Дефанзивецот на Реал Мадрид, Рафаел Варан сака кариерата да ја продолжи во Манчестер Јунајтед.

Французинот веќе 10 години е во главниот град на Шпанија и сега сака да ја промени средината. Една од причините е и заминувањето на Зинедин Зидан од позицијата тренер и доаѓањето на Карло Анчелоти.

Манчестер Јунајтед е заинтересиран за доведување на Варан, но една пречките е големата плата која Французинот ја бара. Се споменува цифра од 400 илјади фунти неделно, што за Јунајтед е многу.

За Варан опција е и премин во ПСЖ, но одличниот стопер сепак сака кариерата да ја продолжи во Премиерлигата.

Манчестер Јунајтед и Борусија Дортмунд ги договорија сите детали околу трансферот на Џејдон Санчо, пишува „Дејли Мејл“.

Јунајтед го посакуваше англискиот репрезентативец уште минатото лето, но се одолговлекуваше со понудата, за Германците да одлучат на крај да се повлечат. Борусија тогаш бараше 120 милиони евра, но во овој трансфер период поради кризата ја спушти цената.

Како што пишуваат медиумите, Јунајтед за 21-годишниот фудбалер ќе плати 85 милиони евра и уште пет милиони во бонуси, па вкупниот износ на трансферот ќе биде 90 милиони евра.

„Преговорите траеја со недели, но сега се е готово. Јунајтед овој викенд би можел да го објави трансферот на Санчо на Олд Трафорд по Европското првенство. Со тоа е завршен трансферот на кој се работеше повеќе од една година и Солскјер конечно ќе го добие играчот кој го посакуваше.“ – пишува весникот.

Џејдон Санчо пристигна во Борусија летото 2017. година како 17-годишник од Манчестер Сити за само осум милиони евра. За Германците одигра 137 натпревари, постигнувајќи 50 погодоци и запиша 64 асистенции.

Селекторот на актуелниот светски шампион Франција Дидие Дешамп има многу проблеми пред мечот од осминафиналето на ЕУРО 2020.

После повредата на Дембеле и неговото напуштање на Европското првенство, потоа повредата на Лукас Хернандез и Дињ, по се изгледа на таа листа се придружија уште двајца.

Во прашање се Томас Лемар и Маркус Турам. Тие се повредиле во текот на последниот тренинг и речиси сигурно нема да настапат на мечот од осминафиналето. Лемар е во полоша состојба, затоа што тренингот го напушти со помош на лекарите, откако не можеше самиот да се движи.

Турам има проблем со повреда на мускулот, па ќе мора да оди на терапии.

Франција својот осминафинален натпревар го игра против Швајцарија во понеделник од 21 часот.

Милан и Јувентус се заинтересирани за португалскиот репрезентативец, Ренато Санчез, објавија дел од медиумите на „чизмата“.

Тој втора сезона игра фантастично во Лил со што го привлече вниманието на многу европски гиганти. Санчез е еден од најдобрите на неговата позиција и на Европското првенство.

Според наводите, францускиот состав за потписот на Португалецот бара 30 милиони евра.

Реал Мадрид има висок интерес за потписот на Александар Исак, пишува шпански АС.

Иако не постигна ниту еден погодок, шведскиот напаѓач воодушеви со своите игри на Европското прнвество и за него пројавуваат интерес се повеќе големи европски клубови. Покрај Реал, заинтересиран е и Арсенал, кој веќе воспостави контакт со Сосиедад и со агентот на играчот, па се наоѓа во најдобра позиција да го доведе.

АС тврди дека 21-годишниот Исак има желба да заигра за Реал, кој е во потрага по нов напаѓач. Желбата на Флорентино Перез е Килијан Мбапе и(ли) Ерлинг Халанд, но Реал во моментот не може да си дозволи такви трансфери. ПСЖ наводно за Французинот бара 200 милиони евра, а Борусија нема да го ослободи Халанд ова лето за помалку од 130 милиони евра.

Исак е многу поприфатлива опција, иако Реал Сосиедад не сака да спушти на помалку од 70 милиони евра, колку што изнесува клаузулата во неговиот договор.

Тренерот на Атлетико Мадрид, Диего Симеоне е многу близу до потпишување нов договор со клубот.

Двете страни преговараа веќе некое време и се блиску до постигнување договор, со само некои ситни детали што треба да се прецизираат пред официјално да се објави договорот.

Новиот договор на Симеоне ќе биде до 2024 година, а се очекува да има и зголемување на платата на тренерот.

На „Ванда Метрополитано“ не може да не бидат задоволни од работата на 51-годишниот Аргентинец, кој минатата сезона го водеше клубот до титулата во Ла Лига. Тој е на кормилото на оваа екипа веќе десет години, носејќи му на клубот две титули на домашен терен, еден Куп на Шпанија, еден Суперкуп на Шпанија, двапати ја освои Лигата на Европа и двапати го крена Суперкупот на Европа.

Екипите на Баерн Минхен и Борусија Дортмунд на гостински односно на домашен терен ќе ја започнат новата натпреварувачка сезона во германската Бундес лига.

„Баварците“ во првата рунда гостуваат кај Борусија Менхенгладбах, додека „милионерите“ на домашен терен го пречекуваат Антрахт Франкфурт.

Сезоната стартува на 14 август, а бранител на трофејот е Баерн Минхен.

Прво коло:

Борусија Менхенгладбах – Баерн Минхен

Арминија Билифилд – Фрајбург

Аугсбург – Хофенхајм

Борусија Дортмунд – Ајнтрахт Франкфурт

Келн – Херта

Мајнц – Лајпциг

Штутгарт – Гројтер Фурт

Унион Берлин – Баер Леверкузен

Волфсбург – Бохум