Рафаел Варан денес го помина вториот дел од лекарските прегледи во Манчестер Јунајтед. Французинот се појави вчера во базата во Карингтон, откако истече карантинот по неговото влегување во Велика Британија.

Според Фабрицио Романо, Варан веќе го потпишал договорот со Манчестер Јунајтед. Договорот е до јуни 2025 година со опција за дополнителни 12 месеци.

Уште на 27 јули, клубот од „Олд Трафорд“ објави дека постигнал договор со Реал Мадрид за трансфер на Варан. Англискиот клуб треба да плати 50 милиони евра плус бонуси за него. Според медиумите на Островот, Французинот инсистира да дебитира за својот нов клуб на натпреварот против Лидс во сабота.

Стефан Савиќ го продолжи договорот со Атлетико Мадрид до 2024 година. Мадридскиот клуб официјално објави дека Савиќ потпишал договор до јуни 2024 година.

Во Атлетико Савиќ пристигна во 2015 година од Фиорентина за 10 милиони евра и брзо стана незаменлив во стартниот состав. За Атлетико веќе запиша 202 натпревари, а со заминувањето на Диего Годин стана столб на одбраната.

Савиќ кариерата ја почна во БСК Борча, после една сезона во Партизан премина во Манчестер Сити. Подоцна играше за Фиорентина три сезони и од таму пристигна во Мадрид.

Големи проблеми пред самиот почеток на Бундеслигата во редовите на Мајнц.

Поранешниот клуб на македонскиот легендарен дефанзивец, Николче Новески пријави 14 позитивни случаи и целиот тим е во карантин. Од тие 14 дури 11 се фудбалери.

Прв позитивен случај бил Карим Онисива кој во петокот добил позитивен тест, потоа почнале да се појавуваат и останатите.

По ваквата ситуација не е јасно дали Мајнц ќе може да го игра својот натпревар од првото коло во ПМФЛ кој е закажан за во недела.

Со меѓусебен договор помеѓу Интер и Наинголан соработката е прекината, па сега тој е слободен играч.

Интер на репрезентативецот на Белгија ќе му даде два милиони евра обештетување за предвремено раскинување на договорот.

33-годишниот играч за Интер настапуваше од 2018. година, но во последната сезона беше на позајмица во Каљари.

Во сезона 2018/19 одигра 29 натпревари за Интер и постигна шест погодоци.

Се верува дека Наинголан сега ќе потпише договор со екипата на Каљари каде настапуваше последните две сезони.

Пари Сен Жермен веќе ги користи придобивките од привлекувањето на Лионел Меси. Според неофицијални информации, клубот веќе има продадено 250.000 дресови со бројот 30  кој ќе го носи Меси во ПСЖ.

Просечната цена на дресот е 107,99 евра, што значи дека само со оваа постапка клубот има регистрирано добивка од 27 милиони. Клубот синоќа лансираше 250.000 дресови во својата онлајн продавница. Продажбата започна 30 минути откако официјално беше објавена веста дека Меси е играч на ПСЖ. За околу еден час новиот дрес на Месо во ПСЖ беше продадено.

Денеска се формираше огромна редица пред официјалната фан –шоп продавница на ПСЖ. Сите дресови во продавницата беа распродадени за половина час. Претседателот на клубот Насер Ал-Хелаифи потврди дека сите расположливи дресови се продадени.

Сега веќе поранешниот голман на Манчестер Јунајтед Серхио Ромеро го напушти клубот „Олд Трафорд“ после шест години. Како слободен играч тој ќе се приклучи на екипата на Гранада.

Преговорите се во финална фаза и се очекува се набрзо да биде објавено.

Ромеро никогаш не дојде до улогата прв голман во англискиот гигант. И кога беше прв избор тоа беше во Лига Европа, додека Де Геа беше главен во Премиер лигата.

Сега кога Дин Хендерсон покажа квалитет, дури ја стави под знак прашалник и голманската позицијка на Де Геа, стана јасно дека за Ромеро нема место. Солскјер за трет голман веќе го врати Том Хилтон.

Во минатата сезона Ромеро не запиша ниту еден настап, а последен на голот беше во сезоната 2019/20.

Минатата недела, Каталонците на големо изненадување соопштија дека Лео Меси нема да продолжи и покрај тоа што се беше подготвено за Аргентинецот да стави потпис на нов договор.

Барселона прстот го впери во Ла Лига и правилата за финансиски фер-плеј, односно селари-капот кој мора да го почитува секој клуб. Жоан Лапорта на прес конференцијата се правдаше дека со новиот договор на Лео Меси, буџетот за плати ќе биде 110% од приходите.

По ваквиот развој на настаните, Лео Меси за брзо време пронајде заеднички јазик со ПСЖ и потпиша со „светците“.

Но и без Аргентинецот во тимот, Барселона не може да ги регистрира засилувањата. Викендов почнува новата сезона во Ла Лига, и „каталонците“ се една од шестте екипи кои не ги регистрирале новите играчи.

Барса никако не успева да се раздели со фудбалери како Умтити, Пјаниќ или Кутињо, па буџетот за плати останува над лимитот пропишан од Ла Лига. Клубот од Камп Ноу мора да најде начин како да се ослободи од фудбалерите на кои не смета, или да се обиде да преговара со фудбалерите со високи примања, тие да прифатат помала плата.

Доколку во следните 48 часа нема напредок на ова поле, Роналд Куман нема да може да смета на Депај, Емерсон и Ерик Гарсија за дуелот со Реал Сосиедад (Агуеро е повреден па и онака е надвор од комбинација).

На располагање ќе биде само Јусуф Демир, бидејќи тој се води како фудбалер на Барса Б.

Борусија Дортмунд презема драстични мерки со пандемската криза која ја создаде ковид-19. Имено, „милионерите“ нема да дозволат влез на стадионот на невакцинирани.

Во соопштението кое го објавија „милионерите“ објаснија дека негативен тест нема да биде доволен да се влезе на стадионот, туку тоа ќе биде возможно само со сертификат за вакцинација.

„Вакцинацијата е клучот за враќање во нормалноста“, соопшти Ханс Јоаким Вацке, првиот човек на Борусија.

Вакво правило за влез на вакцинирани навивачи воведе и тимот на Келн.

Академија Пандев вчера објави дека потпишан е договор со Осман Маронг кој доаѓа од Црвена Звезда.

Станува збор за 22-годишен фудбалер од Гамбија кој со „пандевци“ потпиша договор на две години.

„Оусман Маронг од Црвена Ѕвезда најново засилување за Академија Пандев. Гамбиецот денеска потпиша двегодишен договор со нашиот клуб и во тек е неговата регистрација за право на настап. Се работи за 22-годишен играч кој подеднакво добро се снаоѓа на позициите офанзивен играч за врска и крилен напаѓач. Му посакуваме многу голови и асистенции во плаво-белиот дрес!“, соопштија од Академија Пандев.

Баерн Минхен го стави Корентан Толисо на трансфер-листата ова лето и е подготвен да прифати обештетување од само 10 милиони евра. 

Повремениот француски репрезентативец не се изнаигра премногу во дресот на германскиот гигант и тоа најмногу поради повредите. Фудбалерот од средниот ред дојде од Лион за 45 милиони евра пред три сезони, но сега новиот тренер Јулијан Нагелсман не смета неговите услуги.

Има доста заинтересирани тимови за трансфер на Толисо особено што неговата вредност е далеку поголема од оние 10 милиони што ги бара Баерн.

Јувентус, Манчестер јунајтед и Арсенал се подготвени да испратат понуда за Французинот.