Жиру ќе го предводи нападот на Милан во Лигата на шампионите
Милан веднаш започна активно на трансфер пазарот и денес го договори првиот трансфер, голманот Мајк Мањан од Лил. Италијанските медиуми пренесуваат дека „росонерите“ се блиску до договор со Оливие Жиру, кој ќе пристигне како слободен агент. Жиру треба да биде замена за Манџукиќ и алтернатива на Ибрахимовиќ во нападот на Милан. Двете страни се блиску до договор и Французинот ќе потпише 2- годишен договор тежок 3,5 милиони евра по сезона.
Репрезентативците ги започнаа подготовките за ЕУРО
Македонската фудбалска репрезентација од денеска и официјално ги стартува подготовките за историското премиерно учество на Европското првенство. По вчерашниот официјален собир, селекцијата предводена од Игор Ангеловски денеска ќе го одработи и првиот тренинг, закажан во 18. часот на теренот на ФФМ. Со амбиција за успешен настап, нашите најдобри фудбалери во рамките на подготовките ќе одиграат и две контролни средби, на 1. јуни против Словенија и на 4. јуни против Казахстан во Скопје. На 8. јуни, репрезентативците се селат во Букурешт, каде ќе биде и тренинг базата за ЕУРО 2020. Македонија на ЕП ќе дебитира против Австрија на 13. јуни на „Националната Арена“ во Букурешт.
Захариевски потпиша договор на уште една сезона со Струга Трим Љум
Струга Трим Љум ја продолжи соработката со тренерот Срѓан Захариевски за уште една година. Се надеваме дека со Захариевски на чело, нашиот тим ќе направи достојна презентација во европските натпреварувања, каде ќе бидеме во улога на дебитанти, – соопшти прволигашот од Струга, обзнанувајќи ја одлуката за нов едногодишен договор со македонскиот фудбалски тренер и поранешен репрезентативец. Захариевски на чело на Струга Трим Лум дојде на 12 март минатата година, а претходно ги предводеше екипите на Металург и Пелистер. Под негово водство екипата на Струга ја заврши сезоната во Првата македонска лига на третото место и обезбеди настат во квалификациите за Конференциската Лига Европа.
Дибала прави трансфер во Милано?
Јувентус и Пауло Дибала најверојатно ќе се разделат на крајот на сезоната, тврдат италијанските медуми.
Иако веќе неколку месеци двете страни преговораат, се уште не постигнале договор за продолжувње на соработката.
Поради тоа Јувентус донесе одлука да го продаде на лето, бидејќи влегува во последната година од договорот, па ќе се обиде да заработи на аргентинецот.
Италијанските медиуми денес објавија „бомба“ и тврдат дека Дибала може да заврши во редовите на големиот ривал Милан, кој веќе стапил во контакт со неговиот агент.
Дибала преферира да остане во Серија А, а Милан ќе има солиден буџет после пласманот во Лига на шампиони и наскоро ќе започне преговори со „старата дама“.
Коман побарал трансфер, Захави веќе му бара нов клуб
Францускиот интернационалец во редовите на Баерн Минхен, Кингсли Коман, сака да добие зголемување на платата за да остане во клубот.
Одличниот фудбалер кој има договор до 2023 година и добива 8 милиони евра по сезона, сака да има двојно поголеми примања. Според весникот „Билд“, неговиот татко побарал од агентот задолжен за трансфери, Пини Захави, да се обиде да му пронајде нов клуб кој ќе ги прифати неговите барања.
Во исто време, Баварците се обидуваат да го убедат Коман да ја продолжи соработката.
Милинковиќ Савиќ сака да премине во Реал Мадрид
Сергеј Милинковиќ Савиќ, кој имаше блескави партии во дресот на Лацио, може да добие понуда во текот на летото да се пресели во редовите на Реал Мадрид, најави дел од медиумите на Пиринеите што се блиски до „кралскиот клуб“.
Според напишаното, Милинковиќ Савиќ би бил одлична замена за Лука Модриќ кој ќе ја има последната сезона во шпанскиот состав. Лацијалите проценуваат дека трансферната вредност на српскиот интернационалец е околу 70 милиони евра.
За потписот на Милинковиќ Савиќ, наводно се заинтересирани и англискиот Манчестер Јунајтед и францускиот, ПСЖ.
Асенсио го напушта Реал ова лето
Младиот фудбалер на Реал Мадрид, Марко Асенсио, најверојатно ќе ја промени срединта бидејќи не е задоволен со минутажа што ја добиваше од тренерот, Зинедин Зидан.
Според медиумите во Италија, за неговиот потпис се заинтересирани екипите на Милан и Јувентус. Нивните претставници имале контакт со агентот на младиот играч и наводно добиле зелено светло да започнат преговори со „кралскиот клуб“.
Асенсио има активен договор со Реал Мадрид до летото во 2023 година што значи дека „белите“ нема да сакаат да останат без неговите услуги.
Јуве и Интер ќе играат за Суперкуп титулата во Саудиска Арабија
Финалето на Суперкупот на Италија следната сезона ќе се игра во Саудиска Арабија, потврди претседателот на Серија А. Натпреварот помеѓу шампионот и освојувачот на Купот на Италија се одигра во Саудиска Арабија во 2018 и 2019 година, додека последниот се одигра во Италија поради пандемијата на Ковид 19. „Следниот Суперкуп ќе се одржи во Саудиска Арабија, со навивачи, како што предвидува нашиот договор“, потврди Дал Пино.
