На напаѓачот на Манчестер Сити Ерлинг Халанд му се потребни 64 минути да постигне гол на натпреварите во англиската Премиер Лига. Норвешката ѕвезда постигнува гол на секоја 64 минута поминати на теренот, а со тоа е најдобар според овој индикатор меѓу играчите кои играле најмалку 40 натпревари.

Напаѓачот на Ливерпул Мохамед Салах исто така е во топ 5 според овој показател. Египетскиот фудбалер постигнува гол на секоја 93 минута, речиси попловина час повеќе од Халанд. Поранешниот фудбалер на Арсенал и Франција, напаѓачот Тиери Анри и поранешен напаѓач на Манчестер Сити, Серхио Агуеро се на втората и третата позиција (86 минути). Салах е на четвртото место, а потоа следува Робин Ван Перси (102 минути).

Да се потсетиме дека Ерлинг Халанд, исто така, влезе во првите пет играчи на Манчестер Сити кој на градското дерби на само три средби има ефект од осум поени (гол плус асистенција).

Германскиот тим РБ Лајпциг ќе биде без Дани Олмо неколку недели поради изместување на рамото, соопштија од клубот.

Играчот од средниот ред ја заработи повредата во 70. минута од саботниот натпревар против Келн, кој Лајпциг го доби со 6:-0. Шпанецот влезе како резерва само седум минути претходно. „Лекарските прегледи покажуваат дека Олмо нема скршеница, но ќе биде надвор од теренот неколку недели“, се вели во соопштението на германскиот клуб. 25-годишниот Олмо се врати во составот на РБ Лајпциг по речиси еден месец неиграње поради повреда на коленото.

„Навистина е тешко за мене и за самиот играч. Би било фантастично да го имаме во следните натпревари. Играчите кои ја прават разликата мора да бидат здрави”, изјави тренерот на РБ Лајпциг, Марко Розе.

РБ Лајпциг е на петтото место на табелата во Бундеслигата со 18 бодови.

Арсенал многу го засили тимот во летниот преоден рок и оваа сезона сигурно ќе биде еден од главните конкуренти за титулата во Премиер лигата.

Меѓутоа, тренерот Артета сака додатно да го засили тимот во зимскиот преоден рок и се очекува да испрати понуда од 60 милиони евра за Мартин Зубименди од Реал Сосиедад. Арсенал сака да создаде моќен среден ред со Деклан Рајс и Зубименди, кои би биле од големо значење и за иднината на тимот.

Зубименди е голема желба на Барселона и Манчестер Јунајтед, но Арсенал е спремен да ја победи конкуренцијата и работи на трансферот.

Реал Сосиедад досега одбиваше понуди за 24-годишниот фудбалер, но англиските медиуми пишуваат дека понудата од 60 милиони тешко ќе можат да ја одбијат.

Њукасл во јануари сака да донесе квалитетен играч за врска, кој ќе биде замена за суспендираниот Сандро Тонали.

Прва желба на раководството е англискиот репрезентативец Калвин Филипс и „чавките“ веќе работат на трансферот. Филипс требаше да биде големо засилување за тимот на Гвардиола, но Англичанецот ретко добива шанса и не ги оправда очекувањата.

Филипс нема иднина на „Етихад“ и сака да ја промени средината во јануари, а Њукасл е еден од најзаинтересираните клубови.

Во Њукасл сметаат дека Филипс иделано ќе го замени Тонали, кој доби суспензија од 10 месеци.

Манчестер Сити ја одреди цената на Хулиан Алварез, за кого интерес покажуваат неколку европски гиганти. Најсилен интерес за Аргентинецот покажува Реал Мадрид, кој во јануари сака да донесе нова „деветка“.

Алварез  пристигна во Манчестер Сити за 20 милиони евра, а својата класа ја покажа на Мундијалот, но на „Етихад“ е во сенка на Халанд.

Поради тоа и самиот е спремен да ја промени средината, а Сити нема да му стои на патот, но за неговата слобода бара 100 милиони евра.

Останува да се види дали некој од заинтересираните клубови е спремен да ја плати оваа сума.

Кевин де Брујне, би можел да биде новата голема ѕвезда која ќе се пресели во Саудиска Арабија.

Де Брујне на лето ќе влезе во последната година од договорот, а Сити размислува дали да му понуди продолжување на соработката. Причина за тоа се честите повреди на 32-годишниот Белгиец, кој ќе пропушти голем дел од актуелната сезона поради повреда.

Гвардиола сака на лето да донесе нова голема ѕвезда на таа позиција, а таквата ситуација се обидуваат да ја искористат клубовите од Саудиска Арабија.

Веќе се направени првите официјални контакти, а на Де Брујне му се нуди да биде еден од најплатените фудбалери на светот.

Манчестер Јунајтед не може да биде задоволен на резултатски план и оваа сезон, но затоа може да се пофали со рекордни приходи.

Клубот работи одлично кога се финансиите во прашање, па и покрај слабите резултати оствари рекордни приходи во износ од 648.4 милиони фунти во финансиската година која заврши на 30 јуни. Вкупниот приход пораснал за 11% во однос на претходната година и го надмина претходниот рекорд на лигата кој Јунјатед го постави во 2019 година.

Сепак, како што пренесуваат англиските медиуми, клубот од „Олд Трафорд“ во истиот период е во загуба од 42.1 милиони фунти.

Фондот за плати во Јунajтед опаднал за 52.8 милиони фунти на вкупно 331.4 милиони фунти, што се должи на заминувањето на неколкумина скапи играчи, како и неиграњето во Лигата на шампиони.

Реал Мадрид покажува сериозен интерес за младата ѕвезда на Баерн Минхен, Џамал Мусиала, пренесува „Билд“.

Весникот тврди дека Баварците воопшто не размислуваат за продажба на својот „бисер“ и планираат да му понудат нов договор кој му истекува во 2026 година. „Билд“ тврди дека Мусиала не е задоволен од статусот кој го има во тимот бидејќи и покрај добрите игри често е на клупата за резерви, па преговорите за продолжување на договорот се во застој.

Целата ситуација будно ја следи Реал Мадрид, кој сака да го донесе младиот Германец на „Сантиjаго Бернабеу“.

Арсенал е силно заинтересиран за ѕвездат на Фулам, Жоао Палиња, пренесуваат англиските медиуми.

Артета сака во јануари да го засили средниот ред со квалитетен играч за врска, а прва желба е токму Палиња. Португалецот игра фантастично во Премиер лигата, а во летниот преоден рок беше на чекор од трансфер во Баерн Минхен.

Палиња сака да ја промени средината, а Арсенал е спремен да понуди 60 милиони фунти за неговиот потпис, бидејќи Артета смета дека тој може да одигра клучна улога во борбата за титулата.