Поранешниот селектор на бразилската фудбалска репрезентација, 72-годишниот Луиз Фелипе Сколари, кој ја освои титулата на Мундијалот во 2002 година, по четвртипат во кариерата ја презеде тренерската позиција во екипата на Гремио.

Сколари потпиша договор со Гремио до декември 2022 година, а неговата цел ќе биде да го задржи статусот во прва лига. Гремио започна многу лошо оваа сезона, по осум кола е на дното на табелата со само два освоени бода.

За време на претходниот престој на клупата на Гремио, Сколари освои една титула во Бразил, еден Куп и торфеј во Копа Либертадорес.

Јоаким Лев се повлече од германската репрезентација по елиминацијата од Европското првенство од Англија во осминафиналето, а сега, се чини, веќе има понуда да преземе друга репрезентација.

Неколку европски медиуми ја пренесуваат информацијата дека Лев е еден од главните кандидати за преземање на руската репрезентација, откако нејзиниот досегашен селектор Станислав Черчесов доби отказ. Заедно со Лев, како кандидати се споменуваат и Стефан Кунц и Андре Виљаш-Боаш.

Лев беше селектор на германската репрезентација од 2006. година се до ова ЕУРО. Негов наследник ќе биде Ханси Флик.

Оливие Жиру веќе во понеделник во Милано треба да ги помине медицинските прегледи и потоа да потпише договор со италијанскиот клуб кој го договори неговото доаѓање со Челзи.

Според пишувањата на медиумите, Жиру ќе потпише двегодишен договор со Милан, кој на Челзи ќе му плати милион евра со обврска на исплата на додатен милион низ бонуси кои ќе зависат од резултатите кои ќе ги покаже францускиот напаѓач.

Жиру, кој годинава ќе го прослави својот 35. роденден, ќе потпише договор до јуни 2023. година и по сезона ќе заработува 3,5 милиони евра.

Аргентинскиот тренер Диего Симеоне го продолжи договорот со Атлетико Мадрид, актуелниот шампион на Шпанија, до 2024 година. Популарниот „Чоло“ е во клубот од 2011. година.

Финансиските детали за договорот се уште не се откриени, но најавено е дека целиот стручен тим на Симеоне ќе ја продолжи соработката со Атлетико.

Во претходната сезона, Симеоне ги предводеше „јорганџиите“ до 11. титула во шпанскиот шампионат во клупската историја, втора во неговиот мандат.

Претходно работеше како тренер во Расинг Клуб, Естудијантес, Ривер Плата, Сан Лоренцо и Катанија.

Првиот човек на португалскиот гигант Бенфика, Луис Фелипе Виеира е упасен поради сомнение за корупција, перење пари и затајување данок.

Португалските медиуми објавија дека акцијата доволеа до претрес на 45 локации во Лисабон и Брага, а помеѓу локациите бил и домот на Виеира.

Станува збор за истрага за имама, фалсификување на документи и исправи, перење пари во период 2014 до денес…Во овој моемнт не се открива дали во целата афера се истражуваат и некои од големите трансфери со оглед на тоа дека Бенфика имаше солидни продажби во последните години.

Виеира е прв човек на Бенфика од 2003 година и не е првпат да се поврзува со вакви скандали.

Поранешниот репрезентативец на Македонија, Давид Бабунски во новата сезона ќе го носи дресот на седумкратниот првак на Унгарија, Дебрецин.

Бабунски, кој не успеа вистински да се докаже во Романија во екипите на Ботошани и Виторул, се обврза на двегодишна верност со Дебрецин.

Кариерата ја започна во Барселона Б, потоа играше и за Црвена Звезда, Јокохама, Омија, пред да се пресели во Романија.

Бабунски има девет настапи за сениорската репрезентација на Македонија.

Луj Ван Гал би можел да се врати од пензија и да го наследи Франк Де Бур!

Звучи неверојатно, но и не толку нереално затоа што Холанѓаните не сакаат репрезентацијата да м ја води странец. Проблем им е што веќе долго време немаат некој адекватен кандидат, ако се исклучи Ерик Тен Хаг кој нема намера да го напушти Ајакс.

Се споменуваше Џован Ван Бронхорс кој се прослави со титулата со Фејенорд, Роналд Куман ја затвори вратата за заминување од Барселона, а Франк Де Бур не беше достоен. Ван Гал на СП 2014 година ја предводеше Холандија до полуфиналето каде што Аргентина беше подобра после пенали, потоа „лалињата“ го победијата домаќинот во мечот за трето место 3:0.

Тоа беше последниот голем резултат на Холандија која и не успеа да се пласира на Мундијалот во 2018 во Русија, а сега потфрли со елиминацијата од Чешка во осминафиналето.

Мајкл Овен се огласи после вчерашната победа на Англија.

Англија ја победи Данска со еден контроверзен пенал во продолженијата. Овен не го интересира премногу дали било или не било пенал.

„Не сум сигурен дали беше пенал, но на кого му е гајле?“, истакна Овен па додаде:

„Не мислам дека замената на Грилиш беше добра и покрај резултатот, тој е одличен кога треба да се задржи топката, добро знае да добива прекршоци и да го забави темпото на натпреварот“, објасни поранешниот голгетер.

Ќе потсетиме, Англија во финалето кое се игра во недела ќе се сретне со Италија.

Пауло Дибала ќе се врати во Торино во недела за да ги започне подготовките за новата сезона.

Заедно со него во Италија ќе пристигне и неговиот агент, Жорже Антун, кој ќе има средба со раководството на „старата дама“. Главна тема ќе биде иднината на Аргентинецот, кој веќе влезе во последната година од договорот.

Преговорите за продолжување на соработката беа во застој, но сега ќе продолжат бидејќи едно од барањата на Алегри е Дибала да остане во Јувентус.

Наводно Јувентус е спремен да ги задоволи финаниските бањата и ќе му понуди плата од 10 милиони евра по сезона на 27-годишниот напаѓач.