откако се ослободи од Ван Дајк, а потоа со прекрасен удар го совлада Келехер. Ливерпул изедначи во 50.минута преку Џонс, а 12 минути подцна Гордон му ја врати предноста на Њукасл. Потоа на сцена стапи Салах со два гола во 68. и 83.минута за целосен пресврт на Ливерпул.

Сепак, во 90. минута Келехер прави голема грешка, погрешно го процени летот на топката по центаршутот на Бруно Гимареш, а дефанзивецот Шер на втората статива го постави конечниот резултат – 3-3.

Се врати Кевин Де Брујне и ја врати насмевката на лицето на Пеп Гвардиола. Белгиецот за прв пат од средината на септември беше стартер во Премиер лигата и со капитенската лента ги предводеше „граѓаните“ до првата победа по седум последователни натпревари без победа, во таа серија Сити загуби четири натпревари во Премиер лигата.

Манчестер Сити го победи Нотингем Форест на „Етихад“ со 3-0.

Бернардо Силва го отвори резултатото во осмата минута, Де Брујне зоглеми на 2-0 во 31., а точка на натпреварот стави Доку во 57.минута.

Челси убедливо славеше во Саутемптон со 5-1, а Евертон го прегази Вулверхемптон со 4-0.

Реал Мадрид го доживеа вториот пораз сезонава во Примера. Вечерва на „Сан Мамес“ во Билбао, Атлетик го победи Реал со 2-1. На поразот на Реал му кумуваа Килијан Мбапе кој промаши пенал во 68.минута, кога Алтеитко имаше водство 1-0 и Феде Валверде кој им го подари вториот гол на домаќините.

Атлетик Билбао цела деценија чекаше на победа против Реал на домашен терен. Тоа се случи вечерва, со што Баските потврдија дека се во добра форма, во сите натпреварувања на последните 10 натпревари имаат седум победи.

Атлетик до предност дојде во 53.минута, Ињаки Вилијамс нафрли, Куртоа лошо ја одби топката, точно на ногата на Беренгер, кој од половина метар ја испрати во голот.

Во 68.минута, Реал доби пенал, топката ја заеде Мбапе, а неговиот удар го одбрани Агирезабала. Ова е втор промашен пенал на Мбапе во низа, откако не погоди и против Ливерпул во Лигата на шампионите.

Белингем успеа да го израмни резултатот, англискиот репезентативец ја погоди мрежата на Атлетико десет минути откако Мбапе промаши од белата точка и тогаш се чинеше дека обезбеди барем реми за Реал Мадрид.

Но следуваше нов шок за Реал, кикс на Валверде и нова шлаканица за тимот на Карло Анчелоти. Уругваецот не виде дека има човек зад грбот кога враќаше една топка назад, акцијата ја следеше Гурузета кој лесно го совлада Куртоа.

Фудбалерите на Арсенал го победија Манчестер јунајтед (2-0) во дербито од 14. коло на Премиер лигата.

„Топџиите“ до триумфот стигнаа по два корнери. Најпрвин погоди Јуријен Тимбер во 54. минута, а потоа и Вилијам Салиба во 73. минута.

Екипата на Микел Артета го дели второто место со градскиот ривал Челси. Двата тима имаат по 28 бодови, седум помалку од лидерот Ливерпул.

Јунајтед падна на 11. позиција која ја држи со 19 бодови, а ова е прв пораз на Рубен Аморим на клупата на „црвените ѓаволи“.

Инаку, Арсенал и Јунајтед на 11.јануари ќе играат на исто место но во ФА Купот. Јунајтед во следното коло ќе го пречека Нотингем Форест, додека Арсенал ќе му гостува на Фулам.

Италијанските медиуми наведуваат дека Јувентус не е заинтересиран за играчот на Ал Хилал, Калиду Кулибали, иако неговиот агент и го понудил на „старата дама“.

33-годишниот фудбалер од Сенегал има искуство од Серија А, бидејќи настапуваше за екипата на Наполи.

Според наведеното, составот од Торино сака да ја засили дефанзивата но, ќе се насочи кон далеку помладиот играч на Бенфика, Антонио Силва.