Популарна компанија Голдин која е специјализирана за размена и продажба на колекционерски предмети претежно од областа на спортот, ја определи можеби најскапата цена за билет од еден фудбалски натпревар. 

Станува збор за влезница од пријателскиот дуел помеѓу екипите на Порто и Барселона, кој е запишан како прв натпревар во кариерата на тогаш 16.годишниот Лионел Меси во дресот на Барселона.

Билетот за оваа средба која се одржа на стадионот Драгао во Порто, во далечната 2003 година достигна продажна цена од 43 илјади евра.

Алваро Мората игра на позајмица во Јувнтус од Атлетико Мадрид, а клубот од Торино има можност да го откупи неговиот договор за 35 милиони евра.

Досега информациите од Италија велеа дека Мората ја игра последната сезона во дресот на Јувентус затоа што не сакаат да го задржат. Сепак, сега новинарот Џакомо Јакобелис тврди дека Јувентус го сменил мислењето за Мората.

Наводно, Јувентус сака да го задржи Мората и покрај тоа што во клубот пристигна Душан Влаховиќ. Меѓутоа постои и еден услов, Атлетико мора да прифати оштета од 20-25 милиони евра место претходно договорените 35.

Ако двата клуба не се договорат тогаш Јувентус и дефинитивно нема да го откупи Мората.

Менаџерот на Арсенал, Микел Артета, се опиша себеси како „решение“ во врската со Пјер-Емерик Обамејанг откако напаѓачот од Габон рече дека го напуштил англискиот клуб бидејќи имал проблем со шпанскиот тренер.

Обамејанг со заедничка согласност го раскина договорот со Арсенал и се пресели во Барселона, со што стави крај на шпекулациите дека Артета во декември му ја одзеде капитенската лента поради „дисциплински проблеми“.

„Мислам дека се заврши на најдобар начин за сите. Сите носиме одлуки и најдоброто нешто беше да продолжиме понатаму“, вели тренерот на „топчиите“.

Францускиот спортски весник Екипа ја пренесува информацијата дека играчот од средниот ред на Париз Сен Жермен, Леандро Паредес, заработи повреда поради која може да ги пропушти следните натпревари на екипата против Рен и Реал Мадрид.

27-годишниот играч за врска оваа сезона одигра 16 натпревари за ПСЖ во сите натпреварувања и забележа две асистенции.

Во тимот од Париз поради повреда сеуште е отсутен Андер Ерера како и Серхио Рамос кој продолжува со опоравување и индивидуални тренинзи.

Дефанзивецот Тео Ернандез се договорил со Милан за обнова на договорот. Според специјалистот за трансфери, новинарот Фабрицио Романо, неговиот нов договор ќе биде објавен во следните неколку дена и ќе биде со важност од пет години. Платата на Ернандез ќе биде зголемена од 1,5 милиони евра на 4,5 милиони.

Левиот бек пристигна на Сан Сиро од Реал Мадрид во 2019 година. За него беа заинтересирани екипи како Челзи и Париз Сен Жермен, но Французинот одлучи својата идна кариера да ја продолжи со популарните „росонери“.

Челзи планира големи промени на тимот во текот на летниот преоден рок, а клубот може да го напушти и миленикот на навивачите, Нголо Канте.

Англиските медиуми пренесуваат дека Челзи одлучил на лето да го продаде Канте, бидејќи веќе нашол негова замена.

Голема желба на „сините“ е ѕвездата на Вест Хем, Деклан Рајс, кој оваа сезона игра фантастично и е еден од најдобрите играчи за врска во Премиер лигата. Токму поради тоа Челзи е спремен да го продаде Канте и со тоа да го финансира трансферот на Рајс, бидејќи Вест Хем за неговата слобода бараат 100 милиони евра.

30-годишниот Канте на лето ќе влезе во последната година од договорот и „сините“ веруваат дека сега е идеално време за негова продажба.

Фудбалерот на Манчестер Сити, Џек Грилиш е снимен под видно дејство на алкохол, како со своите соиграчи Ријад Марез и Кајл Вокер се обидуваат да влезат во ноќен клуб.

Обезбедувањето на клубот не ги пуштило познатите фудбалери да влезат внатре, бидејќи Грилиш бил очигледно пијан и неадекватно облечен. По неуспешниот обид, фудбалерите го напуштиле местото и заминале во друг локал.

Поранешниот играч за врска на Тотенхем и белгиски репрезентативец, Муса Дембеле се повлече од фудбалот.

Дембеле планира да живее во Антверпен, Белгија и да поминува повеќе време со семејството. Последниот клуб на Дембеле беше кинескиот Гуангжу Сити, во кој се пресели во јануари 2019 година од Тотенхем.

Тренерот на Ливерпул, Јирген Клоп изјави дека напаѓачот Мохамед Салах би можел да учествува на натпреварот од англиската Премиер лига против Лестер Сити на 10 февруари.

„Мо се врати, веќе разговарав со него. Тој, секако, е многу разочаран, но со нетрпение ги очекува натпреварите на Ливерпул. Првото нешто што ми рече беше: „Подготвен сум“. Тој е искусен фудбалер, неверојатно физички подготвен. Сега тој ќе има сесија за опоравување и ќе видиме како ќе се чувствува утре. Садио Мане по можност ќе лета за Ливерпул на 9 февруари во вечерните часови. Секако дека ќе ја пропушти средбата со Лестер. Она што го постигна со тимот значи многу за Сенегал. Ние го почитуваме тоа и никогаш не помисливме да го повикаме рано. Нека прави што сака, затоа што тоа го заслужува“, изјави Клоп, за прес-службата на Ливерпул.