Фудбалскиот клуб Челзи се откажа од можноста за доведување на португалскиот репрезентативец Кристијано Роналдо, известуваат медиумите од Англија.

Претходно голем број на медиуми излегоа со тврдење дека Португалецот планира да го напушти Манчестер Јунајтед бидејќи сака во наредната сезона да игра во Лигата на шампионите. После информацијата веднаш се наведоа имиња на неколку големи клубови кои наводно се заинтересирани за Роналдо. Меѓу нив беа Баерн, ПСЖ, Челзи, Рома, Наполи.

Медиумите од Англија тврдеа дека новиот сопственик на Челзи Тод Боели посакува звучно зсилување во летниот преоден рок, но после разговорот со тренерот на екипата Томас Тухел, се одлучи да се откаже од ангажман на Роналдо.

Месут Озил беше претставен како фудбалер на Истанбул Башакшехир. 33-годишниот играч од средниот ред го засили тимот како слободен играч откако му беше раскинат договорот со гигантот Фенербахче.

„Мојата цел е тие да играат фудбал. Затоа мислам дека сум на вистинското место“, изјави поранешниот германски репрезентативец.

Тој имаше проблеми во „фенерите“ бидејќи се скара со тренерот и управата и немаше играно од март.

Претседателот на Истанбул Башакшехир, Ѓоксел Ѓумушдаг објави дека договорот е на 1+1 година на барање на самиот фудбалер.

„Месут нема да добива повеќе од своите соиграчи. Му благодариме што направи отстапки“, додаде газдата.

Андреа Пинамонти е нов напаѓач на Монца. Адријано Галијани не застанува на пазарот и неодамна постигна договор да го добие талентираниот напаѓач, кој минатата сезона постигна 13 гола со дресот на Емполи.

23-годишниот напаѓач беше баран од неколку клубови, но на крајот се чини дека Монца ја доби трката, која ќе го донесе на позајмица со обврска да го купи за 20 милиони евра.

Пинамонти е третиот фудбалер од Интер кој премина во Монца, по Сенси кој дојде на позајмица и Ранокија кој го заврши договорот со Интер и го избра тимот на Берлускони и Галијани.

Познатиот фудбалски новинар Фабрицио Романо ја пренесува информацијата дека Калиду Кулибали потпишал договор со екипата на Челзи.

Репрезентативецот на Сенегал и сега веќе поранешен играч на Наполи, ги минал медицинските прегледи во Лондон и се очекува наскоро да биде промовиран како нов играч на Челзи.

Кулибали ќе биде второто засилување кое пристигнува на Стенфорд Бриџ ова лето, после ангажманот на Рахим Стерлинг.

Сенегалецот се очекува да биде одлично појачување за одбраната на Челзи, бидејќи клубот неодамна остана без двајцата дефанзивци Рудигер и Кристенсен кои заминаа од клубот како слободни играчи.

Мемфис Депај ја одби понудата да премине во Тотенхем. Лондончани беа подготвени да ги платат 20-те милиони евра кои ги бараше Барса, но самиот играч не се согласи на таков трансфер, пишува „Спорт“.

Тотенхем веќе потпиша со еден играч од Барселона – Клемент Ленгле. „Мамузите“ имаат прилично солидна селекција за учество во Лигата на шампионите и сакаа да го додадат холандскиот напаѓач во својот тим, но тој не беше особено импресиониран од нивниот проект и претпочиташе да остане во Барса.

Депај е подготвен да се бори за своето место во тимот на Чави Ернандез, иако неговите шанси за стартно место не изгледаат големи. Од друга страна, тој сака да игра редовно за да се осигура дека ќе добие повик за Светското првенство во Катар оваа зима.

Дали е ова најбедната и најкомична местенка на пенали откако постои фудбалот погледнете подолу на видеото

По една сезона мината во Гранада, Карлос Бака се враќа во својата татковина, Колумбија.

Напаѓачот го официјализираше својот трансфер во клубот каде ги направи првите фудбалски чекори, Клуб Жуниор.

Некогашната ѕвезда на Виљареал, кој играше и за Милан, Севиља и Бриж по 11 години го напушта „стариот континент“.

Според пишувањата во британските медиуми, Арсенал е заинтересиран за одбранбениот фудбалер на Манчестер Сити, Олександр Зинченко.

Во информациите кои се пренесуваат се вели дека тимот од Лондон се очекува наскоро да испрати и официјална понуда за купување на 25-годишниот Украинец.

Арсенал е во потрага по дефанзивец кој ќе игра по левата страна во тимот, и сега се фокусира на ангажман на Зинченко, после неуспешниот обид за доведување на Мартинез од Ајакс кој најверојатно ќе замине во Манчестер Јунајтед.

Атлетико Мадрид на прес-конференција официјално го претстави своето ново засилување Аксел Витсел. Белгискиот играч за врска потпиша со тимот откако му истече договорот со Борусија.

„Ви благодарам на сите за топлото добредојде. Тренинзите се многу силни, но мораме да бидеме такви за да бидеме физички подготвени кога ќе започне првенството. Бев слободен и го избрав Атлетико бидејќи сакав да продолжам на високо ниво. Знам дека немам уште десет години во фудбалот, но преостанатото време сакам да го поминам на највисоко ниво што ми го нуди Атлетико“, беа првите зборови на белгискиот интернационалец.

„Играчите ме прифатија многу добро. Зборувам малку шпански, што ги олеснува работите. Се разликува од Дортмунд, но јас сум многу среќен. Диего Симеоне е еден од најдобрите тренери во светот. Тој исто така е една од причините што јас сум тука. Во последните денови трениравме екстремно цврсто и немав прилика многу да разговарам со него, но горд сум што соработуваме. Не е важно дали сум 23 или 33, секогаш има што да се научи од него“, истакна играчот од средниот ред.

Шпанскиот весник Марка пренесува дека челниците на Париз Сен Жермен во наредните неколку дена ќе му понудат нов договор на фудбалската суперѕвезда Лионел Меси.

Меси во клубот од Париз пристигна минатата година од Барселона и има договор со клубот до 30.јуни 2023 година.

Извори од шампионот на Франција известуваат дека на аргентинскиот фудбалски репрезентативец ќе му биде понудено да остане во клубот до 2024 година. За очекување е дека Меси својата одлука за новата понуда ќе ја донесе после завршувањето на Светското фудбалско првенство во Катар.

Меси минатата сезона во дресот на ПСЖ одигра 34 натпревари и постигна 11 гола.