Дисциплинската комисија на Серија А соопшти дека тренерот на Рома Жозе Мурињо доби казна од еден натпревар поради добиениот црвен картон.

Португалскиот тренер беше исклучен во седмото коло од италијанскиот шампионат на дуелот со Аталанта кој Рома го загуби со 0:1.

Дисциплинската комисија во соопштението наведува дека Мурињо е суспендиран поради влегување на терен и навредување на противнички играч. Португалскиот стручњак нема да можи да ја води екипата на Рома во 8.коло од Серија А на гостувањето со Интер кој е закажано за 1.октомври.

Некогашниот италијански репрезентативец Фабио Канаваро постигна договор со второлигашот Беневенто да ја преземе функцијата главен тренер на тимот. 49-годишниот поранешен репрезентативец е без работа од минатиот септември кога го напушти кинескиот Гуангжу по четири години минати во клубот. Тој го предводеше тимот до титула во локалната Супер лига и триумф за Суперкупот на земјата.

Се очекува Канаваро официјално да потпише со Беневенто во текот на денот.

Фудбалерот на Манчестер Јунајтед Кристијано Роналдо, изјави дека сака да игра за репрезентацијата на Португалија и на Европското првенство 2024. година кое ќе се одржува во Германија.

Роналдо истакнува дека СП во Катар оваа година нема да биде негово последно големо натпреварување во кариерата.

„Мојот пат не е готов. Ќе бидам дел од Мундијалот, а сакам да играм и на ЕП 2024. Ќе ме гледате уште некое време“, истакнува Роналдо.

Кристијано Роналдо во февруари 2023.година ќе наполни 38 години. Тој за репрезентацијата на Португалија има одиграно 189 натпревари и постигнато 117 гола.

Македонскиот фудбалски репрезентативец, Давид Бабунски, останува во унгарскиот фудбал, каде ќе настапува за својот нов клуб Мезоковесд.

28-годишниот играч за врска до неодамна го носеше дресот на Дебрецин, па одлично ги познава приликите во унгарската прва лига, каде се очекува да даде силен допринос во играта на својот нов клуб.

Одбранбениот фудбалер на германскиот состав Баерн Минхен, Бенџамин Павард, призна дека одбил неколку понуди во текот на летниот трансфер период.

Не е тајна дека за неговите услуги беа заинтересирани гиганти од Англија, Франција Италија и Шпанија, но, тој се определи да остане на – „Алијанц Арена“.

„Имав контакти со различни клубови. Можеби еден ден ќе одам во некој од нив. Сега добив уверување од тренерот дека сум дел од неговите планови”, потенцираше Французинот.

Европската фудбалска федерација – УЕФА, соопшти дека репрезентацијата на Русија нема да учествува во жрепката за Европското првенство во 2024 година која ќе биде одржана на 9.октомври во Франкфурт.

„Сите руски тимови во моментот се суспендирани со одлука на Извршниот одбор на УЕФА донесена на 28.февруари 2022 година. Поради ова репрезентацијата на Русија не е вклучена во жрепката за квалификациите за ЕП 2024 година“, соопштуваат од УЕФА.

Во жрепката ќе учествуваат 53 репрезентации кои ќе бидат распределени во седум групи од по пет репрезентации, како и во три групи по шест.

Европското првенство ќе се одржува од 14.јуни до 14.јули 2024 година. во Германија.

Гиорги Мамардашвили во овој момент важи за еден од најдобрите млади голмани во Европа, но и најдобар голман во неговата Грузија.

Доказ за неговиот квалитет е и новиот договор кој го потпиша со Валенсија. Според новиот договор Мамардашвили се обврза на верност кон Валенсија до 2027 година.

Овој потпис на грузискиот голман доаѓа пред натпреварот против Македонија во Лигата на Нации. Мамардашвили настапи во натпреварот против нас во Скопје во кој успеа да ја сочува својата мрежа.

Сега Грузија ќе ја пречека Македонија на 23. септември (петок), три дена подоцна ќе играме против Бугарија.

Репрезентацијата на Македонија го имаше првиот собир пред двата натпревари во Лигата на Нации против Грузија и Бугарија. Прво ќе се соочиме со Грузија на 23. септември во Тбилиси, а три дена подоцна ќе ја пречекаме Бугарија во Скопје.

За селекторот на Грузија, Вили Сањол Македонија е најтешкиот противник во групата. Нивната цел разбирливо со позицијата на табелата останува иста, а тоа е прво место во групата и пласман на Евро 2024.

„Сигурно дека Македонија е најтешкиот противник во нашата група. Не можам сега да кажам дали ќе бидам среќен со еден или три бода, наша цел е првото место во групата. Одигравме одлично во јунските натпревари, очекувам така да биде и сега. Сепак, овој натпревар иако сме домаќини може да биде потежок за нас од тој во Скопје“, изјави Сањол.

На табелата Грузија има 10 бода, ние сме втори со седум, Бугарија трета со три и Гибралтар последен со еден бод.

Раководството на шпанската фудбалска лига покренало истрага по повод навредите на расна основа кон фудбалерот на Реал Мадрид Винисиус Жуниор пред стадионот на Атлетико Мадрид воочи градското дерби.

Според шпанските медиуми, Лигата собира докази за настаните кои се случиле пред дерби натпреварот на Реал со Атлетико, кога наводно навивачите на овај клуб пеел навредливи песни кон Винисиус пред почетокот и за време на дуелот.

Реал Мадрид беше подобар од Атлетико Мадрид со 2:1 и го задржа максималниот учинок од шест победи во лигата.

Голманот и капитен на фудбалската репрезентација на Франција, Уго Лорис, поради повреда на бутниот мускул ќе ги пропушти претстојните натпревари во Лигата на нации.

Според фудбалскиот сојуз на Франција, голманот на Тотенхем ќе ги пропушти дуелите со Австрија и Данска, и како негова замена е повикан голманот на Нант Албан Лафон.

Овие натпревари поради повреда ќе ги пропушти и играчот на Милан Тео Ернандез, како и Бубакар Камара и Адриан Рабио кои се повредени од порано.