Почесниот претседател на Баерн Минхен, Ули Хенес имаше жесток вербален напад на останатите тимови од Бундеслигата. Баерн веќе девет години има апсолутна доминација во Бундеслигата, а последен тим кој успеа да им ја земе титулата е Борусија Дортмунд во 2012 година.

Многумина го критикуваат Баерн дека ги купува најдобрите играчи од останатите клубови, па Хенес има интересен одговор.

„Дали треба да го изгаснеме клубот за Бундеслигата да биде повторно возбудлива? Или во иднина треба да играме со 10 играчи на кој меч? Тоа е прилично досадна расправа. Не гледам ништо лошо тоа што Баерн е поважен за спонзорите во однос на Борусија Дортмунд. Работевме напорно за тоа, не ни падна на лотарија“, додаде Хенес.

Екипата на Манчестер Јунајтед е подготвена да му дозволи заминување од клубот на Џеси Лингард. 

28-годишниот повремен репрезентативец на Англија, ќе може да го напушти „Олд Трафорд“ а неговата продажна цена би изнесувала 10 милиони фунти.

Лингард минатата сезона настапуваше како позајмен играч во екипата на Вест Хем но мораше да се врати во Манчестер Јунајтед бидејќи двата клуба не постигнаја конечен договор.

Џеси Лингард од почетокот на сезоната нема голема доверба кај тренерот Солскјер и многу ретко добива шанса за настап, па многу веројатно ќе прифати понуда од друг клуб каде би бил редовен стартер.

Шампионот на Англија, Манчестер Сити ќе направи уште еден обид за доведување на Хари Кејн во текот зимскиот трансфер период.

Популарните „граѓани“ веќе испратија неколку понуди за напаѓачот на Тотенхем изминатово лето но сите беа одбиени од пртседателот на клубот, Даниел Леви.

Сумата која Тотенхем ја бараше за Хари Кејн изнесуваше 150 милиони фунти кој беше превисока за тимот на Гвардиола и трансферот не беше реализиран. Сепак од Сити се надеваат дека можат да го доведат англискиот репрезентативец во јануари бидејќи тој сеуште нема потпишано нов договор со клубот од Лондон.

Според пишувањата на Шпанска „Марка“, напаѓачот на Наполи, Лоренцо Инсиње би можел да ја продолжи играчката кариера во англиската Премиер лига. Наводно, голема заинтересираност за услугите на италијанскиот репрезентативец покажал тимот на Челзи предводен од Томас Тухел.

Инсиње кој е еден од клучните играчи на Наполи, не е расположен да го продолжи договорот со клубот бидејќи не е задоволен од износот на платата која му била понудена. Актуелниот договор на Лоренцо со Наполи истекува на крајот од оваа сезона.

Оваа ситуација сака да ја искористи Челзи, кој е подготвен да му понуди плата која би била прифатлива за Инсиње и да го доведе во своите редови како слободен играч.

Дани Алвес и официјално се врати во Барселона како слободен агент.

Алвес за Барселона играше од 2008 до 2016 година и беше член на еден од најдобрите генерации која се појавила на фудбалските терени.

„Во последните пет години се борев како луд за да се случи ова. Не знаев колку ќе биде тешко да се вратам, но срцето ми кажуваше дека тоа ќе се случи. Се враќам во дом, кој никогаш не сум го напуштил. Се надевам дека овој сон ќе трае вечно. Го чуствувам истиот ентузијазам како кога прв пат го облеков дресот на Барселона. Се надевам дека ќе му помогнам на клубот повторно да биде број 1 во светот“, изјави Дани Алвеш.

За фудбалерот на Манчестер Сити, Кевин Де Брујне, идејата за одржување Светско првенство на секои две години не е лоша.

Оваа идеја како предлог дојде од поранешниот тренер на Арсенал, Арсен Венгер, кој сега е шеф за глобален развој на ФИФА, но беше критикувана од УЕФА и англиската Премиер лига.

Репрезентативецот на Белгија, Де Брујне неодамна имал средба со Венгер и побарал подетални информации за неговиот предлог – „За да се реализира вакво нешто мора да се координираат федерациите на сите земји, како и УЕФА и ФИФА. Сите треба да работат заедно, но главна работа е ние како фудбалери да имаме вистински период за одмор на крајот од сезоната. Самата идеја не е лоша но треба да добиеме повеќе детали“, изјави Кевин Де Брујне.

Интер на својот голман Самир Хандановиќ и фудбалерот Иван Перишиќ ќе им понуди договори со намалување на платите.

Клубот од Милано сака да ги намали платите на играчите за речиси половина. Сега Хандановиќ добива 3,5 милиони евра годишно плус бонуси, додека Перишиќ е платен 5 милиони евра. Покрај Интер, Хандановиќ има настапувано и за Удинезе, Тревизо и Лацио. Договорот на 36-годишниот голман со миланскиот клуб е со важност до летото 2022 година.

Оваа сезона Хандановиќ одигра 12 натпревари за Интер. Договорот на Перишиќ исто така е до крајот на оваа сезона. Во сезоната 2021/22, хрватскиот играч за врска одигра 10 натпревари, постигна два гола и една асистенција.

Дефанзивецот на Челзи, Антонио Рудигер, би можел да се пресели во екипата на Баерн Минхен како замена за Никлас Суле. 

Интерес за Суле покажува премиерлигашот Њукасл Јунајтед и големи се шансите Баерн да ја прифати евентуалната понуда за него.

Екипата на Челзи води интензивни преговори со Рудигер за негово останување на „Стенфорд Бриџ“ но не може да се согласи со големите финансиски барања на Германецот, додека „баварците “ се подготвени да платат колку што е потребно за да го видат Рудигер на „Алианц Арена“.

Хрватот во дресот на Реал Мадрид, Лука Модриќ, се надева дека ќе потпише нов договор со клубот со кој би заиграл на „новиот“ клубски стадион пред да стави крај на својата кариера.

Како што пишува весникот „АС“, раководството на Реал и самиот Модриќ знаат дека неговата играчка кариера е при крај но постои расположение за продолжување на договорот на уште една дополнителна година.

36-годишниот Модриќ, во една негова изјава кажа дека сонува да заигра на реновираниот „Сантијаго Бернабеу“ кој би требало да биде завршен до крајот на 2022 година.

Играчот на Атлетико Мадрид кој настапува како позајмен играч во екипата на Челзи, Саул Нигез, би можел да се пресели во Барселона.

Шпанскиот интернационалец по доаѓањето во Челзи скоро и да не добива никакви шанси од тренерот Тухел, и големи се шансите неговата позајмица да биде прекината уште во јануари.

Екипата на Барселона и новиот тренер Чави се во потрага по играч од средината на теренот, па Саул се јавува како реална опција за пристигнување на „Ноу Камп“.