Манчестер Сити и Барселона би можеле да влезат во трансфер битка за потписот на левиот бек на Аталанта, Робин Госенс. Двата клуба имаат сериозен интерес за него и ќе се обидат да го земат во своите редови, пишува шпанскиот венсик „Спорт“.
26-годишниот Германец имаше неколку многу добри сезони во тимот од Бергамо, а тоа не помина незабележано ниту од гигантите, како и од селекторот на репрезентацијата Јоаким Лев, кој смета на него и во репрезентацијата, вклучително и во тимот за Еуро 2020. Манчестер Сити не го крие интересот за Госенс, но клубот ќе даде понуда за него само доколку се разделат со некој од сегашните леви бекови. Се шпекулира дека Александар Зинченко ќе го напушти „Етихад“, па Госенс може да го заземе неговото место.
Барса исто така бара лев бек, бидејќи Жорди Алба е веќе стар, а немаат играч кој би можел вистински да го замени. Аталанта е подготвена да преговара за можна продажба на Госенс, но клубот ќе сака да добие најмалку 40 милиони евра за неговите права. Германецот одигра блескава сезона за Аталанта, одигра 44 натпревари во сите натпреварувања, на кои постигна 12 погодоци и 8 асистенции.
Де Лихт е незадоволен во Јуве, најави заминување од Италија
Матијас де Лихт не е задоволен во италијанскиот клуб и сака да ја промени средината.
Де Лихт наводно веќе го известил својот агент дека сака трансфер ова лето, а најсилен интерес за него покажува Барселона. Холанѓанецот ја одби Барселона пред две години и потпиша за Јувентус во трансфер вреден 70 милиони евра.
Меѓутоа, работите во Торино не се одвиваат така како што замислуваше, па сега се кае што го избрал Јувентус и сака да ја промени средината.
Де Лихт веќе се распрашувал кај својот пријател Де Јонг за условите во Барселона и го известил агентот дека сака трансфер на „Камп Ноу“.
Сепак, тоа нема да биде воопшто лесто бидејчи има долг договор со „старата дама“, која нема да го пушти за помалку од 65 милиони евра.
По заминувањето на Конте – Интер пред распад!
Антонио Конте го напушти Интер по две сезони на кормилото и тоа по освојувањето на титулата во италијанското првенство. Конте со Интер ја прекина деветгодишната доминација на Јувентус, а потоа се одлучи да застане.
Славниот тренер заминува бидејќи управата на клубот не може да осигура финансии за засилувања за нападот на Лигата на шампионите. Фабрицио Романо, италијански новинар, објави дека управата побара од Конте поради финансиската криза да продаде играчи во вредност од 80 милиони евра и дека тоа е причината зошто Конте се одлучил да го напушти клубот.
Италијанските медиуми пишуваат дека во Интер следи вистински егзодус. Играчите со кои Конте имаше посебен однос ќе побараат заминување.
Тоа засега се Ромелу Лукаку, Ашраф Хакими, Лаутаро Мартинез и Алесандро Бастони. Со нивните продажби, ќе се осигура финансиската стабилност, но прашање е како Интер би изгледал на теренот идната сезона. Сите овие играчи беа клучни првотимци кај Конте во последните две сезони.
Покетино е незадоволен во ПСЖ, можно е враќање во Тотенхем!
Маурисио Покетино е еден од кандидатите за нов тренер на Тотенхем, пишува англиски „Атлетик“.
Аргентинецот во јануари го презеде ПСЖ со кој го освои Купот, но не успеа да стигне до титулата во лигата и се погласни се шпекулациите дека ќе биде заменет.
Од друга страна, Тотенхем е во потрага по тренер откако Мурињо замина и токму Аргентинецот е една од опциите. „Атлетик“ пишува дека Тотенхем веќе го контактираше тренерот кој ги водеше од 2014. до 2019. година и го изјави својот интерес за негово враќање.
Но, ПСЖ наводно не сака да остане без Покетино и покрај лошата сезона. Покетино е незадоволен во Париз, бидејќи не успеа да развие хемија со играчите, па дури и самиот тој размислува за враќање во Лондон, каде наредната сезона најверојатно нема да биде Хари Кејн.
ЕУРО 2020 – 10. Белгија одблиску
Белгија никогаш поталентирана, може ли првпат до европска титула?
Фудбалската репрезентација на Белгија ја претставува Белгија на меѓународните фудбалски натпреварувања и е под контрола на Кралската Фудбалска Асоцијација на Белгија. Формирана е во 1900 година.
