Ѕвездата на Париз Сен Жермен, Нејмар, во интервју за бразилски медиум каде гостин беше и Луис Назарио Роналдо, кажа дел од своите планови околу својата фудбалска иднина.

Нејмар истакнал дека планира да игра фудбал додека ја чувствува страста и мотивацијата за играта, и дека најверојатно после епизодата во ПСЖ, ќе се пресели во Америка за да заигра во МЛС лигата.

„Не сум сигурен дека повторно ќе се вратам во Бразил и да заиграм за некој клуб. Моја желба е да се испробам во Америка и да одиграм барем една сезона во МЛС. Таа лига не е толку напорна како во Европа и би можел да играм уште некој период во кариерата“, вели Нејмар.

Швеѓанецот со македонско потекло Дејан Кулушевски одигра одличен меч во победата на Тотенхем против Манчестер Сити (2-3).

Тој го постигна првиот гол за водство, а потоа беше асистент при победничкиот гол на Хари Кејн во 95-та минута.

„Многу патев изминатите месеци и не се чувствував добро, меѓутоа тоа се промени. Постигнавме гол многу рано и тоа ни помогна да славиме. Немав потреба да размислувам за ништо, туку само да играм фудбал. Неверојатно чувство е да работите со Антонио Конте. Тој има победнички менталитет“, изјави Кулушевски.

Кулушевски во јануари се пресели во Тотенхем на позајмица од Јувентус со право на откуп.

Примарна трансфер цел на Арсенал во летниот преоден рок ќе биде доведување на врвен напаѓач.

Во текот на целиот зимскио преоден рок „топџиите“ се обидуваа да донесат нов напаѓач, но имаа неколку неуспешни обиди.

Арсенал се ослободи од Обамејанг, а исто така и Лаказет ќе замине на крајот на сезоната, па Артета сака да доведе најмалку еден напаѓач. Нова мета е Алваро Мората, кој игра во Јувентус како позајмен фудбалер од Атлетико Мадрид.

Јувентус после доаѓањето на Влаховиќ најверојатно нема да го откупи Шпанецот, па Арсенал спрема понуда од 50 милиони евра.

Карло Анчелоти по саботната победа на домашен терен против Депортиво Алавеш, вели дека неговиот тим ќе мора да биде константен во настапите и да покажува подобри партии.

Домашната публика на „Сантијаго Бернабе“ во еден период упатуваше свирежи кон играчите на Реал бидејќи не беше задоволна од прикажното. Токму тоа го искоментира и тренерот на „кралевите“.

„Публиката не беше задоволна од тоа што го виде во првото полувреме и свирежите не се новост. Навивачите го искажаа тоа што го чувствуваа“, вели тренерот на Реал Мадрид.

Играчот од одбраната на Струга Трим Лум, Томе Китановски, заработи скршеница на раката, поради што ќе мора да паузира приближно месец дена.

Битолчанецот, повредата ја заработи после незгоден пад на натпреварот со Брегалница кој се одигра на стадионот во Струга и заврши мирољубиво, 1:1.

Поради сериозноста на повредата, над 29-годишниот Китановски ќе биде извршена и операција после која ќе следува период на рехабилитација.

Германските гиганти Баерн Минхен и Борусија Дортмунд се последните клубови кои изразуваат интерес за напаѓачот Армандо Броја. 

20-годишниот албански напаѓач оваа сезона е откровение во тимот на Саутемптон каде настапува како позајмен играч од Челзи.

Голем број на големи клубови го следат развојот на напаѓачот, но во Челзи и понатаму го гледаат како иден дел од тимот,особено со проблемите на неговите сегашни напаѓачи Ромелу Лукаку и Тимо Вернер.

Броја досега има постигнато 8 гола во сите натпреварувања за тимот од „Сент Мери“.

Барселона е заинтересирана за потписот на напаѓачот на Борусија Дортмунд, Ерлинг Халанд. Барса е подготвена да ја плати клаузулата за ослободување од 75 милиони евра за Норвежанецот и да плати голема провизија на агентот на играчот, Мино Рајола. Покрај тоа, Барселона сакаат да го направат Халанд лидер на новиот проект.

И покрај тешката финансиска ситуација, Каталонците се подготвени да му понудат на играчот петгодишен договор со плата од 20 милиони евра годишно. Ова ќе го направи Халанд најплатен играч во тимот. Халанд се приклучи на Борусија Дортмунд во јануари 2020 година, откако се пресели од Салцбург за 20 милиони евра.

Оваа сезона норвешкиот напаѓач настапи на 14 натпревари во Бундеслигата, на кои постигна 16 гола и шест асистенции. Халанд постигна три гола на три натпревари од Лигата на шампионите. Договорот на Халанд со германскиот клуб истекува во летото 2024 година, а во моментов се проценува на 150 милиони евра.

Македонскиот репрезентативец го постигна петиот гол сезонава во дресот на клубот од Саудиска Арабија, а со својот гол донесе реми за својот тим.

Ал Ахли и Ал Феиха ремизираа со 1-1 во рамките на 21 коло од најсилната фудбалска дивизија во Саудиска Арабија, а во обата тима имаше по еден наш интернационалец, од кои едниот не доби прилика за настап, па мечот го проследи од клупата за резерви.

Езгјан Алиоски ги одигра сите 90 минути во таборот на домаќините, а во финишот од средбата успеа да реализира од белата точка и да донесе израмнување на мечот, односно избегнување на пораз на неговиот тим.

Во гостинскиот табор се најде Александар Трајковски, но тој не доби прилика за настап.

Тимот на Интер и официјално ги продолжи договирте на своите тројца водечки директори, Џузепе Марота, Пјеро Аусилио и Дарио Бачин.

Клубот официјално соопшти дека новите договори на сите тројца ќе бидат со важност до 2025 година. Марота во Интер пристигна после заминувањето од Јувентус и е извршен директор, Аусилио е главен спортски директор, додека Бачин е негов заменик.

За многумина најважен е Марота кој направи одлични потези од пристигнувањето во клубот во 2018 година, декември. Токму тој беше најзаслужниот за доведувањето на Конте кој во минатата сезона им го донесе скудетото на „нероаѕурите“, но Италијанецот си замина после несогласувањата со сопствениците.

Иако Конте си замина, Интер и понатаму игра одлично сега под водство на Симоне Инзаги.

Напаѓачот на Челзи, Ромелу Лукаку, имаше уште еден слаб натпревар во победата на својот тим против екипата на Кристал Палас. Челзи на овој овој дуел забележа победа од 1:0 со голот постигнат од Хаким Зијеш во 89.минута.

Според статистиката од натпреварот, Лукаку забележа неславен рекорд на мечот. Имено, тој за 90 минути од натпреварот, оствари само седум контакти со топката.

Ова е најслабиот таков податок забележан за еден играч од Премиер лигата, бидејќи таква статистика се води од сезоната 2003/2004.