Фудбалерот на Лидс, Келвин Филипс, може да го засили средниот ред на Манчестер Сити, најавија денеска медиумите во Англија.

Шампионот на Премиер-лигата сака целата работа да биде завршена пред да ја стартува летната турнеја во САД.

26-годишниот фудбалер во последната сезона во Премиер лигата одигра 20 натпревари и постигна еден гол.

Холанѓанецот, Марко Ван Бастен, кој беше страв и трепет за противничките голмани ги издвои според него најдобрите тројца фудбалери во историјата. Поранешната ѕвезда на Ајакс и Милан, се определи за Пеле, Диего Марадона и Јохан Кројф.

„Кројф ми беше пријател, како мал секогаш сакав да бидам како Кројф. Меси е фантастичен фудбалер но, Марадона секогаш носеше поголем печат во тимот“ – изјави поранешниот голгетер

Џорџо Кјелини призна дека сака да ја заврши кариерата во странство за да го стекне искуството што ќе му биде потребно за следната работа. Како што е познато, 37-годишниот играч ќе потпише со американскиот ФК Лос Анџелес.

„Најтешко е да се испразни хотелската соба на клубот во кој живеам последните четири години. Имаше се во собата – од медал на Европското првенство до специјални дресови и договори“, изјави дефанзивецот за радио Ankeio Sport. „Сега ми треба искуство во странство за да ја затворам фудбалската кариера. Затоа сакам да одам во првенство кое во моментов расте, за потоа мојата кариера да расте“, изјави Кјелини.

„Подготвен сум за други улоги низ теренот, ментално сум подготвен да станам тренер. Сакам да запознаам се што се случува надвор од теренот, во канцелариите, но ми треба трпение и волја за жртвување. Неколку години се надевам дека ќе научам се за тешкотиите. Американската авантура се однесува на мојата иднина“, објасни Кјелини.

Поранешниот македонски фудбалски репрезентативец, Мирко Ивановски, ја напушта екипата на Динамо Букурешт, која не успеа да остане во Првата фудбалска лига на Романија.

Според информациите, 32-годишниот напаѓач Ивановски останува во Романија и својата кариера ќе ја продолжи во тимот на Петролул. 

Битолчанецот Ивановски има богата интернационална кариера настапувајќи за голем број на клубови, а во Македонија играше за Пелистер и Македонија ЃП.

Во квалификациите во Конференциската лига Шкендија и А. Пандев почнуваат од првото квалификациско коло, додека Македонија ЃП од второто.

Денешната ждрепка во Нион сакаше Академија Пандев да добие исклучителнос илен ривал во екипата на Лехија Гдањск од Полска. Првиот меч струмичани ќе го играат на гости.

Шкендија, пак, ќе биде домаќин во првиот меч пречекувајќи го тимот на Арарат од Ерменија. Првите мечевитод првото квалификациско коло во Конференциската лига се закажани за 7, додека реваншите за 14 јули, додека втората рунда ќе се игра на 21 и 28 јули.

Фудбалерите на Шкупи ќе играат против Линколн Ред од Гибралтар во првото квалификациско коло за новото издание во Лигата на шампионите.

Тоа е состав кој во изминатата сезона играше во Конференциската лига со што стана првиот клуб од Гибралтар кој настапил во групна фаза во натпреварување под капата на УЕФА. 

Шкупи на првиот меч на 5 или 6 јули ќе ја има улогата на домаќин додека реваншот ќе биде одигран на 12 или 13 јули.

Италијанските медиуми пренесуваат дека Интер постигна договор со аргентинскиот фудбалер Пауло Дибала.

На овај начин доскорешниот играч на Јувентус, ги разби сите шпекулации околу изборот на неговиот нов клуб.

Иако Дибала имаше бројни понуди за транфер во неколку европски екипи, сепак 28-годишниот Аргентинец останува во Серија А и ќе потпише договор со Интер. Според достапните информации се очекува тој да потпише договор со важност до 2026 година, за што ќе заработува годишна плата од шест милиони евра.

Рубен Лофтус-Чик би можел да биде вклучен во понудата на Челси за дефанзивецот на Интер, Милан Шкрињар, тврди Газета дело Спорт. 27-годишниот Словак е една од главните трансфер цели на Томас Тухел, кој мора сериозно да го засили својот тим на овие позиции по разделбата со Андреас Кристенсен и Антонио Рудигер.

Сепак, Интер сака околу 70 милиони евра за Шкрињар. За да се намали оваа сума, лондончани планираат да го понудат и Лофтус-Чик. Сепак, италијанското издание сугерира дека „нероазурите“ нема да ја прифатат оваа понуда бидејќи сакаат целосна парична понуда.

Челси и Интер преговараат и за друг трансфер. „Нероазурите“ сакаат да го вратат Ромелу Лукаку, но лондончани се подготвени да го изнајмат за многу сериозна сума од околу 20 милиони фунти.

За Шкрињар е заинтересиран и Тотенхем.

Бразилскиот фудбалски ветеран, Марсело, во понеделникот ја одржа својата конференција за медиумите на која се збогува од Реал Мадрид, клубот за кој настапуваше полни 15 години и стана најтрофејниот играч во историјата на клубот.

Некогашниот негов соиграч и поранешен капитен на Реал Мадрид, Серхио Рамос, не може да ги заборави успесите кои Бразилецот ги постигна во дресот на „кралскиот клуб“.

„Брате, денес се простуваш од клубот, но твоето наследство во Реал е вечно. Ти честитам на постигнувањето на невозможното“, напиша Рамос на социјалните мрежи.

Марсело порача дека не размислува да стави крај на играчката кариера. Наводно, интерес за него веќе покажува Фенербахче кој ќе се обиде да го доведе во Истанбул.

Фулам, кој избори промоција во Премиер лигата, е во преговори со Арсенал за трансфер на голманот Бернд Лено, тврди „Скај Спортс“.

30-годишниот Германец беше стартер во Арсенал, но откако го ангажираа Арон Рамсдејл, стана втор избор за Микел Артета и имаше само осум натпревари минатата сезона. Американецот Мет Тарнер, кој ќе биде резерва на Рамсдејл, од 1 јули и официјално ќе стане играч на Арсенал. Тоа значи дека лондончани лесно можат да се разделат со Лено, кој има договор со клубот на уште 12 месеци.

Марек Родак и Пауло Газанига беа голмани на Фулам минатата сезона. Сега, сепак, Марко Силва сигурно ќе сака да го засили својот тим за Премиер лигата. Бернд Лено може да стане првото ново засилување ова лето за Фулам.