Работнички ангажираше уште едно засилување за претстојната сезона. Ново име во составот на Александар Влахо е дефанзивецот Александар Ристевски, кој доаѓа од Струга Трим Лум и треба да ја засили конкуренцијaта во одбраната.

„Ристевски е искусен прволигашки фудбалер кој веруваме дека ќе донесе нов квалитет во одбраната на Работнички. Веруваме дека брзо ќе се вклопи во новата средина и му посакуваме да се наметне во дресот на Работнички“, изјави спортскиот директор Горан Станковски.

Работнички утре ќе го одигра третиот пријателски натпревар во текот на летните подготовки, против Тиквеш во Кавадарци.

Германскиот фудбалски великан Баерн Минхен очекува загуба од 150 милиони евра поради пандемијата на КОВИД-19, објави клубот.

Претседателот на Баерн, Херберт Хаинер рече дека тие загуби воглавно се последица на празните трибини на Алијанц Арена од минатата година, но нагласува дека амбициите не се намалени.

Новиот извршен директор на клубот, Оливер Кан меѓутоа истакна дека „сигурноста сепак ќе биде на прво место“.

„Десеттата титула по ред во германското првенство е наша голема цел. Тоа никогаш досега не е направено во најголемите европски лиги, но нема во целост да биде исполнето без успешни европски настапи.“ – додава Кан.

Екипата наредната сезона ќе биде предводена од Јулијан Нагелсман, а Кан вели дека клубот е во преговори за продолжување на соработката со Леон Горецка и Кингсли Коман.

Новата сезона во Бундеслигата започнува на 13. август, а Баерн се надева дека здравствените прописи во Баварија ќе овозможат доаѓање на ограничен број на навивачи на стадионот кој има капацитет од 75.000 места.

Новиот спортски директор на Тотенхем, Фабио Паратичи ја затвори вратата за трансфер на Хари Кејн.

Кејн не е задоволен во Тотенхем, сака да игра во поамбициозен клуб и да се бори за трофеи, па побара трансфер од раководството. Меѓутоа, Кејн има долг договор со „спарси“, а Паратичи потврди дека клубот нема намера да го продаде ова лето.

„Задржувањето на Кејн не е само моја цел, туку и цел на клубот. Тој е врвен играч. Имав среќа во моето време во Јувентус, видов многу одлични напаѓачи и сакам да уживам и во Кејн. Едвај чекам да го видам. Тој е еден од најдобрите напаѓачи во светот. Не сум разговарал се уште со него, зашто не сакам да го вознемирувам, бидејќи е максимално посветен на обврските со репрезентацијата“, додаде Паратичи.

Реал Мадрид од синоќа ги започнува своите подготовки за новата сезона. Карло Анчелоти се врати да го води тимот, наследувајќи го Зинедин Зидан.

Во оваа фаза, италијанскиот тренер сè уште не може да смета на оние играчи кои се или до неодамна беа вклучени во своите репрезентации на Европското првенство или Копа Америка. Марсело, Даниел Карвахал, Начо Фернандез, Лукас Васкез, Ферлан Менди, Маријано Дијаз, Лука Јовиќ, Алваро Одриозола, Родриго, Браим Дијаз, Андриј Лунин и Мартин Одегард се појавија на медицински тестови и на стартниот тренинг во базата на Реал Мадрид.

Сепак, Менди не учествуваше на тренингот, бидејќи тој сеуште се опоравува од повредата. Десет фудбалери од фудбалската школа на Реал се приклучија на групата. Иско ќе се приклучи денес. Сезоната во Ла Лига започнува во средината на август, а во првите три кола Реал ќе гостува намерно, затоа што реновирањето на „Сантијаго Бернабеу“ може да заврши до 11 септември.

Се е договорено измеѓу ПСЖ и Серхио Рамос, поточно неговиот брат и менаџер Рене.

Легендата на Реал пристигнува во Париз на лекарски прегледи, а веднаш потоа ќе потпише двегодишен договор со новиот клуб.

По тој повод, француски Л`Екип, најугледниот спортски весник на светот, го промени грбот на градот и клубот.

На местото на Ајфеловата кула го постави Серхио Рамос со натпис „Споменик во Париз“.

Великанот и капитен на Реал, кој од 35 години 16 помина во клубот за кој одигра 671 натпревар и го водеше до сите национални, континентални и светски титули, пред три недели во солзи го напушти клубот на својот живот.

Годишно Рамос заработува 12 милиони евра, никој не сакаше да се согласи на намалување на платата, а освен тоа инсистираше и на двегодишно продолжување на договорот.

Перез никако не сакаше да попушти и тоа доведе до прекин на соработката, но ПСЖ ги прифати условите кои Реал не сакаше.

Манчестер Јунајтед доставил понуда за трансфер на дефанзивецот на Реал Мадрид, Рафаел Варан. Англискиот клуб понудил 40 милиони евра за Французинот од Реал Мадрид, но клубот бара најмалку 70 милиони евра.

Претходно беше објавено дека „црвените ѓаволи“ се блиску до купување на 28-годишниот француски репрезентативец кој влегува во последната година од договорот со шпанскиот гигант. Реал е подготвен да се раздели со играчот ова лето, но очигледно ќе помине период на преговори за да се утврди точната сума на трансферот.

Бразилските фудбалери го победија Перу со 1: 0 и се пласираа во полуфиналето на Копа Америка. Победничкиот гол за „Кариоке“ го постигна Лукас Пакета, а асистент беше Нејмар, пишува србијаданас.

„Ја сакам Аргентина! Ќе ја бодрам Аргентина затоа што имам пријатели таму, а во финалето ќе победи Бразил“, рече Нејмар со насмевка по мечот.

Нејмар постигна два гола на претходниот дел од Копа Америка.

Натпреварот помеѓу Аргентина и Колумбија е закажан ноќта помеѓу вторник и среда, додека финалето е закажано ноќта помеѓу сабота и недела.