feature

Јан Облак ќе биде замената за Де Хеа во Манчестер Јунајтед

Манчестер Јунајтед неколку недели е концентриран на потрагата по
нов голман. Де Хеа од почетокот на сезоната е мета на гласини дека ја
игра последната сеозна на „Олд Трафорд“. Шпанскиот голман би
можел многу брзо да ги спакува куферите и да си замине, па затоа
управата на Манчестер Ј. е во потрага по негов наследник.
Во оваа ситуација црвените ѓаволи решија да се концентрираат на
словенечкиот голман од екипата на Атлетико Мадрид, Јан Облак.
Покрај него, интерес има и за Влаходимос од Бенфика, но засега се
прават првите контакти со менаџерскиот тим на Облак.

Азар стави крај на репрезентативната кариера

Досегашниот капитен на белгиската фудбалска репрезентација, Еден Азар, соопштува дека нема повеќе да настапува за националниот тим.

„Отворам нова страница. Му благодарам на сите за големата љубов, поддршка и среќа која заедно ја делевме од 2008 година. Одлучив да ја завршам својата репрезентативна кариера, бидејќи е време за нови играчи“, напиша Азар на социјалните мрежи.

31-годишниот Азар, своето деби за белгиската репрезентација ја имаше во 2008 година на пријателскиот натпревар со Луксембург. Во националниот дрес одигра 126 натпревари и постигна 33 гола. Својот последен натпревар за Белгија го одигра на Мундијалот во Катар против репрезентацијата на Хрватска. Најголемиот успех со Белгија го оствари на СП во Русија пред четири години кога го освои третото место.

Ливерпул и Сити во голема борба за Џуд Белингем

Реал Мадрид нема да се натпреварува за потписот на младиот
англиски репрезентативец Џуд Белингем. Причина е високата сума
која за него ја бара Борусија Дортмунд.
На првите луѓе на кралскиот клуб им е јасно дека значајна
инвестиција ќе треба да се направи доколку сакаат да го видат

Белингем во Мадрид, но сумата од околу 125 милиони евра е
преголема за овој англиски талент.
Белингем е една од потенцијалните европски фудбалски ѕвезди за
кого во моментов главни фаворити се Ливерпул и Манчестер Сити.
Борусија Дортмунд во моментов за него бара 150 милиони, но сумата
може да се спушти до 125 милиони евра.

Пирс Морган негира дека Роналдо ќе се пресели во Саудиска Арабија

Англискот новинар и човек од доверба на Кристиано Роналдо, Пирс
Морган ја коментираше веста дека Португалецот од 1 јануари ќе биде
играч на Ал Наср. „Марка“ вчера ја објави веста дека Роналдо ја
прифатил понудата од Саудиска Арабија каде ќе заработува
неверојатни 200 милиони евра по сезона.
Многу трансфер експерти потврдија дека вистина има официјална
понуда од Ал Наср за Роналдо, но Морган негира дека Португалецот
има ставено потпис на договорот.
Роналдо сега е фокусиран на Светското првенство, а по завршувањето
најверојатно ќе стави потпис на договорот и ќе стане најплатениот
фудбалер на сите времиња.

Пепе е највозрасниот стрелец на гол за Португалија

Португалскиот фудбалски репрезентативец, Пепе, беше стрелец на гол за својата екипа во победата од 6:1 над Швајцарија во осминафиналето од Светското првенство во Катар.

Пепе со неговиот гол со глава на оваа средба стана највозрасниот стрелец на Португалија, и втор највозрасен стрелец во историјата на светските првенства.

Пепе кој има 39 години и девет месеци го престигна сонародникот Кристијано Роналдо кој има 37 години и на Мундијалот постигна гол против Гана. Рекордер на светските првенства е Камерунецот Роже Мила кој на првенството во 1994 година постигна гол против Русија на 42 години и 39 дена.

Валтер: Не сакам да барам изговори, но бевме премногу уморни

Ракометниот клуб Еурофарм Пелистер забележа убедлив пораз на гостувањето во Шпанија кај Бидасоа Ирун со 32:20.

