Тимот на Интер и официјално ги продолжи договирте на своите тројца водечки директори, Џузепе Марота, Пјеро Аусилио и Дарио Бачин.

Клубот официјално соопшти дека новите договори на сите тројца ќе бидат со важност до 2025 година. Марота во Интер пристигна после заминувањето од Јувентус и е извршен директор, Аусилио е главен спортски директор, додека Бачин е негов заменик.

За многумина најважен е Марота кој направи одлични потези од пристигнувањето во клубот во 2018 година, декември. Токму тој беше најзаслужниот за доведувањето на Конте кој во минатата сезона им го донесе скудетото на „нероаѕурите“, но Италијанецот си замина после несогласувањата со сопствениците.

Иако Конте си замина, Интер и понатаму игра одлично сега под водство на Симоне Инзаги.

Напаѓачот на Челзи, Ромелу Лукаку, имаше уште еден слаб натпревар во победата на својот тим против екипата на Кристал Палас. Челзи на овој овој дуел забележа победа од 1:0 со голот постигнат од Хаким Зијеш во 89.минута.

Според статистиката од натпреварот, Лукаку забележа неславен рекорд на мечот. Имено, тој за 90 минути од натпреварот, оствари само седум контакти со топката.

Ова е најслабиот таков податок забележан за еден играч од Премиер лигата, бидејќи таква статистика се води од сезоната 2003/2004.

Поранешниот играч за врска на Манчестер Јунајтед и Ливерпул, Пол Инс е назначен за привремен тренер на Рединг, тим кој се натпреварува во англискиот Чемпионшип. Тој доаѓа на местото на отпуштениот Србин Вељко Пауновиќ, соопштуваат од клубот.

Пол Инс во минатото беше тренер на Милтон Кејнс и Блекбурн Роверс, а го предводеше и тимот на Блекпул во сезоната 2013/2014.

Екипата на Ридинг се наоѓа на 21. место од табелата, со 26 бодови од 32 натпревари.

Пеп Гвардиола потврди дека се обиделе да го доведат Хари Кејн.

Манчестер Сити се обидуваше да доведе напаѓач после заминувањето на Агуеро во Барселона минатото лето, Хари Кејн беше главната мета, но не дошло до договор со Тотенхем. Гвардиола посочи дека трансферот не се реализирал затоа што Тотенхем од самиот почеток на преговорите имал став дека не сака да го продаде.

„Сакавме да доведеме напаѓач, преговаравме, но бевме предалеку од договор затоа што Тотенхем од самиот старт на преговорите стави до знаење дека не сака ништо да се случи“, изјави Гвардиола.

Шведскиот фудбалер Златан Ибрахимовиќ може да го продолжи договорот со Милан. „Росонерите“ се подготвени да му понудат нов договор на напаѓачот кој во октомври ќе наполни 41 година. Сепак, Златан ќе мора да прифати значително намалување на платата.

Сега тој заработува седум милиони евра годишно. Според новиот договор, миланезите се подготвени да му плаќаат три милиони годишно. Заедно со бонус – за одиграни натпревари и голови – сумата може да се искачи на пет милион.

Ибрахимовиќ за својата иднина ќе одлучува по мартовските бараж средби за Светското првенство во 2022 година. Тој сака да игра со Шведска на Мундијалот во Катар.

Ибрахимовиќ има постигнато осум гола на 15 натпревари во Серија А и е најдобар стрелец на Милан во ова натпреварување.

Напаѓачот на Барселона, Мемфис Депај може да се врати во Олимпик Лион, пишуваат медиумите во Франција.

Според истите, луѓе блиски до Холанѓанецот веќе било во контакт со претставници на Лион околу евентуален трансфер. Претходно беше објавено дека управата на Барселона сака да го продаде Холанѓанецот во текот на летниот преоден рок, за да не го загуби играчот бесплатно, бидејќи договорот на Депај со Барселона е до јуни 2023 година.

Депај игра за Барселона од летото 2021 година, каде што се пресели со слободен трансфер од Лион. Депај оваа сезона настапи на 16 натпревари во Примера, постигнувајќи осум гола и две асистенции.

Менаџерот на Тотенхем, Антонио Конте изрази огромно задоволство по победата од 3:2 над Манчестер Сити на „Етихад“.

Италијанскиот стручњак е на мислење дека овој успех ќе им даде дополнителна самодоверба на неговите играчи, но додаде дека неговиот тим има уште многу да работи.

„Една победа не е доволна. Да не заборавиме дека пред тоа претрпевме три последователни порази. Но овој успех над Манчестер Сити сигурно ќе ни даде самодоверба и верба во она што го работиме. Има уште многу што да се подобри. Овие играчи се фантастични. Ова е веројатно еден од најдобрите тимови со кои сум работел во мојата кариера досега. Имаме на што да работиме, а најважно е младите да го стекнат потребното искуство. И на овој натпревар моравме да работиме напорно за да постигнеме успех, но моите играчи не се плашат од работа“, изјави Конте.

Дефанзивецот на Реал Мадрид, Едер Милитао би можел да ја продолжи кариерата во Челзи.

Англискиот клуб е најзаинтересиран за трансферот на дефанзивецот. Лондонскиот клуб се согласи да се сретне со претставници на 24-годишниот играч, што ќе се одржат во блиска иднина. 24-годишниот Милитао е на списокот на желби на лондонскиот тим од 2019 година, но тогаш бразилскиот дефанзивец на Порто го избра Реал Мадрид пред Челзи како место за продолжување на кариерата.

Сега англискиот клуб го разгледува Милитао како можна замена за Кристенсен и Рудигер, но самиот Милитао не сака да го напушти Реал Мадрид.

Тренерот на Париз Сен Жермен, Маурицио Почетино застана во одбрана на Лионел Меси од критиките кои му ги упатуваат по мечот со Реал Мадрид.

„Меси е најдобриот фудбалер во светот“, изјави аргентинскиот тренер на прес-конференција. „Тоа е фудбал. Ако сакате некому да му објасните што е фудбал, кажете му: Тоа е Лео Меси“.

Иако активен во текот на мечот, Меси не успеа да се покаже како одлучувачка фигура на првиот дуел со Реал Мадрид. Тој промаши и пенал кој беше одбранет од голманот на гостите, Куртоа. За Почетино ова не е проблем. „Во никој случај промашениот пенал нема да ја повреди неговата самодоверба. Тоа е невозможно“, изјави тренерот.

После интервјуто дадено за италијански „Скај“ во кое Конте на некој начин го критикуваше раководството на Тотенхем започнаа и шпекулации дека Италијанецот може да си замине.

Неколку дена по тоа интервју Конте истакна дека настанало недоразбирање и дека неговите зборови не биле преведени на вистински начин. Сепак за многумина тоа е само обид на Италијанецот да се оправда за нешто што го кажал непромислено.

Медиумите на Островот веќе најавуваат и кој би можел да биде негова замена. Според последните информации ако Конте замине една од опциите може да биде враќање на Почетино.

Аргентинецот веројатно ќе го напушти ПСЖ на крајот од сезоната, за многумина тука нема дилеми без оглед на тоа како ќе заврши сезоната.

Почетино од англиските клубови се поврзуваше и со Манчестер Јунајтед, меѓутоа Тотенхем за него би можела да биде позната дестинација каде што работеше со голем успех. Во игра за клупата на Јунајтед е и Ерик Тен Хаг па така тој не е единствената опција.