Македонската фудбалска репрезентација го победи Исланд со 3:1 во последниот натпревар од групната фаза на квалификациите за СП во Катар. Со оваа победа Македонија го потврди второто место во групата со што обезбеди бараж натпревари преку кои ќе бара пласман на Мундијалот во 2022 година.

Овај голем успех на нашите фудбалери го поздрави и бившиот селектор на репрезентацијата Игор Ангеловски кој го предводеше националниот тим на Европското првенство кое се одржа изминатово лето.Ангеловски ја испрати својата честитка преку Инстаграм пост во кој напиша: “Честитки за пласманот во бараж натпреварите за СП во Катар. Повторно ја направивте Македонија горда, секоја чест“.

Како што пренесува англискиот весник „Мирор“, двата гиганти од Премиер лигата, Ливерпул и Манчестер Сити, се заинтересирани за доведување на корејскиот напаѓач Хи Чан Хванг. 

Хванг во моментот настапува за екипата на Вулверхемптон како позајмен играч од РБ Лајпциг. 

25-годишниот напаѓач импресионира со неговите игри во дресот на „волците“ на стартот од сезоната, со што го привлече вниманието на Клоп и Гвардиола.

Нашата фудбалска легенда, Горан Пандев, ги искористи социјалните мрежи да им честита на репрезентативците за пласманот во баражот за Мундијалот во Катар.

Поранешниот капитен кој се повлече веднаш по настапот на Евро-шампионатот, напиша: Секоја чест херои.

Maкедонската рперезентација оствари победа со 3-1 и обезбеди бараж за Мундијалот во Катар.

Селекторот на Исланд Арнар Видарсон пред натпреварот најави дека ќе дојдат да ни ја расипат забавата за наша среќа тоа не се случи.

„Сакам да и честитам на Македонија. Ова беше тежок натпревар за нас, посебно во првото. Кога постигнавме гол, тргнавме на 2-1. Мислевме дека ќе има паника во македонските редови, место тоа Македонија дојде до 2-1, потоа дојде и црвениот картон и не можевме да се вратиме. Не сум задоволен со пласманот, очекувавме да бидеме втори. Сепак, Македонија е подобра репрезентација. Игравте на Европското првенство и се надевам дека во иднина и ние ќе создадеме квалитена репрезентација како македонската“, изјави Видарсон.

Аргентинецот Мауро Икарди е подготвен да го напушти тимот на ПСЖ во потрага по редовен првотимски фудбал, пренесува Футмеркато.

Напаѓачот на ПСЖ изразува незадоволство поради фактот што не добива шанса за настап пред троецот Мбапе, Нејмар и Лионел Меси.

Најверојатна опција за Икарди е негово враќање во Италија но проблем ќе претставува висината на откупната цена која ја бара екипата на Париз Сен Жермен.

Андре Онана од следната сезона ќе биде голман на Интер, договорот ќе биде потпишан по јануари. Договорот на Онана со Ајакс завршува по крајот на оваа сезона, по што тој ќе се пресели во Интер.

Италијанскиот клуб уште минатото лето постигнал вербален договорот со Онана, а тој официјално може да биде потпишан од 1. јануари кога голманот ќе влезе во последните шест месеци од договорот со Ајакс.

Тој ќе стави потпис на четиригодишен договор, Интер во него го гледа наследникот на Самир Хандановиќ.

Сергеј Милинковиќ-Савиќ повторно игра во врвна форма и беше еден од најзаслужните за добрите резултати на Лацио.

За Србинот интерес покажаа многу европски гиганти, но никој не беше спремен да плати 100 милиони евра, колку што бараше Лацио за неговата слобода. Италијанските медиуми тврдат дека за Милинковиќ-Савиќ силен интерес покажува Реал Мадрид, кој веќе стапил во контакт со неговииот агент.

Карло Анчелоти го означил српскиот репрезентативец, како главна мета во јануарскиот преоден рок бидејќи сака да го засили средниот ред.

Анчелоти верува дека СМС би бил идеален наследник на Модриќ, кој веќе е на залез на кариера.

Кафу остави голема трага во клупскиот и репрезентативниот фудбал, а сега зборуваше за неговиот сонародник Нејмар.

Кафу истакна што смета дека Нејмар мора да подобри за да ја заокружи приказната околиу него. Според него тој треба да преземе одговорност на лидер.

„Нејмар технички е подобар од Меси и Роналдо, но мора да стане лидер. Човек треба 100% да се посвети на фудбалот. Јас бев подобар од другите десни бекови во мое време затоа што се посветив на тоа. Нејмар мора да стане капитен“, изјави Кафу и даде коментар за Алвес кој се врати во Барселона.

„Алвес ќе и даде на искуство на Барселона. Без разлика на годините тој е во одлична физичка кондиција и ќе биде одлично засилување“, смета Кафу.

Поранешниот тренер на Реал Мадрид, Зинедин Зидан може да ја продолжи кариера во англиската Премиер лига. Манчестер Јунајтед е заинтересиран за услугите на француски стручњак.

Според изворот, раководството на Манчестер Јунајтед го гледа Зидан како идеална замена за Оле Гунар Солскјер, под чие водство тимот покажува нестабилни резултати.

„Црвените ѓаволи“ се уверени дека присуството на поранешните играчи на Реал Мадрид, Кристијано Роналдо и Рафаел Варан ќе ја зголеми желбата на Зидан да соработува со Манчестер Јунајтед.

Претходно беше објавено дека Ралф Рангник е фаворит за местото нов тренер на Манчестер Јунајтед. Да потсетиме, во медиумите се појавија информации дека раководството на клубот од Манчестер го смета отказот на Солскјер за неизбежен чекор.