Екипата на Манчестер Сити нема намера да се раздели од Рахим Стерлин, и покрај гласините дека репрезентативецот на Англија сака да си замине од клубот, иако му остануваат уште две години од постоечкиот договор.

Во последниве две сезони, Стерлинг го изгуби статусот на незаменлив член во екипата и веднаш се појавија шпекулации дека Барселона тргнува во негово купување во јануарскиот преоден рок.

Меѓутоа, од тимот од Манчестер најавија дека ќе ги блокираат сите обиди од страна на Барса и се спремни да му понудат нов договор со подобрени финансиски услови.

Лионел Меси е убеден дека го направил вистинскиот избор со преселбата во Париз Сен Жермен.  Аргентинецот ова лето како слободен играч премина во клубот од Париз, после две децении поминати во Барселона. 

“Не згрешив со мојот трансфер во ПСЖ“, изјави Лео Меси во ексклузивно интервју дадено за Франс Фудбал.

Ова е единствената изјава  од интервјуто со Меси, која засега ја споделува францускиот магазин . Франс Фудбал појаснува дека во него Меси открива многу детали за работите што му се случиле пред почетокот на сезоната.

Аксел Витсел се пошегува дека Нголо Канте има „36 нозе и шест бели дробови“.

Неуморниот играч на Челзи ќе го пропушти денешниот дуел против Белгија во Лигата на нации, бидејќи е позитивен на коронавирус. Според Витсел, отсуството на Канте е добра вест за неговата репрезентација.

„Бензема е повеќе од фудбалер на топ-ново. Против него е навистина многу тешко да се игра. Во составот на Франција има неколку топ фудбалери. Мбапе и Гризман се само едни од нив. Канте нема да игра, што е добро за нас, зошто тој има шест бели дробови и 36 нозе“, се пошегува Витсел.

Играчот од средниот ред на Манчестер Јунајтед, Пол Погба, му открил на своето семејство дека има намера да потпише нов договор со „црвените ѓаволи“.

 Неговиот актуелен договор истекува на крајот на сезоната, а тимот од  Олд Трафорд веќе му понудил нов договор, според кој Французинот ќе стане еден од најплатените играчи во Премиер лигата, добивајќи 400.000 фунти неделно. 

Пристигнувањата на Кристијано Роналдо, Рафаел Варан и Џејдон Санчо го натераа  Погба да се премисли и да остане во Манчестер, иако за него се заинтересирани ПСЖ, Јувентус и Реал Мадрид, кои не ја кријат желбата да го доведат во своите редови како слободен агент.

Раководството на Ливерпул сериозно ја разгледува можноста во јануарскиот трансфер период, да го доведе  крилото на Реал Мадрид Марко Асенсио,пренесуваат некои шпански медиуми.

 Клубот од Мерсисајд  беше поврзуван со купување на  25-годишниот фудбалер и во текот на летото, но тренерот на Реал, Карло Анчелоти го убеди својот играч да остане на „Сантијаго Бернабеу“. 

Изгледа дека “црвените“ тргнуваат во  нова офанзива за доведување на Марко Асенсио на Енфилд.

Салцбург е познат како клуб кој во последните години лансираше голем број на таленти, а сега има нова ѕвезда за која се „тепаат“ европските гиганти.

Станува збор за 20-годишниот Бренден Аронсон, кој во јануари оваа година пристигна во Салцбург од Филаделфија. Аронсон е офанзивен играч за врска, кого го карактеризира голема техника и чуство за гол.

За репрезентацијата на САД има одиграно 10 натпревари на кои постигна 5 гола.

Најсилен интерес за него покажуваат италијанските гиганти Милан и Јувентус кои веќе стапиле во контакт со неговиот агент.

Леванте го назначи Хавиер Переира за главен тренер, потврдија од раководството на  шпанскиот клуб. 

Договорот на Переира  е со важност до 2022 година, со опција за негово продолжување за уште две сезони. Екипата од Валенсија го отпушти претходникот на Переира, Пако Лопез и остана без тренер  по поразот од 0-1 против Мајорка во Ла Лига. Леванте засега е без победа од стартот на новото првенство, со освоени 4 бода на 8 одиграни натпревари.

Хавиер Переира неодамна работеше во Хенан од Кина, а е поранешен тренер на Алавес.  Во екипата на Леванте беше помошник тренер во периодот од 2011 до 2013 .

Aнглиската Премиер лига потврди дека Њукасл има нови сопственици.

Саудискиот конзорциум го купи тимот на Сент Џејмс Парк од Мајк Ешли после долгите преговори и сега Њукасл е еден од најбогатите клубови во светот. Инвестициониот фонд од Саудиска Арабија ќе има 80% сопственост од акциите на клубот, а прв човек ќе биде принцот Мохамед Бин Салман.

„Горди сме што станавме нови сопственици на Њукасл, еден од најславнитe англиски клубови. Им, благодариме на навивачите за поддршката. Во наредните години ќе работиме заедно за да го подобриме тимот“, стои во соопштението.

Враќањето на Кристијано Роналдо во Манчестер Јунајтед веднаш предизвика позитивно влијание врз клубот и особено врз неговите американски сопственици. 

Според податоците од берзата во Њујорк, вкупната вредност на клубот од Олд Трафорд во последните 54 дена, е зголемена за 550 милиони фунти. На 4 август, вредноста на една акција на Манчестер Јунајтед вредеше 11,70 фунти, а вкупната пазарна цена на клубот изнесуваше 1,91 милијарди фунти. 

24 часа по веста за трансферот на Кристијано Роналдо, вредноста на акциите се искачи на 13,46 фунти по акција, а цената наклубот достигна  2,19 милијарди фунти. 

Вредноста на клубот својот врв го достигна на 27 септември, кога акциите на берзата вредеа 15,09 фунти, а клубот цели 2,46 милијарди фунтри стерлинзи.

Најсовремената тренинг база на Манчестер Јунајтед во случај на воена состојба ќе се претвори во нива за компири!. Тајната ја откри легендарниот тренер на „црвените ѓаволи“,  Сер Алекс Фергусон кој објасни дека тоа се должи на специјалната клаузула во договорот за откуп на земјиште на која во моментов е изградена базата на Јунајтед.

„Кога дојдов во клубот Клиф (старата база на клубот), се беше одлично. Клубот почна да расте. Моравме да направиме дополнителни соблекувални за играчите. Тогаш почнав да размислувам за место околу Манчестер за да изградиме нова база за тренинзи. Површината што ја зедовме беше околу 28 акри, но, имаше ограничувања што уште не можам да ги разберам. Некои од нив беа дека во случај на војна, треба да ја претвориме земјата во полиња со компири“, рече сер Алекс Фергусон.