Репрезентацијата е под глобална јурисдикција на ФИФА, во Европа е управувана од страна на УЕФА – откако и двете федерации биле ко-основани од надзорното тело на белгиската репрезентација, Кралската белгиска фудбалска асоцијација (RBFA). Периодите на редовна белгиска застапеност на највисоко меѓународно ниво, од 1920 до 1938 година, од 1970 до 2002 година и повторно од 2014 година наваму, наизменично се менувале со претежно неуспешни квалификациски кругови. Повеќето домашни натпревари Белгија ги игра на стадионот „Крал Бодуен“ во Брисел.
Белгиската фудбалска репрезентација учествувала на три големи четиригодишни фудбалски натпреварувања. Се појавиле во завршната фаза на тринаесет Светски првенства и пет Европски првенства на УЕФА, а настапиле и на три олимписки фудбалски турнири, вклучувајќи го и Олимпискиот турнир во 1920 година, кој го освоиле. Други позначајни резултати се победите над четири светски шампиони – Западна Германија, Бразил, Аргентина и Франција – во периодот помеѓу 1954 и 2002 година. Белгија има долгогодишно фудбалско соперништво со своите соседи Холандија и Франција, играјќи против двата тима речиси секоја година од 1905 до 1967 година. Прекарот на репрезентацијата е познат како црвените ѓаволи и така се нарекуваат уште од 1906 година; нејзиниот навивачки клуб е наречен „1895“.
За време на репрезентативната играчка кариера на напаѓачот Пол Ван Химст, најомилениот белгиски фудбалер од 20 век, Белгија го освоила третото место на Евроpското првенство во 1972 година. После тоа, тие доживеаја две златни доби со многу надарени играчи. Во првиот период, кој траел од 1980-тите до раните 1990-ти, екипата завршила како второпласирана на Европското првенсртво во 1980 година и како четврта на Светското првенство во 1986 година. Во втората, под водство на Марк Вилмотс во 2010 година, Белгија стигна до четвртфиналето на Светското првенство 2014година и се најде на врвот на ранг-списокот на ФИФА за првпат во ноември 2015 година. По заминувањето на Вилмотс, белгиската репрезентација ја презеде Роберто Мартинес, со кој настапуваше до третото место на Светското првенство 2018.
Најсилната Белгија беше Белгија на Шифо!
Зрелоста на генерацијата стигна на Светското првенство во Мексико. На овие одлични фудбалери им се приклучи еден генијалец. Винченцо Шифо беше сензацијата на тоа првенство и човек кој го одбележа белгискиот фудбал повеќе од една деценија. На тоа првенство во 1986 година многу натпревари го заслужија епитетот антологиски. По тешката групна фаза и третото место во група со Мексико и Парагвај, низ иглени уши Белгијците влетаа во осминафиналето. Таму го одиграа првиот историски натпревар и го совладаа Советскиот Сојуз со 3-4 по продолженија. Игор Беланов постигна хет-трик за Советите, а Шифо, Кулеманс, Демол и Класен го свртеа резултатот во Леон и обезбедија големо четвртфинале. Таму „ѓаволите“ ги чекаше моќната Шпанија, предводена од „Кинта де Бутре“. Во тактички дуел Белгија долго водеше со голот на Кулеманс, но Сењор израмни на пет минути до крајот. Откако 1-1 гласеше резултатот и по продолженијата, пенал рулетот го даде полуфиналистот. Фаф го одбрани ударот на Елои и донесе прво полуфинале на Светско првенство за Белгија. Во дуелот со огромен влог, уморната Белгија капитулира пред моќниот Марадона, автор на два гола (еден генијален) и мораше да се задоволи со натпревар за третото место. И дуелот со Франција за бронзата беше вистинска фудбалска убавица. „Петлите“ славеа со 4-2 по продолжение, а Кулеманс и Класен пак беа стрелци за Белгијците. Ги Тајс лансираше многу добри фудбалери на генерацијата која беше европски вицешампион пред шест годино. Веркаутерен беше незаменлив, се појави одличниот дефанзивец Грун, Де Волф и Класен.
Азар е најдобар во белгиската историја
Играчот за врска на Реал Мадрид, Еден Азар, од навивачите е прогласен за најдобар фудбалер во историјата на белгиската репрезентација, соопшти прес-службата на тамошната фудбалска асоцијација.
Гласањето се одвиваше меѓу навивачите во период од 16 декември до 10 јануари.
