Фудбалерот на ПСЖ и на селекцијата на Италија, Марко Верати, ќе му биде на располагање на селекторот, Роберто Манчини, за мечот против Швајцарија закажан за в среда во рамките на 2 коло во групата А на ЕП.

„Газета дело спор“ денеска објави, дека играчот од средниот ред кој поради повреда на коленото го пропушти воведниот натпревар против Турција кој им припадна на „аѕурите“ со 3-0, најверојатно ќе биде на клупата.

Во исто време,  Мануел Локатели, Николо Барела и Жоржињо, се очекува да започнат против Швајцарија додека десниот бек, Алесандро Флоренци ќе го пропушти вториот натпревар во групата. Неговото место ќе го добие Џовани ди Лоренцо.

Жоао Кансело денес ги дозна непријатните вести кои може да ги слушне еден фудбалер во моментот. Дефанзивецот на Португалската репрезентација и член на Манчестер Сити е позитивен на КОВИД-19, и за него Европското првенство заврши уште пред првиот натпревар, потврди Фудбалскиот сојуз на Португалија.

Замената е исто така позната. На местото на Кансело ќе се најде Диого Далот, фудбалер на Манчестер Јунајтед, кој сезоната ја помина на позајмица во Милан, а десното крило веќе играше на Европскиот младински национален шампионат. Младиот дефанзивец со португалската репрезентација „У21“ освои сребро.

Првиот натпревар Португалија го игра во групата Ф на Европското првенство во вторник од 18. часот против Унгарија.

Санџај Шарма, кој е на врвот на листата на спортските кардиолози во светот и сигурно најпознат во Англија, упати загрижувачки вести за кариерата на Ериксен кој вчера колабираше на натпреварот против Финска.

„Ова момче имало нормални тестови се до 2019 година, и сега како да го објасниме срцевото запирање? Добра вест е што е жив, лоша вест е што се доближува кон крајот на кариерата. Дали ќе игра повторно професионално фудбал? Не можам да кажам, но со сигурност не би можел да игра во Англија. Ние сме многу строги околу тоа. Фактот што е стабилен и буден е одлична вест. Не знам дали некогаш повторно ќе заигра фудбал. Тој умре на натпреварот неколку минути, па сега се прашувам дали лекарите ќе му дозволат да умре повторно? Одговорот е не“, порача Шарма.

Легендарниот фудбалер на Барселона, Чави, вели дека не добил понуда од Лапорта да седне на кормилото на Каталонците и дека мора да се испочитува Куман кој останува на тренерското столче.

„Јас сум на трансфер пазарот и отворен сум. Станав тренер пред две години и имам одличен однос со Лапорта. Тој носи одлуки а јас немав можност да разговарам со него. Тој се одлучи да остане со Куман, мислам дека е тоа најдобро за клубот“, потенцираше Чави.

Во моментов нема информации дали Чави ќе се врати на Истокот или ќе пронајде клуб во Европа.

Реал Мадрид нема ништо против да се радели со Рафаел Варан ова лето, пренесува „Марка“.

Варан на лето влегува во последната година од договорот, а преговорите за продолжување на соработката не одат во добра насока.

„Кралевите“ сакаат да ја избегнат ситуацијата како со Рамос и да го загубат дефанзивецот без обештетување, па се спремни да го пуштат ова лето. За него силен интерес покажува Манчестер Јунајтед, но сега во трката за неговиот потпис се приклучи и Челзи.

„Кралевите“ за неговата слобода бараат 70 милиони евра, а двата англиски гиганти наводно се спремни да ја платат оваа сума.

Кристијан Ериксен вчера ги шокираше сите откако колабираше на мечот меѓу Данска и Финска, по што заврши во болница од каде што не се откриваа многу информации, но сега пристигна официјално соопштение од Данците.

Фудбалскиот сојуз на Данска утрово преку социјалните мрежи објави информации за здравствената состојба на данскиот репрезентативец.

„Утрово разговаравме со Кристијан Ериксен, кој испрати порака со благодарност до своите соиграчи. Неговата состојба е стабилна и тој мора да остане во болница додека не завршат останатите прегледи. Екипата и стручниот штаб беа во шок по вчерашните случувања, но продолжуваат да бидат еден до друг. Благодарност до сите за поддршката за Ериксен. Ќе се потрудиме сите овие пораки да стигнат до фудбалерот и неговото семејство“, соопштија Данците.