Италијанскиот калчолигаш Јувентус потврди дека клубот го напуштија Пауло Дибала, Федерико Бернардески и Алваро Мората.

Јувентус преку клупскиот сајт соопшти дека на тројцата играчи им истекоа договорите. Мората кој играше како позајмен играч, се враќа во Атлетико Мадрид. Тој за Јувентус одигра 92 натпревари и постигна 32 гола.

 Дибала е слободен играч и се шпекулира дека може да замине во Интер. Аргентинецот беше во Јуве седум години и освои 12 трофеи.Бернардески го напушти клубот после пет години и би можел да прејде во Наполи.

Шпанскиот весник Марка пренесува дека реновираниот стадион на Реал Мадрид „Сантијаго Бернабеу“ ќе биде прилагоден и на други спортови, па така на него во иднина ќе може да се играат кошаркарски натпревари, тенис, па дури и американски фудбал.

Весникот наведува дека целосната реализација на прилагодувањето на стадионот се очекува за најмалку една година.

Најголемо внимание на подновениот „Сантијаго Бернабеу“ привлекува концептоп на подвижна тревна подлога која ќе може да се отстранува од стадионот и на тоа место да се поставува паркет за кошарка или терен за тенис.

Шпанскиот играч за врска Иско, кој е слободен играч по истекот на договорот со Реал Мадрид, кариерата ќе ја продолжи во друг клуб од Примера.

30-годишниот играч од средниот ред е подготвен да потпише со Севиља. Андалузијците на играчот му понудија двегодишен договор со можност за продолжување на уште една сезона.

Иско во Реал премина од Малага во 2013 година. Со „белите“ е петкратен освојувач на Лигата на шампионите, трикратен шампион на Шпанија и Суперкупот на УЕФА.

Минатата сезона, играчот од средниот ред имаше 2 гола на 17 натпревари за Реал на сите турнири.

Ромелу Лукаку се врати во Интер. Целата работа беше комплетирана во текот на денот и познато е дека Белгиецот ќе им се приклучи на „Нероазурите“ на едногодишна позајмица.

Познато е и дека Интер нема да има право или обврска да го купи Лукаку по крајот на сезоната што е пред нас. Познато е и кој број ќе го носи Белгиецот на дресот, а тоа не е број 9, кој во моментов му припаѓа на напаѓачот од БиХ, Един Џеко. Интер објави фотографија од која е очигледно дека Лукаку ќе го носи бројот 90.

Медиумите во Италија веќе шпекулираат дека, откако Лукаку го зеде бројот 90, дека Един Џеко би можел да остане уште една сезона во Интер, за да се избори со Белгиецот за место во стартниот состав.

Ѕвездата на светскиот фудбал, Кристијано Роналдо даде ветување до својот поранешен клуб каде ја започна професионалната кариера дека еден ден ќе се врати во Спортинг.

Професионалната фудбалска кариера Роналдо ја започна во Спортинг од Лисабон сезоната 2002/03, и неговата кариера веќе влегува во 22. сезона.

Во родната Португалија настапуваше само за Спортинг, а подоцна заигра за Манчестер Јунајтед, Реал Мадрид, Јувентус и сега повторно е во Јунајтед.

„Кариерата ќе ја завршам во Спортинг.Морам да му се оддолжам на клубот играјќи барем една сезона. Тој клуб ме создаде како играч и да не беше најверојатно ќе работев во Мекдоналдс“, изјави 37-годишниот Роналдо.

Барселона оваа недела би можела официјално да објави продолжување на договорот за шпанскиот играч од средниот ред Гави, објави „Марка“. Шпанскиот играч за врска и клубот се многу блиску до компромис за нов договор. Нема да има одложување со официјалното соопштение.

Претходно беше објавено дека износот на обештетувањето за 17-годишниот Гави ќе биде 1 милијарда евра (претходно беше 50 милиони евра), а играчот од средниот ред ќе потпише договор на пет години.

Гави минатата сезона одигра 47 натпревари за сениорскиот тим на Барселона, постигнувајќи два гола и шест асистенции. Актуелниот договор на Гави со Барселона е до јуни 2023 година. На крајот од минатата сезона од шампионатот на Шпанија, Барселона го зазеде второто место, зад Реал Мадрид.

Производителот на спортска опрема Пума ја удвои вредноста на договорот со италијанскиот шампион Милан, пренесува Ројтерс. Ова се случи со нов договор меѓу германската компанија и „црвено-црните“.

„Ова партнерство е доказ за тековните процеси во Милано, кој има за цел да стане повеќе од само фудбалски бренд“, велат двете страни.

 Милан и Пума не ги открија параметрите на новиот договор, но според Ројтерс тој е вреден околу 150 милиони евра за период од пет години. Од 2018 година, Италијанците добиваат 14 милиони евра по сезона од германскиот производител на спортска опрема.

Реал Мадрид е подготвен да му даде последна шанса на белгискиот напаѓач Еден Азар. Тоа е последна шанса за играчот од Реал Мадрид. За да се прослави, Азар ќе мора да биде подготвен да игра на која било позиција.

Да потсетиме дека од неговото доаѓање во мадридскиот клуб, белгискиот играч за врска постигна шест гола и даде 10 асистенции на 66 натпревари во сите натпреварувања.

Според Трансфермаркт, за време на неговиот престој во Реал Мадрид, Еден Азар се здобил со 16 повреди, поради што пропуштил 72 натпревари.

Атлетико Мадрид се најде во ситуацијата на Барселона, иако во помали размери. „Јорганџиите“ не можат да пријават нови играчи, бидејќи ја надминаа границата за плати за 100 милиони евра.

Вчера претседателот на клубот Енрике Сересо потврди дека Атлетико има договор со Аксел Витсел да се пресели на „Ванда Метрополитано“ како слободен играч. Тој додаде дека клубот мора да продава за да носи нови засилувања.

Трансферот на Витсел не може да се финализира токму поради финансиската состојба, пишува „Марка“. Атлетико сака да се раздели со Антоан Гризман, кој има една од највисоките плати. Французинот минатото лето се врати во клубот откако беше ангажиран на две години. Сепак, неговото напуштање нема целосно да го реши проблемот и „црвено-белите“ можеби ќе треба да се разделат со некој главен играч.

Медиумите во Италија откриваат дека македонскиот фудбалски репрезентативец Елиф Елмас, побарал гаранции од Наполи дека во следната сезона ќе има поголема минутажа во првиот тим. Во спротивно, тој ќе ги разгледа опциите за напуштање на клубот и ќе побара трансфер.

Како клубови кои внимателно ја следат ситуацијата со Елмас се Фиорентина и Валенсија кои би сакале да го видат во своите редови.

Останува да се види реакцијата и одговорот од тренерот на Наполи Спалети и челниците на клубот.