Германскиот фудбалски репрезентативец и член на Аталанта, Робин Госенс, влегува во радарот на тренерот на Манчестер Сити, Пеп Гвардиола.

Шпанскиот стратег на клупата на „граѓаните“ не крие дека му се допаѓа играта на левиот бек кој синоќа блесна на мечот со Португалија и беше прогласен за МВП.

26-годишниот Германец кој во претходната сезона постигна 12 голоа и направи осум асистенции, има договор со клубот од Бергамо до јуни во 2022 година.

Селекторот Игор Ангеловски би можел да седне на клупата на Фенербахче пренесуваат медиумите во Турција.

Турските медиуми објавија дека после поврзувањата на Златко Далиќ со Фенербахче сега и Ангеловски е во конкуренција.

Според информациите на турскиот „Фотомак“ вербалниот договор помеѓу двете страни е постигнат. Оваа информација доаѓа еден ден пред натпреварот помеѓу Македонија и Холандија кој се игра утре од 18:00 часот.

Инаку, Фенер е третиот клуб кој се поврзува со Ангеловски претходно се споменуваше како можен тренер на Џенова и Сампдорија.

Прославениот сенегалски интернационалец потпиша за 12. клуб во неговата кариера.

Овој 36 годишен напаѓач ја заврши епизодата во Башакешир и кариерата ќе ја продолжи во Швајцарија во редовите на Лугано.

Во својата богата кариера Демба Ба настапуваше уште за: Шангај Шенуоха, Гозтепе, Бешикташ, Челзи, Њукасл, Вест Хем, Хофенхајм, Мускрон и Руен каде што ја почно кариерата.

Најгоелмата трага ја остави во редовите на лондонсите сини за кои потпиша 14 голови.

Никола Миленковиќ одигра уште една одлична сезона и е на мета на многу европски гиганти.

Италијанските медиуми пренесуваат дека Јувентус сака да ја победи конкуренцијата и веќе стапил во контакт со Фиорентина.

Алегри сака да ја засили одбраната бидејќи не му верува на Демирал, а Киелини е на залез на кариера и често е повреден, па го одредил Миленковиќ како приоритет.

Србинот влегува во последната година од договорот и Фиорентина ќе мора да го продаде ова лето, а Јувентус веќе спремил понуда од 25 милиони евра.

Роберт Левандовски, кој на мечот со Шпанија го постигна 67-от гол за Полска,  се доближи до рекордот на легендарниот, Герд Милер, кој има дадено 68 голови во дресот на Германија.

На Левандовски му беа потребни 118 средби за да дојде до бројката од 67 голови додека Милер одигра 62 натпревара за „панцирите“ на кои дојде до бројката од 68.

Што се однесува до светскиот рекорд за најмногу постигнати голови во репрезентацијата, на првото место е Иранецот Али Даеи, кој постигна 109 голови. Португалецот Кристијано Роналдо има три гола помалку.

Новиот прволигаш, Брегалница потврди дека во Штип во следните две сезони ќе игра поранешниот репрезентативец на Македонија, Даниел Мојсов.

Македонскиот интернационалец стави потпис на двегодишен договор, а доаѓа како слободен играч откако му заврши договорот со АЕК Ларнака на Кипар.

„За нас претставува задоволство што добиваме големо засилување за новата прволигашка сезона. Се работи за искусен интернационалец, поранешен репрезентативец со богато интернационално искуство кој треба да донесе стабилност во тимот но и силен поттик за развој на младите фудбалери во нашиот состав“ – изјави спортскиот директор на Брегалница, Никола Тонев.

Тимот на Марјан Секуловски ги стартува подготовките за новата сезона во Штип, каде ќе се работи до 28. јуни кога следи преселбата во Пехчево.

Езгјан Алиоски и Лидс се пред разделба. Истата се најавува веќе подолго време, но не е сигурнa, јасно е дека клубот од Англија ќе мора да ја зголеми понудата ако сака да го задржи.

Македонскиот репрезентативец добил нова понуда која доаѓа од Русија, ЦСКА од Москва доставила понуда со 2,5 милиони евра по сезона, тврдат медиумите од Англија.

Алиоски досега имаше и понуди од Турција, ситуацијата останува нејасна, но со сигурност може да се каже дека Лидс ќе мора финансиски подобро да се потруди за да го задржи македонскиот репрезентативец.