Сопственикот на фудбалскиот клуб Наполи, Аурелио де Лаурентис даде изјава во која вели дека во иднина нема да доведува африкански фудбалери во тимот, и дека беше будала што тоа го правеше во минато.

Фудбалерите од Африка секоја втора година изостануваат од тимовите за да настапуваат на Африканскиот куп на нации, а измината сезона Наполи во јануари и февруари остана без помошта на Кулибали, Осимен и Ангизе.

„Им реков на менаџерите повеќе да не ми зборуваат за африканците. Имам голема љубов и почит кон нив но ако мислат да ги ангажираме тогаш ќе мора да потпишат документ во кој ќе потврдат дека нема да играат на Африканскиот куп на нации. Ние сме идиоти кои им даваат плата, а тие патуваат по светот и играат за други“, истакнува Де Лаурентис.

Само една недела откако со заедничка согласност го раскина договорот со Јувентус, играчот од средниот ред Арон Ремзи потпиша договор со својот нов клуб. Станува збор за Ница, од каде доцна синоќа го објавија потписот на велшкиот интернационалец. 

Ремзи помина три години во гигантот од Торино во кои забележа 69 настапи со 6 гола и 6 асистенции, честопати и со повреди. Во последната половина година беше позајмен во Ренџерс каде на 13 натпревари забележа 2 гола и 2 асистенции. Пред тоа, 31-годишниот играч од средниот ред мина долг период во Арсенал, за кого забележа 371 настап со 65 гола и 65 асистенции. За репрезентацијата на Велс има 74 настапи со 20 голови и 9 асистенции.

Ница наскоро ќе објави уште два трансфери. Еден е на голманот на Лестер, Каспер Шмајхел, а вториот е на младинскиот репрезентативец на Италија, Матија Вити.

Баерн направи добра работа во преодниот рок и покрај тоа што остана без Левандовски. Ги донесе Де Лихт, Мазрауи, Гравенберг, Мане и кога се чинеше дека трансфер периодот заврши, во Минхен дојде Дезире Сегбе Азанкпо.

Станува збор за 29-годишен фудбалер од Бенин, кого Баерн го доведе за да му направи услуга на Садио Мане.

Азанкпо и Мане се блиски пријатели, нивната професионална кариера започна во ист тим, француски Мец во сезоната 2011/12.

Мане подоцна стигна до елитното ниво, а Азанкпо беше далеку од тоа – играше во Луксембург, Словачка, пониските лиги во Англија… се до Данкерк, од француската трета лига, со кого се раздели во јуни.

Фудбалскиот клуб Челзи соопшти дека потпиша договор со англискиот супер талентиран играч Карни Чуквуемека.

Челзи за 18-годишниот фудбалер на име обештетување на Астон Вила му исплати 18 милиони евра, а младинскиот репрезентативец на Англија потпиша договор до 2028 година.

Карни Чуквуемека кој по потекло е од Нигерија, е роден во Австрија, во младинските категории има настапувано за Нортемптон и Астон Вила каде ја започна професионалната кариера.

Досегашниот фудбалер на Клуб Бриж, Шарл Де Кетелер е нов играч на Милан. Тој со клубот потпиша договор на пет години.

Преговорите помеѓу белгискиот и италијанскиот тим се водеа со недели и во еден момент се чинеше дека истите ќе пропаднат, меѓутоа на крај е постигнат договор според кој Де Кетелер за 32 милиони евра стана играч на Милан.

Според информациите на италијанските медиуми, белгискиот фудбалер во дресот на росонерите ќе заработува 2,2 милиони евра по сезона, а во тимот ќе го носи дресот со број 90.

Де Кетелер е најскапиот трансфер во Милан откако на директорските места се Паоло Малдини и Фредерик Масара.

Чилеанскиот фудбалер Алексис Санчез наводно го раскинал договорот со Интер и би можел да се пресели во Олимпик од Марсеј, објавија италијанските медиуми.

Санчез имаше договор со Интер до јуни 2023 година, но не е во плановите на тренерот Симоне Инзаги, па не може да остане најплатен играч во тимот на Милан.

Санчез заработуваше околу седум милиони евра по сезона, откако во септември 2020 година се пресели од Манчестер Јунајтед во Интер, за кој претходно настапуваше како позајмен, во сезоната 2019/2020.

Се шпекулираше дека неговиот агент одбил понуда од четири милиони евра за предвремен раскин на договорот, а весникот Л’Екип објави дека станува збор за цифра од 4,5 милиони.

Барселона го претстави Кунде, а на оваа презентација првиот човек на Каталонците соопшти одлични вести.

Имено, Барселона продала 25% од Барса Студиос за 100 милиони евра и со тие пари ќе можат да се регистрираат новите соиграчи. Барселона доведе неколку фудбалери во овој преоден рок, но постоеше знак прашалник дали ќе пронајдат начин да ги регистрираат.

Лапорта потврди дека се е решено.

„Си ја завршивме домашната задача, повеќе немаме проблеми да ги регистрираме новите засилувања“, кратко порача Лапорта..

Реал Мадрид и официјално го продаде Борха Мајорал.

25-годишниот напаѓач кој потекнува од академијата на „кралевите“ никогаш не успеа да стане напаѓач каков што очекуваа во Мадрид. Новата дестинација на Мајорал не е изненадување затоа што продолжува во тимот на Гетаге каде што играше како позајмен фудбалер.

Не е објавено колкава оштета за него платил Гетафе, но се шпекулира дека станува збор за сума од 10 милиони евра.

Езџан Алиоски е нов фудбалер на Фенербахче. Турскиот фудбалски гигант ја потврди информацијата, по успешно завршените преговори со нашиот репрезентативец.

Алиоски кој минатата сезона ја помина во С. Арабија во дресот на Ал Ахли, долго време беше во преговори со Трабзонспор, па и со Бешикташ и Галатасарај, за сепак во наредниот период ќе го носи дресот на Фенербахче.

Договорот ќе биде во вид на позајмица од Ал Ахли.

Сериозните здравствени проблеми на Себастиен Але ги принудија челниците на Борусија Дортмунд да бараат нов голгетер.

Фудбалерот кој беше купен од Ајакс за 31 милион евра има тумор на тестисите и ќе мора да оди на хемотерапија. Прашање е дали воопшто и ќе се врати на фудбалските терени.

Затоа „милионерите“ планираат да испратат понуда до Џовани Симеоне. 27-годишниот играч на Верона во изминатата сезона имаше 17 голови и пет асистенции во Серија А.