Михел Фронцек кој му беше помошник на Марк Ван Бомел ќе ја има улогата на в.д. тренер во фудбалскиот состав на Волфсбург.

Бундеслигашот се определи за такво решение откако Холанѓанецот по само 4 месеци спогодбено ја прекина соработката со популарните „волци“ кои влегоа во резултатска криза.

Според медиумите, како можни наследници на Ван Бомел се потенцираат имињата на Флоријан Конфелд,  Един Терзиќ и Доменико Тедеско.

Легендата на Манчестер Јунајтед, Рио Фердинанд, е примен на интерно одделение во болница во Манчестер после “петардата“која “црвените ѓаволи“ ја добија на Олд Трафорд од големиот ривал Ливерпул.

Поранешниот капитен на Јунајтед се јави на социјалните мрежи преку Твитер  објава “Тие 60 минути ме испратија во болница“.

Фердинанд  не кажа повеќе детали за здравствениот проблем, но се претпоставува дека станува збор за хипертензија.

Фудбалерот на Барселона, Френки де Јонг, на натпреварот против Реал Мадрид заработи повреда на бутниот мускул, соопштуваат од каталонскиот клуб.

Де Јонг настапи на дерби натпреварот против Реал Мадрид кој Барселона го загуби со 2:1, но беше заменет во 77. минута од соиграчот Серхи Роберто.

После средбата, клубот од “Ноу Камп“ излезе со кратко соопштение во кое наведува дека станува збор за истегнување на бутниот мускул, но не прецизираат колку време Де Јонг ќе отсуствува од фудбалскиот терен, меѓутоа извесно е дека Холанѓанецот ќе го пропушти дуелот со Рајо Валекано. 

Звездата на Борусија Дортмунд, Ерлинг Халанд, во моментот паузира од настапи за Борусија Дортмунд поради повреда на бутниот мускул за која од клубот известија дека лекувањето ќе трае неколку недели.

Меѓутоа според германскиот весникот “Билд“, повредата на Норвежанецот била многу посериозна и дека е можно тој да отсуствува од теренот до крајот на годината.

Тренерот на Борусија Дортмунд изјави дека во никој случај нема да го ризикува здравјето на Халанд и дека ќе го стави повторно во игра само кога ќе биде сто проценти подготвен за настап.

Поранешниот капитен на фудбалскиот состав Барселона, Карлос Пујол, се осврна на вчерашната ситуација кога фановите бесни по поразот од Реал Мадрид го заобиколија автомобилот на тренерот, Роналд Куман и побараа да го напушти тимот.

Некогашниот централен дефанзивец открива дека тој се соочил со истата сцена на излегување од „Камп Ноу“ и дека тоа биле лоши моменти кои засекогаш ќе ги памети.

„Вистина е дека се исплашив, тие луѓе не се вистинските навивачи на Барселона“, жестоко го осуди вчерашниот инцидент легендарниот Пујол.

Марсело го известил раководството дека сака да го напушти клубот, пренесуваат шпанските медиуми. Марсело има договор со „кралевите“ до крајот на сезоната, но го замилил Реал да му дозволи да замине во јануарскиот преоден рок.

33-годишниот лев беке веќе се договори со својот следен клуб. Според медиумите тој ќе се врати во Флуминенсе, каде и ја започна фудбалската кариера.

Претседателот на Реал, Флорентино Перез нема намера да му застане на патот на Марсело и е спремен да го пушти во јануари. Бразилецот пристигна во Реал во 2006 година и се етаблираше во легенда на клубот каде освоои 22 трофеи.

Легендарниот француски фудбалски напаѓач, Тјери Анри, кој прави анализа на дерби дуелите во Лига 1, вели дека Килијан Мбапе и натаму го има главниот збор во ПСЖ и дека Лео Меси не може да се истакне во преден план.

„ПСЖ и натаму е тим на Мбапе и затоа топката оди најчесто кај него. Меси е изолиран, помалку ја допира топката од тоа што е навикнат. Повеќе сакам да го гледам  во централниот дел. Меси не е продуктивен по десната страна, навикнат е да игра во средишниот дел, таму може да биде многу опасен кон противничкиот гол“, потенцираше Анри.

Тренерот на Рома, Жозе Мурињо беше задоволен од ремито во дерби средбата на домашен терен против екипата на Наполи која заврши со резултат 0:0.

Со ремито, момците на Мурињо ја прекинаа серијата на Наполи од осум победи по ред. 

“Тоа беше одличен натпревар, одигран на највисоко ниво. Никогаш не е лесно против Наполи, но се обидовме да победиме. Беше нерешено, немаше големо шоу, но сепак бев исцрпен на клупата. Видов голема концентрација и почит кон противникот. Беше тензичен натпревар, но увидов  колку се уморни играчите. Имавме свои шанси, но не ги искористивме“ изјави Мурињо, кој заедно со неговиот колега од Наполи,Спалети, заработија црвени картони на натпреварот.

За да го избегне можното испаѓање од Премиер лигата, екипата на Њукасл и новите сопственици од Саудијска Арабија ќе мора да се засилуваат со играчи во јануарскиот преоден рок.

Како прва мета сега се споменува колумбискиот интернационалец Луис Дијаз, кој настапува за екипата на Порто.

24-годишниот напаѓач има откупна клаузула од 68 милиони фунти, кои нема да претставуваат проблем за богатите саудијци. 

Со оглед на фактот дека за Њукасл целта оваа сезона во Премиер лигата ќе остане и во следната кампања, не е чудно што клубот се поврзува со јануарски трансфери.

Јувентус внимателно ја следи ситуацијата со дефанзивецот на Челзи, Антонио Рудигер.

28-годишниот дефанзивец влезе во последната година од договорот со Челзи, а двете страни се далеку од договор во моментов. „Сините“ сакаат да го задржат, но Рудигер има високи финансиски барања, па преговорите не течат во добра насока.

Ситуацијата ја следат Реал Мадрид и Јувентус, кои сакаат да го донесат дефанзивецот во своите редови како слободен агент следното лето. „Старата дама“ покажува најсилен интерес бидејќи во него гледа идеална замена за Киелини, кој ја игра последната сезона во кариерата.

Јувентус веќе стапил во контакт со неговиот агент и е спремен да ги задоволи финансиските барања на Германецот.