Големиот талент Фета Фетаи потпиша професионален договор со македонскиот прволигаш Работнички.

Тинејџерот е во првата екипа од почетокот на сезоната, веќе дебитираше за „романтичарите“ кои во него гледаат светла иднина, па поради тоа беше официјализиран договор за наредните четири сезони.

Фетаи кој е играч од средината на теренот е уште еден од плејадата талентирани фудбалери кои потекнуваат од школата на клубот и добиваат свое место во сениорскиот тим.

Работнички вториот дел од шампионатот во Првата лига ќе го започне на 19 февруари со гостување во Прилеп кај Победа.

Вилфред Бони пронајде нов ангажман и ќе игра во Боливија, во прволигашот Олвејс Реди.

Свонси во Европа настапуваше за Спарта, Витесе, Свонси, Манчестер Сити и Стоук, а откако започна падот во неговата кариера продолжи да игра во Азија во Ал Араби и Ал Атихад.

Се врати во Европа во холандскиот Нец Нијмеген во 2022 година, меѓутоа не играше поради многу повреди.Еден период беше на проба и во пониските лиги во Англија.

Откако го раскина договорот со НЕЦ како 33-годишник потпиша за боливискиот клуб кој е трикратен шампион на оваа земја.

Бентакур на мечот со Лестер постигна гол за водство на Тотенхем од 1-0, а потоа неговиот тим прими четири погодоци.

Сепак, тој се повреди во 65. минута и мораше да го напушти теренот.

Денешните детални прегледи покажаа скинати лигаменти. Тој ќе паузира од шест до осум месеци. За него оваа сезона дефинитивно е завршена, а нејасно е ни дали ќе може да ја почне следната.

Иднината на Тони Крос е главна тема во Шпанија бидејќи неговиот договор со Реал Мадрид истекува на крајот на сезоната.

Реал му понуди продолжување на соработката, но Крос се уште не става потпис, а за тоа не се причина финансиите, туку планира да стави крај на кариерата.

Раководството на шпанскиот гигант преговара со Крос, но очигледно не го разубедиле од идејата да замине во пензија.

„Реалноста е дека се уште размислувам. Постојано сум во контакт со клубот и сакаме да ги решиме овие работи. Ќе кажам што сум решил кога одлуката ќе биде конечна. Разгледувам многу работи“, кажа Крос.

Спортскиот директор на Милан, Паоло Малдини излезе во јавноста со коментар околу судбината на Рафаел Леао кој се ушт ене го има продолжено договорот со клубот.

Португалскиот офанзивец кој е меѓу најдобрите играчи на „росонерите“ има договор со клубот до 2024 година и доколку не го продолжи лесно може да се случи на лето да си замине од „Сан Сиро“ по прифатлива цена за заинтереисраните клубови.

Паоло Малдини потврди дека во моментов не се предвидени средби со претставниците на играчот на кои би се дискутирало продолжување на соработката, иако тие работат на тоа.

„Работиме на нов договор за Леао. Двете страни сме на иста линија, а сега не е вистински момент да мислиме на потпишување на истиот. Во моментов не се закажани никакви средби, но лесно може тоа да се случи преку видеоповик“, изјави Паоло Малдини.

Maкедонскиот вицешампион доведе комплетно нов тим во овој зимски преоден рок и единаесеттото ново име во Струмица е Нахуел Франко кој пристигнува од земјата на светскиот шампион, Аргентина.

Аргентинецот во Академија Пандев пристигнува од Росарио Централ каде што ја помина комплетната младинска школа. Со струмичкиот клуб потпиша договор на две ипол години.

„21-годишниот аргентински интернационалец стави потпис на две и пол годишен договор со Академија Пандев. Доаѓа од аргентинскиот прволигаш Росарио Централ, каде ја има поминато и целата младинска школа. Франко игра на позициите лев бек и лев централен дефанзивец. Со овој трансфер ја завршивме реконструкцијата на тимот за пролетниот дел од првенството. Добредојде Франко!“, објавија од Академија Пандев.

Милан е сериозно заинтересиран да го ангажира играчот од средниот ред на Ливерпул, Наби Кеита и тоа како слободен играч во текот на летото.

„Росонерите“ во Кеита гледаат идеална опција за засилување на средината на теренот. Претходно стана јасно дека играчот од средниот ред на Ливерпул ќе го напушти клубот на крајот на сезоната, кога ќе му истече договорот со „црвените“.

27-годишниот Наби Кеита беше купен од Ливерпул од РБ Лајпциг во летото 2018 година за 60 милиони евра.

Toтенхем нема да го откупи договорот на Клемент Ленгле од Барселона. Французинот минатото лето пристигна на едногодишна позајмица од Баерн Минхен, но Тотенхем нема да ја искористи опцијата за откуп.

Ленгле не го убедил Конте дека е вистинско решение на позицијата лев стопер, напротив, навивачите се сложни дека Бен Дејвис е подобра опција на тоа место. Барса се надеваше дека Тотенхем ќе го откупи затоа што не е во плановите на Чави.

Чави веќе има четворица квалитетни стопери во ротација, тоа се Роналд Араухо, Жил Кунде, Андреас Кристенсен и Ерик Гарсија, па така Ленгле ќе мора да бара нов клуб. Исто така извесно е дека на Конте примарна цел на лето ќе му биде нов стопер бидејќи нема премногу доверба ниту во Дејвисон Санчез.

Во Барселона Ленгле стигна од Севиља летото 2018 година за 35 милиони евра и беше одличен во првата сезона, но потоа целосно падна во последните две сезони.

Тренерот на Барселона, Чави, откри дека клубот е блиску до
потпишување нов договор со играчот од средниот ред Серхи Роберто.
Актуелниот договор со шпанскиот играч истекува на крајот од
сезоната.

„Тој е многу важен за тимот, може да игра на различни позиции.
Многу пати инсистирав да остане. Многу сме блиску до потпишување
на нов договор со Серхи“, изјавил Чави за „Мундо Депортиво“.

Поголем број од фудбалерите на ПСЖ имаат симптоми на вирусна инфекција, јавија француските медиуми.

Според информациите, на неколку играчи на главниот тим на парижани утрово им била дијагностицирана цревна болест. Симптомите на вирусот се повраќање, абдоминална болка и замор. Во моментов не е познат степенот на заразите, но се забележува дека тренерот на ПСЖ, Кристоф Галтие може да направи неколку промени во тимот со Баерн.

ПСЖ поради повреди од претходно не може да смета на Меси и Мбапе.