Хаким Зијеч ова лето пристигна во Челзи како големо засилување од Ајакс, но не се снајде во Премиер лигата.
Зијеч до сега не успеа да го покаже својот квалитет, а новиот тренер Томас Тухел не смета сериозно на него. Таквата ситуација сакаат да ја искористат италијанските гиганти Милан и Наполи и на лето да го донесат во Серија А.
27-годишниот плејмејкер е голема желба на италијанските гиганти и веќе стапиле во контакт со неговиот агент.
Милан во него гледа идеална замена за Чалханоглу, додека Спалети е голем симпатизер на неговите квалитети.
Пипо Инзаги има нов ангажман
Филипо Инзаги ќе биде нов тренер на италијанска бреша. Медиумите од Италија откриваат дека досегашниот тренер на Беневенто ќе ја преземе Бреша, која има намера да атакува на враќање во Серија А.
Инзаги направи голем успех, откако со Беневенто влезе во елитата минатата година, потоа на полусезоната беше на високото десетто место, но во текот на пролетта беа поприлично лоши и на крајот се вратија во Серија Б.
Инзаги сега на маса ја има понудата на Бреша, а се очекува да потпише двегодишен договор.
Сепак, на Инзаги нема да му биде нималку лесно, бидејќи претседателот на Бреша Масимо Челино е познат по смената на тренерите, а минатата сезони замени дури пет!
Инаку, Инзаги на клупата на Беневенто ќе биде заменет од тренерот на Перуџа, Фабрицио Кастори.
Саутгејт го води Вајт наместо Александар-Арнолд на Европското првенство
Стручниот штаб на репрезентацијата на Англија денеска го објави името на фудбалерот кој ќе биде замена на повредениот Трент Александар-Арнолд во селекцијата на „Гордиот Албион“ за престојното Европско првенство.
Според англиските медиуми, станува збор за дефанзивецот на Брајтон, Бен Вајт.
Фудбалерот на Ливерпул, Александар-Арнолд се здоби со повреда на бутот на пријателскиот натпревар со репрезентацијата на Австрија (1-0) и ќе мора да пропушти шест недели од фудбалските терени.
Анчелоти го става Јовиќ на трансфер листа
Лука Јовиќ ќе се најде на трансфер листата на Реал Мадрид ова лето, пренесуваат шпанските медиуми.
Доаѓањето на Карло Анчелоти очигледно нема да ја промени ситуацијата на српскиот шпиц, барем според она што се пишува во медиумите. Јовиќ заедно со одредена група соиграчи ќе биде ставен на трансфер листата и Реал е спремен да преговара со заинтересираните клубови.
Покрај Јовиќ на листата играчи кои ќе бараат нова средина се Марсело, Брахим Дијаз, Борха Мајорла, Иско, Дани Себаљос, Бејл…Кога е Велашанецот Бејл во прашање „Марка“ пишува и дека Бејл може дури и да ја заврши кариерата.
Ајнтрахт сакаше да го задржи Јовиќ, но останаа без Лигата на шампионите, па така немаат доволно приходи за платата и трансферот на фудбалерот.
Заборавениот Себаљос на радарот на Милан
Дани Себаљос ја исклучи можноста да остане во Арсенал и ова лето ќе се врати во Реал Мадрид. Креативниот играч за врска стигна пред две сезони во Арсенал, а после едногодишната позајмица истата беше продолжена за уште толку.
Себаљос не се снајде најдобро во Премиер лигата, а јасно е дека за него нема повеќе место во Реал Мадрид.
Таквата ситуација сака да ја искористи Милан, кој веќе стапил во контакт со неговиот агент и сака да го донесе на „Сан Сиро“.
„Росонерите“ се во потрага по квалитетен играч за врска и веруваат дека Себаљос одлично ќе се вклопи во формацијата на Пиоли.
Газдата на ПСЖ верува дека Мбапе ќе остане и оваа сезона
Напаѓачот на француската репрезентацијата, Килијан Мбапе ќе остане во Пари Сен Жермен, изјави претседателот на клубот Насер Ал-Келаифи. Договорот на Мбапе со ПСЖ истекува во 2022 година, а тој се поврзува со трансфер во Реал Мадрид, Ливерпул, Барселона или Јувентус.
„Мбапе ќе остане во ПСЖ. Ние нема да го продадеме и тој нема да замине како слободен агент. Мбапе има сè што е потребно, каде може да оди? Кој клуб според амбициите и проектот може да му конкурира на ПСЖ денес? Сè оди како што треба. Се надевам дека ќе можеме да постигнеме договор за нова соработка“, изјавил Ал-Келаифи.
ЕУРО 2020 – 21. Германија одблиску
Тројниот европски првак секогаш е моќен, Лев сака да замине од функцијата со титула
Од 1950 до 1990 постоеле две репрезентации од подрачјето на сегашната земја – Западна Германија која трипати беше светски шампион и Источна Германија која нема значајни резултати. Првиот натпревар заедничката репрезентација го одигра на 13 декември 1990 кога, заиграа Матијас Замер и Улф Кирстен. Едно време за репрезентацијата на Германија играа и Австријци и тоа пред Втората светска војна кога државата била припоена кон Третиот Рајх. Во 1954 година во Швајцарија, Германија ја освои титулата првак на светот победувајќи ја во финалето Унгарија со 3-2, иако претходно губеше со 0-2. Унгарија до тој момент одигра 32 натпревари без пораз што и понатаму претставува светски рекорд. Натпреварот е наречен чудото од Берн (по градот каде што се играше). Фриц Валтер го предводеше тимот кој го реализира тоа чудо. Титулата имала големо влијание на духот на нацијата и на економското закрепнување на земјата.
