Марко ван Бастен, кој направи извонредна кариера во Италија, не е импресиониран од напредокот на неговиот холандски сонародник Матијас Де Лихт во Серија А.

Пред две сезони, младиот играч ја одбра понудата на Јувентус со надеж дека ќе научи нови работи и дека ќе напредува. Сепак, поранешниот напаѓач не мисли дека поранешниот капитен на Ајакс направил напредок.

„Матијас отиде во Италија да се развива како дефанзивец, но мислам дека тој не научи многу. Тој мора да научи како да ја води одбраната – да се слушна неговиот збор кога е на теренот “, изјави Ван Бастен.

Шведска на Европското првенство игра доста добро без најдобриот стрелец во историјата и во првите два натпревари има четири бода, но нивните играчи и навивачи би сакале со нив да биде и Златан Ибрахимовиќ.

Меѓутоа, Златан за тоа време ужива на Мајорка. На Инстаграм објави видео како вози велосипед на стаза покрај морето, а истата снимка доби над милион лајкови.

За потсетување, стрелецот на 62 гола за Шведска пред три месеци се врати во репрезентацијата по скоро пет години.

На двата натпревари во квалификациите за СП беше асистент за два погодоци и стана најстариот репрезентативец (39) во историјата на својата земја.

Тој би бил патник и на ЕП, но непосредно пред објавувањето на списокот играчи го повреди коленото.

Хрватска во второто коло од групната фаза одигра нерешено 1:1 против Чешка и со тоа се доведе во ситуација да во последното коло против Шкотска и треба само победа како би осигурала пласман во осминафиналето барем со трето место во групата.

Иван Перишиќ сруши голем рекорд и оствари успех кој не му успеа ниту на Давор Шукер или Марио Манџукиќ, но натпреварот хрватските навивачи ќе го паметата и по еден негативен рекорд. Хрватска не успеа да победи во првите два натпревари од групата.

Тоа за последен пат и се случи на Светското првенство во Германија во 2006. година кога најпрво загуби од Бразил, а потоа одигра без голови со Јапонија. Во последното коло се опрости од турнирот по ремито со Австралија, а само еднаш пред тоа имаше полош влез на турнир – на ЕУРО 2004. година.

Клучниот натпревар за „коцкестите“ се игра во вторник со почеток во 21. часот на Хемпден Парк во Глазгов.

Константин Чешмеџиев и официјално е нов играч на Шкупи и во новата сезона ќе го носи дресот на оваа екипа.

Тимот од Чаир денеска го промовираше 25-годишниот фудбалер, кој доаѓа од тимот на Вележ со кого пред неколку дена ја прекина соработката.

„Првите контакти со луѓето во клубот беа уште пред еден месец, ми ги претставија своите планови за иднината на Шкупи и веднаш стана јасно дека тоа е сериозен проект. Клучно беше то што тимот се натпреварува во европските купови, но и што тренер е Гоце Седлоски, од кого ќе можам многу да научам“, изјави Чешмеџиев на промоцијата.

По десет години, поранешниот репрезентативец на Англија, Ешли Јанг се врати во клубот од каде започна неговата кариера, а тој тврди дека штом разбрал за интересот, јасно му посочил на агентот да го договори сето тоа.

Јанг си замина од Астон Вила за да се приклучи на Манчестер Јунајтед пред десет години, а ја освои Серија А во дресот на Интер минатата сезона. Како што и самиот 35-годишен фудбалер вели, штом слушнал за интересот на Премиерлигашот, не се двоумел воопшто.

„Кога слушнав за интересот на Астон Вила, веднаш му порачав на агентот да го договори сето тоа, како знае, како умее, договор мора да биде постигнат.“ – рече Јанг.

Фудбалерот на Франција, Кингсли Коман, денес доби дозвола од селекторот и од УЕФА да ја напушти базата на „триколорите“ во Париз и да присуствува на пораѓањето на неговата сопруга.

Французите на стартот ја совладаа Германија со 1-0 а утре ги очекува пресметката со Унгарија на стадионот во Будимпешта.

Одлуката за временото отсуство на Коман е донесена во договор со челниците на УЕФА бидејќи репрезентативците се обврзани на строги протоколи поради пандемијата со ковид-19.

Серхио Рамос денес и официјално го напушти Реал Мадрид после цели 16 години, па веќе започна битката за неговиот потпис.

Рамос не успеа да најде заеднички јазик со Реал Мадрид за продолжување на соработката и сега е слободен агент. Иако има 35 години дефанзивецот веќе има неколку понуди. 

Шпанските медиуми тврдат дека најсилен интерес покажуваат клубови од Манчестер и ПСЖ, кои се спремни да ги задоволат неговоте финансиски барања.

Фаворит за неговиот потпис е Пари Сент Жермен, кој е во напредни преговори со неговиот агент и му нуди двегодишен договор и плата од 10 милиони евра по сезона.