Јувентус нема да игра во Лигата на шампионите?!
Според специјализираниот сајт „stopandgoal.com“, нивните инсајдерски информации од УЕФА велат дека Јувентус нема да игра следните две сезони во Лигата на шампионите, претседателот на УЕФА, Александар Чеферин по саботното финале во ЛШ ќе објави суспензија за „старата дама“, Барселона и Реал Мадрид поради активности во Суперлигата.
УЕФА нема да ја запре војната против бунтовниците кои се уште сонуваат за Суперлигата, казната ќе биде жестока, Јувентус нема да игра следната сезона во ЛШ.
Доколку сето ова се реализира, Наполи ќе добие место во европската елита идната сезона, но се уште е на ниво на шпекулација и останува да се види во сабота дали Чеферин навистина ќе објави ваква одлука.
ЕУРО 2020 – 08. Русија одблиску
Советскиот сојуз е прв европски шампион во фудбал!
По распадот на Советскиот Сојуз тимот ја претставувал Заедницата на независни држави (формално име за екипата која што го претставувала непостоечкиот Советски Сојуз). ФИФА ја смета фудбалската репрезентација на Заедницата на независни држави (потоа фудбалска репрезентација на Русија) како наследник на Советскиот Сојуз и сите негови резултати.[1] Сепак, голем процент од играчите на некогашниот репрезентација доаѓале надвор од Руската СФСР, главно од Украинската ССР, и по распадот на СССР, некои играчи од поранешната Украинска ССР како што е Андреј Канчелскис продолжиле да играат во новоформираниот руска репрезентација.
Советскиот Сојуз само двапати не успеал да се квалификува на Светските првенства, во 1974 и 1978 година, а учествувал на вкупно седум завршни турнири. Најдобар резултат на Светските првенства за СССР било освојувањето на четвртото место во 1966, кога во полуфиналето изгубиле со резултат 2-1 од Западна Германија. Советскиот Сојуз пет пати учествувал на Европските првенства, а го освоиле во 1960 година кога во финалето ја совладале репрезентацијата на Југославија со резултат 2-1. Го освоиле второто место во три наврати (1964, 1972 и 1988) и еднаш завршиле на четвртото место (1968), каде што по нерешениот натпревар со Италија во полуфиналето, по фрлање на паричка биле испратени да одиграат меч за трето место (каде што изгубиле од Англија). Репрезентацијата на СССР исто така освоила и два златни медали на Летните олимписки игри (1956 и 1988 година) како и три бронзени медали (во 1972, 1976 и 1980).
Долго време собираа само симпатии наместо трофеи!
Многумина мислат дека нашите повозрасни пријатели, родители или познаници од секогаш навивале за бившиот Советски сојуз, сега Русија и Украина, Динамо Киев или Зенит само заради симпатиите кон земјата, заради православната вероисповест, заради други надворешни влијанија. Но едно е непобитно точно. Советската фудбалска школа е една од првите и најдобро структуираните низ децениите на полупрофесионазација и целосната професионалност.
Рускиот стил долги години имаше значаен репсект низ целиот континент, а украинската хегемонија на Динамо Киев на Валериј Лобановски е една од најдобро администрирани низ историјата. Два клубски џина го одржуваа советскиот фудбал со децении и децении. Руската спорадична школа претставена преку Спартак Москва и украинската долга и скоро па непрекината до денес на Динамо Киев. И симпатиите не доаѓаат од времето на првиот европски првак за репрезентации, кој благодарение на Виктор Понедељник стигна во Москва во 1960 година или пак од првото олимписко злато четири години претходно во Монтреал. Уште три пати Советскиот сојуз играше финале на континентален собир и секогаш беше поразен. Во 1964 од Шпанија, во 1972 од Западна Германија и во 1988 година од Холандија. Во два од трите порази играа против домашната селекција и немаа сили да го зададат завршниот удар. Генерацијата на Баришевски и Оришенко под водство на Александар Пономарев не можеше ништо да стори во бриселското финале на 18 мај 1972 година, кога наспроти себе ја имаше германската машина. Два пати Герд Милер и еднаш Херберт Вимер ја испишаа најубедливата победа во финалните мечеви на европските првенства се до финалето во Киев меѓу Шпанија и Италија минатото лето.
Русите започнаа да натурализираат фудбалери!
Претседателот на Руската фудбалска федерација и министер за спорт, Виталиј Мутко пред три години изјави дека сојузот во договор со селекторот ќе повика странски фудбалер да игра за Русија на ЕП во Франција.
И покрај тврдокорното противење на голем дел од јавноста, Русија во неколку колективни спортови има играчи од друга земја кои добиле пасош и право на настап.
Токму Американецот Џон Роберт Холден беше најзаслужен што Русија стана европски првак во кошарка. Во 2007 година, во финалето против домаќинот Шпанија, Холден со кош во последната секунда го реши европскиот шампион. Андреј Кириленко беше прогласен за МВП на тоа првенство, а Холден кој 9 години играше за ЦСКА стана идол на кошаркарската јавност во Русија.
Желба да добијат руско државјанство изразија напаѓачите Ари, Жоажињо Вандерсон (Краснодар) и Гиљерме (веќе натурализиран) од Локомотива Москва. Сите тројца се Бразилци.
„Се надевам дека до Европското ќе натурализираме уште некој фудбалер. Тоа е дел од концептот за подготовките, а ние имаме таква можност. Зборував со моите соработници и сите се за натурализирање на странски фудбалер“, изјавил Мутко.
