Сите професионални фудбалери од Серија А во новата сезона ќе мора да бидат вакцинирани, одлучи раководството на лигата.

Според информациите од Италија, дел од играчите се веќе вакцинирани, но оние кои не го направиле тоа ќе мораат да ја исполнат обврската во најкраток можен рок.

Серија А се реши на ваков потег откако десет играчи во тимот на Специја беа заразени со коронавирус за време на подготовките, а рокот кој ќе мора да го испочитуваат клубовите со комплетна документација за вакцинирање мора да се достави до 20. август.

Баерн е подготвен да се раздели со 26-годишниот Французин за сума од 20 милиони евра, пишува „Л’Екип“. Договорот на играчот истекува за една година и од „Алијанц Арена“ сакаат да го продадат сега за да не го изгубат без пари следното лето.

Не недостасува интерес за овој фудбалер, бидејќи Јувентус и Наполи се заинтересирами за него. Сепак, двата клуба се двоумат дали да дадат понуда или да чекаат 12 месеци и да го земат без пари.

Сепак, се чини дека Јувентус размислува сега да го купи Толисо. На ова инсистира новиот тренер Масимилијано Алегри. Јувентус треба да го засили средниот ред, кој минатата сезона не беше на потребното ниво. Покрај тоа, Артур има повреда што ќе го извади од игра првите неколку месеци од сезоната.

Самиот Толисо се чини дека е склон да ја промени ситуацијата. Тој имаше многу тешка сезона во која не играше многу поради повреди. Прво имаше проблем со мускулите, а потоа ја повреди тетивата. Поради ова, тој одигра само 24 натпревари за време на сезоната. Играчот од средниот ред сепак успеа да се опорави на време за почетокот на Евро 2020 и беше меѓу избраниците на Дидие Дешамп, а одигра три натпревари на Европското првенство.

Фудбалерот, Клемент Ленгле, кој доби многу критики во Барселона, можеби нема да остане во тимот за наредната сезона.

Шпанските медиуми открија дека Евертон и Вест Хем започнале преговори за трансфер на дефанзивецот. Двата клуба од Премиер-лигата сакаат да го ангажираат како позајмен играч.

Ленгле во претходната сезона одигра 48 натпревари за Барса. Каталонците пред три години го купија Французинот од Севилја за 36 милиони евра.

Првите луѓе на Манчестер Јунајтед, доставиле понуда до дефанзивецот на Наполи, Калиду Кулибали, пишува „Газета Дело Спорт“.

Агентот на играчот, Фали Рамадани, го известил раководството на калчо-лигашот за понудата на „црвените ѓаволи“ во износ од 30 милиони евра по што претседателот, Аурелио Де Лаурентис, изјавил, дека сумата не е доволна.

30-годишниот дефанзивец од Сенегал кој е најплатениот играч во тимот со 6 милиони евра по сезона, има договор за уште две години.

Трент Александар-Арнолд се врати на тренинг со својата екипа по повредата на бутот. Фудбалерот поради повреда го пропушти ЕП 2020 година.

„Јас сум целосно ослободен од болка. Се чувствувам одлично и сега се вратив на целосен тренинг. Мислам дека сум доволно добар за да започнам да играм“, изјави Александар-Арнолд за прес-службата на клубот.

Минатата сезона дефанзивецот одигра 36 натпревари во Премиер лигата, на кои постигна два гола и седум асистенции. Ќе потсетиме, Александар-Арнолд доби повреда на бутот на пријателскиот натпревар со репрезентацијата на Австрија (1:0) за време на подготовките за континенталното првенство.

Арсенал официјално објави за ангажманот на 21-годишниот Алберт Самби Локонга од Андерлехт. Трансферот на дефанзивниот играч за врска се очекуваше да се случи во последните неколку дена, а сега тоа е факт.

Локонга е дел од академијата на Андерлехт и има одиграно 78 натпревари за првиот состав на клубот од декември 2017 година. Топџиите ќе платат 17,5 милиони за овој играч и уште 4,5 милиони во вид на бонуси. Договорот на играчот е на пет години до летото 2026 година, а тој ќе го носи бројот 23 на својот дрес.

Играчот за врска станува второ засилување на лондончани ова лето, откако пред неколку дена беше привлечен левиот бек од Бенфика, Нуно Тавареш, кој дури дебитираше со погодок за тимот. Во следните неколку дена се очекува да биде објавен трансфер на Бен Вајт од Брајтон, чиј трансфер е веќе договорен за 50 милиони фунти.

Герет Бејл донесе одлука за продолжување на својата кариера по сезоната помината во Тотенхем како позајмен играч. Се споменуваше преселба во МЛС, се пишуваше за повлекување, но велшкиот репрезентативец и наредната сезона ќе остане во шпанскиот клуб, со кој има договор до 2022. година.

Заминувањето на Зинедин Зидан и доаѓањето на Карло Анчелоти на клупата на Реал за Бејл претставува можност за нов старт, бидејќи токму италијанскиот тренер беше тој кој го доведе во 2013. година во Мадрид.

Не е непознато дека Реал Мадрид се обидува да се ослободи од Бејл, најпрво поради астрономската плата од 600 илјади фунти неделно. Со оглед на тоа што договорот му истекува за една година, планот за продажба како би се заработило на него беше оправдан. Во тој контекст, најчесто се споменуваше како играч на кој би можело пристојно да се заработи, а тие пари потоа би се потрошиле на Килијан Мбапе.

Исто така, деновиве се споменуваше и дека Бејл би можел да ја заврши кариерата и да се посвети на голфот, но според шпанските медиуми, тој план ќе причека уште некое време.