Азар освои 10,6 проценти од гласовите.
Второто место го зазеде дефанзивецот Винсент Компани (9,4), додека трет беше играчот за врска Кевин де Брујн (9,1%).
Триесетгодишниот Азар досега има одиграно 106 натпревари за белгискиот националниот тим, на кои постигна 32 погодоци.
Мистериозна објава на Торес, се враќа ли на фудбалот?
Дали Фернандо Торес ќе се врати како играч повторно во фудабалот? Ова прашање го поставуваат неговите фанови по неговата објава на Инстаграм. „Го разбирам животот на само еден начин- низ фудбалот. Затоа одлучив да се вратам. Овој петок ќе дознаете и каде.“– напиша Фернандо Торес на својот Инстаграм и ги збуни фановите. Славниот Шпанец кариерата ја заврши во 2019. година во јапонскиот тим Саган Тосу, а претходно во кариерата играше и за Атлетико Мадрид, Ливерпул, Челзи и Милан. Со Шпанија освои се што може да освои. Сега се чини дека му фали фудбалот и дека одлучил да се врати на теренот и покрај начинот на кој се прости пред две години, кога кажа дека неговото тело веќе не може да издржи.
Зидан го напушта Мадрид, познат и неговиот наследник
Францускиот фудбалски стратег кој со Реал Мадрид освои три титули во низа во Лигата на шампионите, Зинедин Зидан дефинитивно нема да биде на чело на „кралевите“ во новата сезона. Зидан го напушти клубот по втор пат во својата кариера како тренер, откако не успеале да се договорат со Перез по однос на продолжувањето на соработката. На Зидан му пречеле повеќе работи во клубот кој не ги исполни неговите очекувања во последните шест месеци. Неофицијално, Перез веќе има вербален договор со Антонио Конте, кој го раскина договорот со Интер. Во игра за позицијата на Зидан беше и Масимилијано Алегри.
Борусија Дортмунд објави големи загуби од пандемијата од ковид-19
Раководството на Борусија Дортмунд очекува загуби од 75 милиони евра за тековната финансиска година, а причината е пандемијата ковид-19, објави германскиот клуб.
„Жолто-црните“ ја амортизираа штетата со пласман во Лигата на шампионите и освојување на Купот на Германија, но сето тоа се случи пред празни трибини.
Извршниот директор на клубот Ханс-Јоаким Вацке веќе објави дека очекува дефицитот да биде помеѓу 70 и 75 милиони. Тој тоа го стори за време на состанокот на акционери на почетокот на сезоната, но исто така не ја исклучи можноста загубите за финансиската година што завршува ова лето да бидат поголеми.
Во првичните пресметки на загубите, Борусија Дортмунд сепак се надеваше дека ќе има 20 проценти од капацитетот на „Сигнал Идуна Парк“ во последните месеци од сезоната.
Азар е изненадувањето на Мурињо во Рома
Еден Азар на „Сантијаго Бернабеу“ пристигна пред две години. Од тогаш за Реал одигра само 43 натпревари на кој постигна само пет гола и тоа за играч од негов калибар е очаен учинок. Двете страни се спремни да ја прекинат соработката ова лето и Реал наводно веќе го ставил Азар на трансфер листа. Медиумите во Шпанија тврдат дека тој сака назад во Челзи, „сините“ се располжени да го вратат, но на позајмица. Сега се појави информација дека Жозе Мурињо будно ја следи ситуацијата и сака да го донесе во Рома. Двајцата имаа одлична соработка, па „волчицата“ го сака Белгиецот на позајмица. Во Реал се надеваат дека Азар може да ја „оживее“ кариерата и да биде оној стариот после една сезона помината на позајмица.
Челзи го носи Јулијан Вајгл од Бенфика
Томас Тухел го насочил вниманието кон фудбалерот од средниот ред на Бенфика, Јулијан Вајгл. Досега се проценуваше дека приоритет за избор на Челзи ќе биде Дин Рајс од Вест Хем, но, „чеканите“ поставија висока трансферна цена која веднаш ги премисли „сините“ од Лондон. Затоа Тухел подготвил резервна верзија. Тој се фокусираше на Вајгл. Двајцата работеа заедно во Борусија Дортмунд и тренерот многу добро ги знае неговите квалитети. 25- годишниот играч за врска се пресели во Бенфика минатото лето од Борусија Дортмунд. Тој за „лисабонските орли“,одигра 39 натпревари и постигна еден гол.
