Централниот дефанзивец на Барселона, Жил Кунде би можел да го напушти шпанскиот тим во претстојниот летен преоден рок, пренесува „Мундо Депортиво“.

Според изворот, раководство на Барселона е подготвено да се раздели со 25-годишниот фудбалер, бидејќи смета дека одбранбената линија е добро пополнета. Клубот има доверба во Роналд Араухо, Иниго Мартинез, Андреас Кристенсен и младиот Пау Кубраси. Забележано е дека Барселона исклучиво ќе размислува за продажба на францускиот дефанзивец само доколку добие добра понуда.

Кунде се пресели во Барселона од Севиља во летото 2022 година за 50 милиони евра.Оваа сезона дефанзивецот одигра 30 натпревари во сите натпреварувања, на кои постигна два гола и три асистенции. Договорот на играчот со шпанскиот клуб е со важност до крајот на јуни 2027 година. Проценетата цена на фудбалерот, според интернет порталот Трансфермаркт, е 60 милиони евра.

Играчот од средниот ред на Арсенал и Норвешка, Мартин Одегард би можел да се врати во Реал Мадрид. Да потсетиме дека 25-годишниот фудбалер веќе играше за мадридскиот клуб од 2015 до 2021 година, главно минувајќи сезона по сезона на позајмица.

Според информациите кои беа објавени, Реал Мадрид е подготвен да се обиде да го ангажира норвешкиот играч за врска во претстојниот летен преоден рок.

ПСЖ е подготвен да ги одмери силите со Реал Мадрид во битката за Одегард. Забележано е дека на двата гиганти нема да им биде лесно да го убедат играчот од средниот ред да го напушти Арсенал ова лето.

Одегард игра за Арсенал од 2021 година. Оваа сезона играчот од средниот ред одигра 30 натпревари за „топчиите“ во сите натпреварувања, на кои постигна седум гола и пет асистенции. Договорот на играчот со лондонскиот клуб е со важност до крајот на јуни 2028 година. Проценетата цена на фудбалерот, според интернет порталот Трансфермаркт е 90 милиони евра.

Португалскиот фудбалер Жоао Кансело сака и следната сезона да
игра за Барселона, бидејќи не планира да се врати во Манчестер
Сити, пренесува британски „Сан“.
Кансело е член на Манчестер Сити, но до крајот на сезоната игра како
позајмен во Барселона. Моментално е еден од најдобрите играчи во
каталонскиот клуб.
Британските медиуми пренесуваат дека португалскиот фудбалер е
задоволен од статусот во Барселона и сака да игра за каталонскиот
клуб и следната сезона. Сепак, Манчестер Сити планира на крајот на
сезоната да го врати Кансело во Англија, а потоа да го продаде.

Џуд Белингем би можел да заработи суспензија од Шпанската фудбалска федерација поради навредливите коментари упатени за екс-играчот на Мејсон Гринвуд.

Ѕвездата на Реал имаше вербален дуел со Гринвуд на мечот со Хетафе, а камерите го уловија како во еден момент му довикува на својот сонародник „силувач“, алудирајќи на судскиот спор што Гринвуд го имаше во Англија.

Главниот судија секако не го забележа моментот, но судиската и дисциплинската комисија во Примера би можеле да му изречат суспензија на Белингем поради овој испад.

Финалето на Копа Либертадорес ќе се одржи во ноември во Буенос Аирес, а стадионот домаќин ќе биде избран подоцна, соопшти Јужноамериканската фудбалска конфедерација.

Тоа ќе биде првпат аргентинската престолнина да биде домаќин на финалето откако форматот на натпреварувањето беше променет на само еден натпревар во 2019 година.

Претседателот на КОНМЕБОЛ Алехандро Домингез изјави дека одлуката е признание за големата работа на Aргентинската фудбалска асоцијација.

Аргентина е актуелен светски шампион и шампион на Копа Америка, но нејзините клубови се мачат во јужноамериканското натпреварување. Бразилските клубови ги освојуваат титулите во Копа Либертадорес од 2019 година.

