Фудбалерот на Црвена Звезда, Гејлор Канга се најде под истрага за можно лажирање на годините откако во јавноста се појавија докази дека неговата мајка била почината четири години пред неговиот датум на раѓање.

Низ годините веќе навикнавме на вакви случаи кога во прашање се фудбалерите од афричкиот континет, многу често се појавуваа фудбалери кои изгледаа многу повозрасно за своите години. Проблемот во најголем дел од случаите се открива подоцна бидејќи фалсификатот не се менува и тие продолжуваат да живеат со погрешниот датум на раѓање.

Канга во овој момент има 32 години бидејќи според неговите документи тој е роден 1990 година, но сега се појавија докази дека мајката на Канга починала 1986 година.

Исто така Канга е обвинет дека не е ниту Габонец, затоа што е роден во ДР Конго како Киаку Киаку Канга на 5 октомври 1985 година што би значело дека во овој момент има 37 години.

Фудбалерот јавно не се огласил, вакви сомневања постоеа и пред две години, меѓутоа сега доказите се многу цврсти, па не е исклучено Канга да добие сериозна казна. Постои голема веројатнот во целиот случај да е вклучена и Фудбалската федерација на Габон.

Никола Секулов и официјално ја заврши својата епизода во Јувентус каде што настапуваше од најмладите категории и сега е нов член на Кремонезе.

Секулов кој се одлучи да го носи дресот на италијанската репрезентација беше дел од Јувентус од најрана возраст, а во последниот период играше за У23 тим, повремено и тренираше со првиот тим. Во изминатата сезона, Секулов доби и повик за дербито со Интер, но Алегри не му даде минутажа.

Кремонезе оваа сезона испанда од Серија А и во новата сезона ќе се натпреваруваа во Серија Б, па се очекува Секулов да биде стандарден играч.

Првите фудбалски чекори, Секулов ги направи во Пијаченца каде што е роден, потоа беше во Парма, па во Јувентус.

Новинарите на лондонски „Дејли Мејл“ составија листа на играчи чии трансфери оставиле голема трага во англискиот фудбал, а за нив или воопшто не било платено обесштетување или биле ангажирани за симболична сума.

Број еден во изборот на „Дејли Мејл“ е Французинот Ерик Кантона, кој во 1992 година дојде во Манчестер јунајтед од Лидс за 1.5 милиони евра. Неговиот трансфер не беше ниту меѓу првите пет тоа лето. Втор на листата е сонародникот на Кантона, Патрик Виера, кој од Милан за 3.5 милиони евра го засили Арсенал во 1996 години.

Меѓу Топ 3 највредни трансфери во историјата на Премиер лигата во изборот на лондонскиот весник е и доаѓањето на Џејми Варди од нисколигашот Флитвуд во Лестер во 2012 година.

Варди со Лестер ја освои шампионската титула, стекнувајќи и статус на репрезентативец, а Лестер за неговите услуги плати 1.2 милиони евра.

Шпанскиот фудбалски шампион Барселона ќе се соочи со премиерлигашот Тотенхем Хотспур во дуел за Гампер Купот на 8 август.

Поради реконструкција на стадионот на Каталонците „Камп ноу“, натпреварот ќе се одигра на Олимпискиот стадион „Луис Компанс“ исто така во Барселона.

Ова ќе биде завршниот натпревар од претсезоната на каталонскиот клуб во пресрет на гостувањето кај Хетафе од првото коло на Ла Лига, кое ќе се одржи на 13 август.

Садио Мане кариерата ја продолжува во Саудиска Арабија и тоа во 

клубот Ал Наср, кој неодамна доби забрана за трансфери од ФИФА.

Клубот во кој настапува и Кристијано Роналдо, ќе упати вербална нота, односно молба до ФИФА за барем овој трансфер период да им биде слободен, за да може да ја подготват добро екипата за идните неколку трансфери периоди во кои ќе бидат блокирани.

Но постои и опција доколку Ал Наср им исплати 460.000 евра на Лестер, казната може да биде редуцирана.

Преговорите помеѓу Сенегалецот и саудисиот клуб одат во добар правец и наводно веќе се договорени конкретни бројки во овој договор. Мане наскоро треба да биде официјализиран во новиот клуб.

Бенџамин Павард сака да го напушти Баерн во летниот трансфер период.

24-годишниот Французин има договор со Баерн до 2024 година, но одби да го продолжи договорот, па најверојатно ќе ја промени средината ова лето.

Интерес за Французинот покажуваат неколку европски клубови, а фаворит е Манчестер Сити, кој веќе почнал преговори со агентот.

После заминувањето на Вокер, Гвардиола го сака Павард како идеално засилување за десната бековска позиција.

Килијан Мбапе го вклучи алармот во Париз, откако реши да не потпише нов договор со ПСЖ до јуни 2025 година.

Мбапе и ПСЖ не се во најдобри односи и затоа клубот сака да го продаде уште во текот на летото, но Французинот не сака да се откаже од идејата да го добие бонусот од 90 милиони евра за лојалност, плус 60 милиони за плата.

„Релево“ објави дека „кралевите“ се подготвени да испртат понуда, а најверојатно постои опција Мбапе да се пресели во Реал во текот на зимскиот преоден рок.

Мбапе би го добил бонусот за лојалност, додека ПСЖ ќе добие одредена сума за трансфер, а Реал ќе го добие фудбалерот кој го посакува со години.

Дефанзивецот на Манчестер Сити, Кајл Вокер е блиску до трансфер во Баерн Минхен, тврди новинарот Флоријан Плетенберг.

Според изворот, 33-годишниот Англичанец се согласил да се пресели во редовите на германскиот првак. Договорот ќе важи до летото 2025 година со можност за продолжување на уште една сезона.

Вокер минатата сезона забележа 39 настапи за тимот во сите натпреварувања, постигнувајќи 1 асистенција. За „Граѓаните“ играше од 2017 година.

Челзи е фаворит за потписот на еден од најбараните фудбалери на Островот, Моисес Каиседо од Брајтон.

Арсенал во зимскиот преоден рок имаше неколку обиди да го ангажира Еквадорецот, но Брајтон одби да го продаде. Сега Челзи е клубот кој е најблиску до неговиот потпис и „сините“ сакаат во наредните денови да го комплетираат трасферот.

После продажбата на Меусон Маунт во Манчестер Јунајтед сега Челзи е спремен да ја плати  сумата од 80 милиони фунти која ја бара Брајтон.

Каиседо е примарна трасфер желба на Покетино, а самиот фудбалер дал зелено светло за трансферот.