Ѓоко Зајков: Ни треба вистински пристап за победа против Малта
Македонската репрезентација во Малта денеска ќе го има официјалниот тренинг пред утрешниот квалификациски натпревар за пласман на ЕП 2024 против домашната селекција на Малта.
Нашиот репрезентативец, Ѓоко Зајков смета дека пристапот треба да биде одговорен и вистински во намерата да победиме против Малта.
„Малта не е наивен противник. Треба да одиграме одговорно и фокусирано. Во денешниот фудбал не постојат аутсајдери. Ни треба вистински пристап и максимален ангажман од сите во тимот”.
Јовиќ: Ги исправивме грешките, подготвени сме за Колштад и ЛШ
Ракометниот шампион на Македонија Еурофарм Пелистер в понеделник во 14 часот напладне започнува со продажба на поединечните билети за првиот натпревар од Лигата на шампионите за сезоната 2023/24 против норвешкиот Колштад. Се бара билет повеќе, интересот е голем, а ракометарите и стручниот штаб во мир го подготвуваат дуелот со норвешкиот шампион. Тренерот Јовиќ и капитенот Пешевски ги повикаа фановите за дебито на овој тим во овој формат во Лигата на шампионите.
Александар Јовиќ
(тренер на Еурофарм Пелистер)
Колштад е екстра квалитетна екипа, која во своите редови има шест норвешки и еден исландски репрезентацтивец. Колштад гаи екстра динамична игра и мислам дека ќе биде задолвоство да се натпреварувањеме со нив. Верувам дека ќе се прикажеме во најдобро светло оваа сезона, пред нашата публика, во нашата реновирана сала. Се спремаме подолг период, игравме доста пријателски натпревари, игравме и променливо на некои од нив. Од натпреварите на кои не бевме на висина на задачата извлековме многу поуки. Анализитравме доста детали каде сите заеднички грешиме и мислам дека ќе ги исправиме со стартот на новата сезона во Европа и во Суперлигата. Еурофарм Пелистер ќе биде подготвен за предизвиците. За најдобрата публика и најракометниот град во Европа ќе порачам дека ќе оставиме срце на терен, ќе се прикажеме во најдобро светло и нема да ги разочараме навивачите.
Жарко Пешевски
(капитен на Еурофарм Пелистер)
Емоцијата може да биде проблем, но може да ти даде и некоја посебна сила за да бидеш подобар и посмирен од противникот, да му зададеш удар и да се радуваш на крајот. Играме против супер екипа како Колштад. Норвежаните негуваат агресивен и динамичен ракомет. Гостуваат во Битола и ние ќе направиме сè да му ја отежнеме работата. Се работи за тим составен од повеќе норвешки репрезентативци, на чело со Сагосен. Тој, Род и двајцата голмани се лидери во тимот. Имаат искалена агресивна одбрана, за која со видео анализи треба добро да се спремиме да ги пробиеме. Ако сè оди по планот, имаме шанси да се надигруваме и на крајот да се радуваме. Мислам дека ова наше место ни е заслужено како шампиони на Македонија по осумнаесет години. Ние и фановите треба заедно добро да се поставиме и ќе бидеме светла точка која гордо ќе ја претстави Битола.
Прваците на Македонија и Норвешка низ историјата никогаш не се сретнале меѓусебе во официјален натпревар.
Германија планира привремен селектор, па доаѓање на Клоп
Легендата на германскиот фудбал Лотар Матаус ја понуди својата опција за национален селектор по отпуштањето на Ханзи Флик. Поранешниот селектор на Германија доби отказ во неделата поради лошите резултати.
Капитенот на светските шампиони од 1990 година го предложи Матијас Замер за привремен селектор до Европското првенство следното лето, по што тимот ќе го преземе Јирген Клоп. Сепак, Клоп има договор со Ливерпул до 2026 година.
Во моментов Замер е дел од специјален тим на Германскиот фудбалски сојуз, чија задача е да помогне во враќањето на силата на германскиот фудбал. Замер имаше кратка тренерска кариера, додека на почетокот на векот беше единствено на чело на Борусија Дортмунд и Штутгарт во комбиниран период од пет години. Пред неколку години имаше здравствени проблеми, но сега е подобар и често се појавува како аналитичар. Замер е познат по својот остар и критички јазик.
„Матијас Замер е личност која често ги повредува другите со своите зборови, но ова е нешто што во моментов го немаме, но би било добро за тимот“, прокоментира Матеус.
„Клоп моментално не е слободен затоа што сака да заврши со пишувањето на својата историја во Ливерпул. Но за мене тој би бил идеален селектор по европското првенство“, изјави Матеус.
Ди Марија објасни како се вратил во Бенфика
Анхел Ди Марија откри дека имал богати понуди од Саудиска Арабија, но се одлучил да го послуша срцето и да го облече дресот на Бенфика.
Во Саудиска Арабија летово се преселија голем број фудбалери, но Анхел Ди Марија избра поинаков пат.