Германците прваци на Европа биле во три наврати, а скоро секогаш играла клучна улога до самиот крај на турнирите.
Лев врати два светски прваци во ростерот за Европското првенство
Селекторот на германската фудбалска репрезентација, Јоаким Лев го објави списокот на играчи на кои ќе смета за престојното Европско првенство.
Поради повреда својот настап го откажа голманот Марк Андре Тер Штеген, Марко Ројс пак одлучи дека е најдобро е да одмори по напорната сезона, па Лев без овие двајца мораше да ја комплетира листата на која има двајца стари „волци“ повратници во националниот тим Томас Милер и Матс Хумелс.
Тие две години беа надвор од репрезентацијата, Лев долго време оддолеваше на притисокот од јавноста за да сега одлучи да ги врати назад искусните играчи кои знаат што значи да се носи овој дрес и да се оставруваат успеси.
Пред Германците е навистина тешка задача затоа што се во групата на смртта заедно со Франција, Португалија и Унгарија.
Ројс одби да игра за Германија на континенталниот собир
Германскиот фудбалски репрезентативец, Марко Ројс го одбил повикот на селекторот Јоаким Лев да учествува на Европското првенство.
Фудбалерот на Борусија Дортмунд објави дека сака да се посвети на одмор и на подготовки за следната сезона.
Селекторот Јоахим Лев сметаше на услугите на искусниот 31-годишен офанзивец кој одигра одлична сезона во Борусија од Дортмунд. Но, играчот го одби неговиот повик велејќи дека му треба одмор.
„Одлуката беше многу тешка бидејќи секогаш сум бил горд кога сум го носел репрезентативниот дрес. Но, ова беше напорна година за мене, одиграв 48 натпревари и потребен ми е одмор за да бидам подготвен за наредната сезона. Ќе бидам голем навивач на Германија“, рече Ројс.
Тој навистина изминатава сезона одигра 48 натпревари на клупски план и тоа во четири различни натпреварувања. Има скор од 10 гола и 14 асистенции, а освои и еден трофеј, оној во ДФБ Покал (германскиот куп).
Ројс е германски репрезентативец од 2011 година од кога одигра 44 натпревари и постигна 13 голови. Нема настап за Германија од 2019 година кога селекторот одлучи повеќе да не ги повикува него, Томас Милер и Жером Боатенг.
У-19: Реми на контролата против Бугарија
Младата репрезентација на Македонија одигра нерешено против соодветната селекција на Бугарија на втората контролна средба одиграна меѓу овие две селекции.
Во спортскиот комплекс Правец, избраниците на селекторот Марио Вујовиќ одиграа 1:1. Одлично прво полувреме на нашите фудбалери, постигнаа еден гол и имаа неколку добри прилики. Бехар Фета погоди во 38. минута за водство на Македонија од 1:0. Во продолжението домаќинот успеа да го израмни резултатот во 59. минута.
Бенфика има сериозен интерес за Елмас, но и други клубови се во игра!
Елиф Елмас не доби вистинска шанса во Наполи во сезоната која заврши под водство на Гатузо. Македонскиот репрезентативец очекуваше поголема минутажа, а со настапите за националниот тим покажа дека навистина се работи за вонсериски квалитет.
Неговиот Агент, Џорџ Гарди тврди дека покрај Бенфика, за Елмас се заинтересирани повеќе тимови од Европа, а ова лето може се да се случи.
„Елмас сакаше да игра во Лигата на шампионите и затоа дојде во Наполи. Очигледно е дека е разочаран како и сите други од начинот на кој заврши сезоната, но сега е фокусиран на ЕУРО 2020 и очекува добар настап на првенството, мотивиран е. Дали е задоволен од сезоната? Играше малку, сака поголема минутажа, повеќе простор да се наметне. Не доби многу шанса, па секако дека не е среќен. Мислам дека може да му се промени ситуацијата со промената на тренерот. Минатата сезона беше најзаменуваниот играч, се надевам дека ќе се подобрат работите со Спалети. Ќе ви откријам нешто, Спалети го бараше Елмас кога беше дел од Интер. Бенфика не е единствениот клуб кој пројавува интерес, многу клубови го бараат. Има долг договор со Наполи, па клубот е тој што ќе треба да донесе одлука. Ќе треба да ни објаснат какви се плановите за играчот, каква шанса ќе добие бидејќи нема да бидеме среќни со уште една сезона како оваа што измина.“ – објаснува Гарди.
Трипие се враќа во Премиер лигата, Арсенал фаворит за неговиот потпис
Во Атлетико Мадрид наводно сериозно ја разгледуваат можноста да реализираат трампа на фудбалери со Арсенал, а во истата, да бидат вметнати Кјеран Трипие и Хектор Бељерин.
„Марка“ пишува дека на крајот Трипие би можел да заврши во редовите на Арсенал, иако за него има голема заинтересираност од страна на Манчестер јунајтед изминатиов период.
Истовремено, шпанскиот весник додава и дека спортскиот директор на „Јорганџиите“, Андреа Берта е голем обожовател на играта на Бељерин, но се верува дека во случај да не се постигне договор за трампата, шпанскиот првак и натаму ќе ја продолжи битката за потписот на бекот на Арсенал.
Трипие беше член на лутиот градски ривал на Арсенал, Тотнем, во периодот од 2015 до 2019 година.
