Американскиот магазин Форбс тврди дека фудбалерот на Париз Сен Жермен и репрезентативец на Франција Килијан Мбапе во оваа сезона ќе стане најплатениот фудбалер на светот со заработувачка од 128 милиони долари.

Според проценката на Форбс, Мбапе во оваа сезона ќе заработи 128 милиони долари. Тој во ПСЖ има годишна плата од 110 милиони долари, додека од различни спонзори ќе заработи дополнителни 18 милиони долари.

Лионел Меси кој исто така е играч на ПСЖ, оваа сезона би требало да заработи 120 милиони долари, 65 милиони од плата и 55 милиони долари од спонзори. Кристијано Роналдо кој е фудбалер на Манчестер Јунајтед оваа сезона ќе има приходи од 100 милиони долари. Португалецот има годишна плата од 40 милиони долари, а од спонзори ќе заработи 60 милиони долари.

Легендарниот француски фудбалер Франк Рибери најавува крај на својата играчка кариера, поради проблемот со коленото кој го спречи да настапува за својот клуб Салернитана уште од месец август.

39-годишниот Рибери е легенда на Баерн Минхен каде играше во периодот од 2007.до 2019.година и освои девет шампионски титули во Бундеслигата, како и еден трофеј во Лигата на шампионите.

После Баерн, Рибери направи ангажман во Фиорентина од каде се пресели во Салернитана. За репрезентацијата на Франција има одиграно 81 натпревар и постигнато 16 гола.

Тренерот на Ливерпул Јирген Клоп посакува да го доведе во клубот фудбалерот на Баерн Минхен Џамал Мусиала.

19-годишниот офанзивец на Баварците игра во одлична форма сезонава и досега за Баерн има постигнато седум гола и шест асистенции.

Иако директорот на Баерн Салихамиџиќ претходно има изјавено дека клубот нема намера да го продава младиот Мусиала, сепак според проценките доколку Ливерпул се одлучи да достави понуда за него повисока од 80 милиони евра, тогаш не се исклучува реализација на овај трансфер идното лето.

Тренерот на англискиот вицешампион Ливерпул, Јирген Клоп, соопшти дека Бразилецот Артур Мело доживеал повреда на мускулот и дека ќе мора да паузира одреден период.

Мело повредата ја заработил непосредно пред натпреварот од Лигата на шампионите со екипата на Глазгов Ренџерс.

26-годишниот фудбалер минатиот месец пристигна во Ливерпул како позајмен играч од Јувентус, и досега има запишано само еден настап за новата екипа против Наполи во ЛШ.

Тренерот на Манчестер Сити Пеп Гвардиола ги демантира шпекулациите дека во договорот на норвешкиот напаѓач Ерлинг Халанд и англискиот шампион има клаузула со која играчот после две сезони може да замине во Реал Мадрид.

„Халанд нема излезна клаузула за Реал или било кој друг тим. Едноставно тоа не е вистина и немам што друго да додадам. Мислам дека Халанд е среќен во Сити каде игра доста натпревари и има голема минутажа“, изјави Гвардиола.

Халанд пристигна во Манчестер Сити од екипата на Борусија Дортмунд во летниот преоден рок.

Пари Сент Жермен веќе работи на трансферот на Нголо Канте и сака да потпише преддоговор со Французинот уште во јануари.

Канте влезе во последната година од договорот, а двете страни се далеку од договор за продолжување на соработката. Британските медиуми тврдат дека Канте им рекол на челниците на тимот од „Стемфорд Бриџ“ дека одлучил да не го продолжува договорот.

ПСЖ сака да ја искористи таквата ситуација и веќе започна да работи на негов ангажман. „Светците“ сакаат да ја победат конкуренцијата и уште во јануари да потпишат преддоговор со Канте.

31-годишниот Французин треба да пристигне во Париз следното лето како слободен агент.

Новите имиња во редовите на Наполи, Квича Кварацелија, Џакомо Распадори, Ким Мин-Јае, Франк Ангиса, Матиас Оливера и Џовани Симеоне, многу брзо се вклопија во екипата.

Наполитанците имаат одличен почеток на сезоната и го запоседнаа врвот во Серија А. Во Лигата на шампионите исто така нижат само победи а тоа го радува првиот човек на тимот, Де Лаурентис.

„Во преговорите бевме попаметни и побрзи од нашите конкуренти. Кога градите тим, треба да ги комбинирате психологијата, интелектот и физиката“, изјави Де Лаурентис.

Англиските фудбалски состави: Вест Хем, Тотенхем и Манчестер Јунајтед, покажуваат дека се заинтересирани за голманот на Пари Сен Жермен, Кејлор Навас.

Тој го загуби стартното место по доаѓањето на Италијанецот, Џанлуиџи Донарума од екипата на  Милан. Костариканецот во изминатата сезона одигра само 25 натпревари за францускиот тим и прими 24 голови.

Навас има договор до 2024 година. Засега не се потенцира сумата што ќе ја понудат англиските екипи.

Ван де Бек не е задоволен од статусот кој го има на „Олд Трафорд“ и сака да ја промени средината.

Холанѓанецот никогаш не ги оправда очекувањата во Манчестер Јунајтед, па иско Тен Хаг одлучи да го задржи во тимот, сепак не му дава голема минутажа. Ван де Бек сака да го напушти Манчестер Јунајтед, а најсилен интерес за него покажува милански Интер.

„Нероаѕурите“ уште во летниот преоден рок покажуваа интерес, а сега ги обновиле контактите со негоговиот агент.

Јувентус е силно заинтересиран за белгискиот играч за врска, Самби Локонга, кој минатото лето се пресели во Арсенал.

Локонга го загуби местото во првиот тим кај Артета и сака да ја промени средината во потрага по поголема минутажа.

22-годишниот играч за врска може да игра на сите позиции во средниот ред и Алегри сака да го донесе во јануари. Во исто време Арсенал е силно заинтересиран за Локатели, па би можело да дојде до трампа помеѓу двата клуба, со тоа што „топџиите“ ќе доплатат додатни 15 милиони евра.