„Добив многу понуди и телефонски повици од Саудиска Арабија, нудат луди бројки, но јас го послушав моето срце и се вратив во Бенфика“, изјави Ди Марија.
Првиот човек на Бенфика, Руи Коста потврди дека платата на Ди Марија не ја надминува границата на плати.
„Ди Марија не ја надминува границата на платите во клубот, дојде без да потпише бонус кој би го добил надвор од платата. Со него скоро и да не преговаравме за условите, не побара ништо повеќе од тоа што му беше понудено“, изјави Руи Коста.
Питлик зеде одмор од ракометот за да работи во столарија
Еден од најдобрите дански тренери Јан Питлик се реши за голема животна промена. Некогашниот тренер на ЖРК Вардар од 2016 година се реши за несекојдневен потег.
Питлик беше селектор на машката ракометна селекција на богатата Саудиска Арабија. Имаше и актуелен договор, но реши да си замине.
„Федерацијата ми понуди продолжување на договр, но јас не бев заинтерсиран. И овој договор го завршив предвремено поради тоа што немаше репрезенативни обврски“, истакна Питлик за данската телевизија „Спорт ТВ2“.
И кога јавноста како што е редот очекуваше да пронајде нова работа на струката, дојде изненадувачка вест. Питлик се реши да ја промени професијата.
Имено искусниот Данец, инаку двократниот олимписки победник со Данска во 2000 и 2004 година и светски шампион реши да работи како столар.
Галатасарај имал договор со Амрабат, но пропаднал во последен момент
Првиот човек на Галатасарај, претседателот Ерден Тимур, открива дека Софијан Амрабат бил блиску до трансфер во нивните редови ова лето.
„Црвените ѓаволи“ постојано се поврзуваа со трансферот на мароканскиот интернационалец, па тој трансфер се случи последниот ден од летниот трансфер ериод.
Но очигледно дека Амрабат имал други понуди и Јунајтед не му била единствената опција за трансфер надвор од Фиорентина.
За волја на вистината, Амрабат се пресели во Јунајтед на едносезонска позајмица, по што ако не го откупат неговиот договор, тој ќе се врати во Фиренца.
„Имавме и ние близок договор со Софијан Амрабат. Преговаравме со Фиорентина и се договоривме. Тој на моменти размислуваше да ги отфрли сите други понуди и да ни се приклучи, но ете, до тоа не дојде на крајот“, порача Тимур.
Тен Хаг ќе го исфрли Санчо од првиот тим на Јунајтед
Фудбалерот од средниот ред на Манчестер Јунајтед, Џејдон Санчо ризикува да биде исклучен од првиот тим, откако јавно даде коментар за тренерот на тимот Ерик тен Хаг.
Според извори блиски на клубот, Тег Хаг, кој важи за жесток поддржувач на дисциплината, реагирал негативно на постапките на 23-годишниот Англичанец. Тој исто така е разочаран од зборовите на играчот бидејќи верува дека навистина му помогнал на Санчо да влезе во форма минатата сезона.
Флик заработи отказ, Германија ќе добие нов селектор
Германската фудбалска федерација денеска му врачи отказ на селекторот Ханси Флик по катастрофалниот период, а особено последниот пораз од Јапонија со 4-1.
Откако прво Германија имаше катастрофален настап на Мундијалот во Катар каде не ја помина групата, чашата ја прели синоќешниот пораз на домашен терен од Јапонија.
Германците кои се домаќини на следното Европско првенство решија навремено да реагираат и да се обидат со нов селектор да ја кренат формата и да се вратат на вистински патеки.
Познат МВП тимот, Шрудер е МВП на Мундобаскетот
По завршувањето на последните два меча на Светското првенство во кошарка кое годинава се одржа на Филипините и во Индонезија и Јапонија, ФИБА ја објави и најдобрата петорка на шампионатот. Во неа се најдоа предводниците на пет селекции кои влегоа во битка за медалите. Први во редот се Богдановиќ (Србија) и Дончиќ (Словенија), а со нив и Денис Шрудер од Германија кој го доби и признанието МВП, како и Американецот Ентони Едвардс и Канаѓанецот Шај Гилџес-Александер.
Верати се согласи да премине во Ал-Араби
Марко Верати се договорил со катарскиот клуб Ал-Араби, кој ќе плати 50 милиони евра за неговиот трансфер од ПСЖ.
Тренерот Луис Енрике му порача на Италијанецот дека нема да смета повеќе на него и не го пријави за настап во ЛШ, па Верати се согласи за трансфер.
Иако се поврзуваше со трансфер во Саудиска Арабија, сепак откако се затвори трансфер пазарот, тој се согласи да се пресели во Катар.
30-годишниот Верати минатиот декември потпиша продолжување на договорот со ПСЖ до 2026 година, но го загуби местото во стартниот тим.
Немаше понуди од европски клубови поради неговата висока плата, па се одлучи кариерата да ја продолжи во Катар.