Ракометарите на битолскиот клуб дуелот со Бидасоа во рамките на Лига Европа, го започнаа солидно и играа доста добро во првите петнаесет минути од средбата, но потоа настапи голем пад во нивната игра, што домаќинот од Шпанија одлично го искористи. Бидасоа уште при крајот на првото полувреме оствари одлична разлика која успеа да ја задржи до крајот на средбата.

Тренерот на Еурофарм Пелистер, Ларс Валтер, после натпреварот истакна дека уморот и повредите на неколку играчи се главна причина за поразот од Бидасоа.

„Бевме премногу уморни, а ракометарите на Бидасоа одиграа моќно. На минатите натпревари се соочивме со многу повреди и тоа ни донесе многу проблеми. Ова не треба да биде изговор за поразот, но овај натпревар ни дојде премногу. Моите играчи го направија тоа што можеа на теренот. Сега ни останува добро да се одмориме и да бидеме целосно подготвени за следниот натпревар“, изјави Валтер.

Следен натпревар за Еурофарм Пелистер во Лига Европа ќе биде реванш дуелот со Бидасоа Ирун кој ќе се игра следниот вторник во Битола од 20:45 часот.

Одбиена жалбата на Барса, останува суспензијата на Левандовски од три натпревари

Комтитетот за жалби на Фудбалската федерација на Шпанија ја одби
жалбата на Барселона.
Барселона се жалеше на суспензијата од три натпревари за својот
напаѓач Роберт Левандовски поради двата жолти картони. Полјакот
доби еден натпревар суспензија за двата картони и исклучувањето,
плус казна уште два меча поради недоличниот гест кон судиите
додека го напушташе теренот.
Во Барселона не се согласуваа и се жалеа на првиот картон кој го
доби Левандовски, меѓутоа од Фудбалскиот сојуз на Шпанија само ја
потврдија казната.
Следен потег на Барселона би бил ако се одлучи да се жалат пред
Судот за спортска арбитража, но во овој момент како што стојат
работите тој нема да игра против Еспањол, Атлетико и Гетафе.

Тиаго Силва го собори рекордот на Мила

Бразил лесно ја победи Јужна Кореја и обезбеди четвртфинале
во кое ќе игра против Хрватска. Корејците не беа закана за
„Кариоките“ и натпреарот беше решен после половина час.
При голот после на Ричарлисон кој беше трет за Бразил на
натпреварот историја испиша Тијаго Силва. Силва стана најстариот
асистент на Светските првенства. Силва до асистенцијата стигна на
38 години и 74 дена, па за 32 дена го надмина рекордот на Мила.
До вчерашниот натпревар Камерунецот го држеше рекордот со 38
години и 42 дена кој го оствари на СП во Италија во 1990 година.
Треба да се додаде дека Мила останува на врвот кога во прашање е
најстар стрелец на Мундијалите, тој рекорд го држи со 42 години.

Енрике разочаран од елиминацијата, но е горд на својата екипа

Селекторот на фудбалската репрезентација на Шпанија, Луис Енрике, истакнува дека е разочаран од елиминацијата на Светското првенство во Катар, но дека и понатаму е горд на својата екипа.

Шпанија во осминафиналето на Мундијалот во Катар загуби од Мароко после изведувањето на пенали, откако во регуларниот дел и после продолженијата натпреварот заврши 0:0.

Шпанскиот тим на дуелот со Мароко имаше само еден шут во рамките на голот, а ги промаши и сите три пенали. Шпанија е првата репрезентација која на светските првенства дури четири пати е елиминирана после изведување на пенали.

ПСЖ фаворит за потписот на Жоао Феликс

Најскапото засилување во историјата на Атлетико Мадрид, Жоао Феликс не е задоволен и сака да го напушти клубот. Феликс не е задоволен во Атлетико и веќе го известил својот агент Жорге Мендеш да му бара нов клуб во јануари.

Како што стојат работите, најголеми шанси има Феликс кариерата ќе ја продолжи во ПСЖ, а францускиот шампион веќе ја бара вистинската формула за негово доведување во јануари.

Атлетико после елиминацијата од ЛШ е спремен да го продаде Португалецот, а Мендеш веќе започнал преговори со „светците“.

Интерес за Португалецот покажува уште Манчестер Јунајтед, но ПСЖ е фаворит за неговиот потпис.

«< 870 871 872 873 874 >»