Спортскиот директор на Париз Сен Жермен Луис Кампос во разговор со француски медиум открива дека клубот не е задоволен од одработеното во летниот преоден рок.

Шампионот на Франција ова лето избра нов тренер Кристоф Галтие, а на „Паркот на принцовите“ пристигнаа играчите Витиња, Фабијан Руиз, Карлос Солер, Ренато Санчез, Норди Мукиеле и Уго Екитике.

Меѓутоа трансферот на првата желба на ПСЖ, централниот дефанзивец на Интер Милан Шкрињар остана неостварен, па поради тоа Кампос Смета дека ПСЖ не го комплетира продниот рок според своите замисли, и тимот останува „тенок“ во дефанзивата линија. Најверојатно ПСЖ во јануари ќе направи повторен обид за доведување на Шкрињар.

Милан Шкрињар ова лето беше блиску до трансфер во ПСЖ, но на крајот остана во Интер.

Сега ситуацијата е поинаква, договорот на Скриниар со Интер истекува на крајот на сезоната и од јануари ќе биде слободен да преговара со заинтересираните клубови.

ПСЖ не се откажува, но сега во трката за неговиот потпис се приклучија уште Манчестер Сити и Челзи.

Пеп Гвардиола е особено заинтересиран за Шкрињар, а Сити му нуди плата од 10 милиони по сезона, плус голем бонус при потпис на договорот доколку пристигне без обештетување.

Интер сака да го продолжи договорот со играчот, но тоа ќе биде голем проблем за „нероаѕурите“ бидејќи тие не можат да му понудат повеќе од 6 милиони евра по сезона.

Германската фудбалска репрезентација кон крајот на годинава ја очекува настап на Светското првенство во Катар.

Таа еден дел од подготовките ќе ги реализира во Оман од 14 до 18 ноември. „Панцирите“ во тој период ќе имаат само еден подготвителен натпревар и тоа со домашната селекција. Истиот е закажан за 16 ноември.

Поранешниот светски шампион во првата фаза од Мундијалот ќе биде во група со: Шпанија, Костарика и Јапонија. Прв противник на избраниците на Флик ќе бидат популарните „самураи“.

Францускиот тренер Лоран Блан е еден од најсериозните кандидати за нов шеф на стручниот штаб на фудбалскиот клуб Олимпијакос.

Медиумите во Грција пренесуваат дека Блан ќе го замени Карлос Кобреран кој доби отказ после серијата на лоши резултати. 

Клубот од Пиреја во моментот се наоѓа на петтото место од табелата со осум бода, а лидер е Панатинаикос со 15 освоени бода.

Актуелниот тренер на Сампдорија Марко Џампаоло најверојатно ќе добие отказ од клубот после репрезентативната пауза, и според информациите од италијанските медиуми, челниците на популарната Сампа, веќе бараат нов тренер.

На листата потенцијални нови тренери на тимот од Џенова се споменуваат Дејан Станковиќ и Даниеле де Роси.

Управата на Сампдорија имаше интерес за ангажман на Станковиќ и во пролетта 2021 година, кога тогашниот тренер Клаудио Раниери покажа јасна намера дека ќе го напушти водењето на екипата на крајот од сезоната. Меѓутоа тогаш српскиот тренер изјави дека нема намера да ја напушти Црвена Звезда.

Сампдорија има најлош старт во клупската историја, и после седум кола има само два бода.

Oд денес започнува продажбата на билетите за последниот натпревар на македонската фудбалска репрезентација од групата 3 во Лигата на нации против Бугарија на Националната арена „Тодор Проески“ во Скопје.

Продажбата на билети за натпреварот Македонија – Бугариjа ќе се организира исклучиво преку продажната мрежа на MKTickets.

Продажбата на билетите ќе се одвива исклучиво со физичко присуство на купувачите. Електронска (on-line) продажба на билети нема да има.

Аргентинска мега-ѕвезда во дресот на ПСЖ, Лионел Меси го постигна својот 672. гол од игра, откако синоќа на парижани им обезбеди минимална победа на гостувањето кај Лион во француската Лига 1.

Со овој погодок, Меси успеа да го собори рекордот на напаѓачот на Манчестер Јунајтед, Кристијано Роналдо, кој постигна 671 гол (без пенали). На Меси му беа потребни 150 натпревари помалку од Роналдо, за да дојде до оваа бројка на погодоци.
Меси е во ПСЖ од 2021 година и има договор со клубот до 2023 година со можност за продолжување на уште една сезона. Оваа сезона аргентинскиот напаѓач има 10 настапи за ПСЖ во сите натпреварувања, постигнувајќи пет гола и седум асистенции.

Меѓународната фудбалска федерација – ФИФА, ја одби жалбата на Чиле, во која федерацијата на оваа земја бараше да учествува на претстојниот Мундијал во Катар, на местото од Еквадор.

ФИФА го отфрли аргументот на Чиле дека играчот на Еквадор Бајрон Кастиљо е роден во Колумбија и дека немал право на настап за Еквадор на натпреварите од квалификациите на СП.

ФИФА во соопштението вели дека на основа на доставените документи, жалбените судии на федерацијата сметаат дека играчот Бајрон Кастиљо има трајно државјанство на Еквадор и дека целата процедура е во склад со правните статути на таа земја.

Со оваа одлука се потврдува учеството на Еквадор на СП во Катар каде ќе игра во групата А заедно со Катар, Холандија и Сенегал.

Грчки Олимпијакос синоќа му врачи отказ на тренерот Карлос Корберан. Засега не се познати причините за раскинувањето на договорот. Корберан ја презеде функцијата на 1 август и по неполни два месеци веќе заминува од функцијата. Под негово водство тимот одигра 11 натпревари во сите натпреварувања, на кои забележа четири победи, четири пати ремизираше и претрпе три порази.

Викендов Олимпијакос загуби од Арис во натпреварот од грчкото првенство со резултат 2-1 и веројатно тоа беше иницијална каписла за управата да ја прекине соработката со него.

Во моментов, Олимпијакос е на шестото место во грчкиот шампионат со осум бодови. Корберан претходно беше главен тренер на англиски Хадерсфилд.

Шпанскиот спортски весник АС пренесува дека УЕФА ја разгледува можноста едно од наредните финалиња од Лигата на шампионите да биде одиграно во Соединетите Американски Држави.

Весникот потсетува дека Светското првенство во 2026.година ќе се одржува во САД, Канада и Мексико, а УЕФА сака да го прошири фудбалскиот пазар со цел да ги намали несогласувањата со големите клубови.

Здружението на европските клубови смета дека проширувањето на фудбалскиот пазар ќе допринесе во порастот на приходите од продажба, спонзори и ТВ права. 

„АС“ наведува дека УЕФА добила понуда од САД за одигрување на финале од Лигата на шампионите на нејзина територија. Претседателот на УЕФА, Чеферин, сеуште се нема изјаснето околу овај предлог, а најверојатно за оваа тема ќе се расправа на генералното собрание на УЕФА во Истанбул.