Милан не упатил понуда до аргентинскиот напаѓач Пауло Дибала, чиј договор со Јувентус истече на крајот на јуни. Ова го објави новинарот Николо Шира на Твитер. Според изворот, италијанскиот шампион не ни размислувал да потпише договор со 28-годишниот фудбалер.

Од 2015 година Дибала настапуваше за Јувентус каде на 293 натпревари постигна 115 голови и 48 асистенции. Двете страни не можеа да се договорат за продолжување на соработката, па Пауло Дибала го напушти Торино како слободен играч.

Беше објавено дека Интер, Наполи, како и неколку клубови во Англија би можеле да потпишат со Дибала. Претходно се дозна дека Дибала планира да добива 6 милиони евра по сезона во новиот тим.

Бразилскиот интернационалец Андреас Переира потпиша четиригодишен договор со тимот на Фулам кој оваа сезона повторно се врати во Премиер лигата.

Переира настапува во најдобрата англиска лига од 2014 година кога пристигна во редовите на Манчестер Јунајтед. Меѓутоа во клубот од Олд Трафорд одигра само 45 натпревари и постигна два гола. Остатокот од договорот со Јунајтед го помина на позајмица во Гранада, Лацио, Валенсија и Фламенго.

Фулам за услугите на Переира плати 10 милиони фунти, со потенцијални бонуси од дополнителни 3 милиони фунти.

Откако станува јасно дека Челзи ја губи трката за потписот на Рафиња кој е се поблиску до трансфер во Барселона, клубот од Стенфорд Бриџ ќе се насочи кон ангажирање на Серж Гнабри од Баерн Минхен.

Доколку Челзи тргне во купување на Гнабри, се очекува цената која Баерн би ја побарувал за играчот да изнесува околу 45 милиони фунти.

Актуелниот договор на 26-годишниот фудбалер со тимот од Минхен истекува во јуни 2023 година. Гнабри има претходно искуство со настапи во Премиер лигата бидејќи во минатото има играно за екипата на Арсенал.

Дани Алвес се врати во Барселона за да помогне на тимот и играше за ниска плата, но сепак неговата втора епизода на „Ноу Камп“ траеше само неколку месеци.

Барселона одлучи да не му го продолжи договорот на Бразилецот. Во новата сезона Алвес нема да биде дел од Барселона, а во последното интервју кое го даде за „Гардијан“ Алвес не криеше дека бил разочаран од начинот на кој си замина од Барселона.

„Не си заминав тажен, си заминав среќен затоа што се вратив тука. Пет години сонував да доживеам втора етапа во Барселона. Единственото нешто што не ми се допадна беше начинот на кој си заминав. Од првиот ден кога дојдов порачав дека не сум дете од 20 години и дека сакам работите да се кажуваат в лице, без нешто да се крие.

Овој клуб греши во последните години и не се грижи за луѓето кои пишуваа историја. Ќе беше подобро работите да се заврше а на друг начин. Како и да е вечно ќе биде благодарен на Чави и претседателот што ми дадоа шанса да се вратам“, изјави Бразилецот.

Шејк Дукуре се пресели од француски Ленс во англискиот Кристал Палас, соопшти прес-службата на лондонскиот клуб. Играчот потпиша договор на пет години. Според Трансфермаркт, двете страните се договориле за вредност на зделката од 21,3 милиони евра.

Дукуре минатата сезона одигра 37 натпревари за Ленс, постигнувајќи еден гол и четири асистенции.

Дукуре го доби својот прв повик во репрезентацијата на Мали во ноември 2018 година. До денес, играчот од средниот ред има осум натпревари за националниот тим. Да потсетиме, претходно Кристал Палас во текот на овој преоден рок го ангажираше крилото Малколм Абивеј и голманот Сем Џонстон.

Хари Кејн најверојатно нема да се пресели во Баерн.

Слична информација се појави изминативе денови поради очекуваното заминување на полскиот голгетер Роберт Левандовски. Сепак, преговорите меѓу Минхен и Тотенхем за 28-годишниот Англичанец се уште не се ни почнати. Договорот на Кејн со Тотенхем истекува во 2024 година и клубот е решен да му понуди продолжување, бидејќи тој е една од главните фигури во составот на „мамузите“.

Пред неколку месеци, поранешниот дефанзивец на Баерн, Џером Боатенг изјави дека Кејн е совршената замена за Левандовски, чиј договор со клубот истекува на 30 јуни 2023 година.

„За мене тој е комплетен напаѓач кој постигнува голови секој ден за Тотенхем – многу добар тим, но не и светска класа. Ако игра за тим како Баерн, мислам дека ќе беше многу добра опција за замена, на многу добра фудбалска возраст. Сè зависи од Баерн“, прокоментира 33-годишниот дефанзивец на Лион во мај.

Голманот на македонската фудбалска репрезентација Столе Димитриевски по се изгледа дека ќе остане во својот сегашен клуб Рајо Ваљекано и следната сезона.

Димитриевски се јави на првата прозивка на екипата пред почетокот на подготовките за новата сезона. Тој се очекува и наредната сезона да биде прв голман во тимот. 

Постоеја бројни шпекулации за евентуална промена на средината за нашиот репрезентативец, а најголеми шанси за заминување од Рајо, Димитриевски имаше во зимскиот преоден рок кога дури и беше поврзуван со трансфер во гигантот Барселона.

Барселона не смета на босанскиот играч за врска Миралем Пјаниќ и бара од него малку да се потруди околу заминувањето од клубот. Според информациите, клубот веќе го информирал Пјаниќ и неговиот агент дека тој не е планиран на листата на патници за претсезонска турнеја во САД.

Иднината на Пјаниќ стана уште покомплицирана откако во тимот на Барселона дојде ѕвездата на Милан, Френк Кеси, а Чави и натаму одбива да го врати Пјаниќ во тимот за следната сезона.

Босанецот минатата сезона ја помина на позајмица во екипата на Бешикташ, од каде летово се врати во Шпанија.

Фудбалскиот клуб Нотингем Форест соопшти дека нов играч на клубот е репрезентативецот на Велс Неко Вилијамс.

21-годишниот Вилијамс, вториот дел од минатата сезона го помина играјќи во Фулам како позајмен играч на Ливерпул. Неговиот трансфер во новиот член на Премиер лигата Нотингем Форест изнесува 17 милиони фунти, а потпиша договор на четири години.

Вилијамс кој игра на позицијата десен бек е шестиот нов играч кој пристигна во клубот ова лето.

Медиумите од Турција пренесуваат дека македонскиот репрезентативец Езгјан Алиоски се договорил со Трабзонспор и својата кариера ќе ја продолжи во актуелниот турски шампион.

Алиоски во моментот е на годишен одмор и како што е познато тој ја заврши својата одисеја со екипата на Ал Ахли од Саудијска Арабија.

Според информациите од Турција, официјалниот потпис на договорот со Трабзонспор, популарниот Џани се очекува да го стави веднаш после завршувањето на својот одмор.

Алиоски во својата кариера има настапувано за Шафхаузен, Лугано и Лидс Јунајтед.