Напаѓачот на Спартак Москава, Квинси Промес, кој претходно беше осуден на 7,5 години затвор, може да биде екстрадиран во Холандија.

Да потсетиме, претходно се дозна дека напаѓачот е прогласен за виновен во случајот со шверц на дрога и избодување на својот братучед. Промес беше осуден на 6 години затвор поради шверц на дрога и 1,5 година за нападот на неговиот братучед.

Сега фудбалерот е во Обединетите Арапски Емирати со Спартак, оваа држава има договор за екстрадиција со Холандија. Оваа сезона холандскиот напаѓач одигра 21 натпревар за Спартак нво сите натпреварувања, на кои постигна осум гола и осум асистенции.

Актуелниот договор на играчот со рускиот клуб е до крајот на јуни 2024 година. Порталот Трансфермаркт ја проценува пазарната вредност на Квинси Промес на 6 милиони евра.

Рајо Ваљекано назначи нов тренер по оставката на Франциско Хавиер Родригез. Нов предводник на екипата на Рајо Ваљекано во чии редови настапува и нашиот репрезентативен голман Столе Димитриевски е 36-годишниот Иниго Перез, кој нема искуство како главен тренер. По завршувањето на кариерата како играч во јули 2022 година, тој работеше во Рајо Ваљекано како асистент.

Информациите за времетраењето на договорот не се откриваат. Рајо Ваљекано има само една победа на последните 14 натпревари во шпанското првенство и се наоѓа на 14. место. Следниот натпревар тимот го игра на 18 февруари – против Реал Мадрид на домашен терен.

Во текот на својата кариера, Иниго Перез играше како централен играч за врска и го носеше дресот на Осасуна, Нумансија, Атлетик и други шпански клубови.

Тренерот на Манчестер Сити, Пеп Гвардиола, изјави дека
дефанзивецот на неговиот тим Јошко Гвардиол ги повредил
лигаментите на скочниот зглоб и ќе биде надвор од терените две до
три недели.
„Јошко Гвардиола ќе биде надвор од терените две до три недели
поради повреда на лигаментите на скочниот зглоб. Бернардо Силва се
здоби со тешка модринка на скочниот зглоб, а Џек Грилиш се чини
дека има повреда на мускулот. Матео Ковачиќ е блиску до враќање“,
изјави Гвардиола во односн на состојбата со неговите играчи по
натпреварот со ФК Копенхаген кој го добија синоќа со 1-3 на
гостувањето во Данска.

Франк Кеси минатото лето ја напушти Барселона и кариерата ќе ја
продолжи во Саудиска Арабија во дресот на Ал Ахли.
Кеси не се снајде најдобро во Барселона и кратко му траеше
авантурата на „Камп Ноу“, иако пристигна како големо засилување.
Сега Кеси не е задоволен во Саудиска Арабија и сака повторно да се
врати во Европа, односно во Серија А каде ја доживеа својата
афирмација.
Силен интерес за него покажува Јувентус, кој е во потрага по играч за
врска, а Алегри многу ги цени квалитетите на Кеси.
Кеси е спремен да прифати помала плата само да се врати во Европа и веќе почнал преговори со Јувентус.

Името Федерико Редондо во претходниот зимскиот преоден рок се
споменуваше неколку пати. Имено, станува зборсин на легендата на
Реал Мадрид и Аргентина, Фернандо Редондо.
Се најавуваше дека 21-годишниот Редондо може да тргне по стапките
на својот татко и да добие шанса во Реал Мадрид, но тоа сепак не се
случи. На крајот тој заврши во МЛС лигата и тоа во тимот на Интер
Мајами.
Договорот со Интер Мајами значи и дека ќе биде соиграч на Лионел
Меси. Според најавите се е завршено и се чека само да се завршат
одредени формалности за и официјално да биде претставен како нов
играч на тимот на Бекам.
Досега Редондо го носеше дресот на Аргентинос Јуниорс. Треба да се
спомене и дека неговиот татко исто така во младоста играше за овој
тим од каде што се пресели во Тенерифе, а потоа беше дел од
гигантите Реал Мадрид и Милан.