Серхио Рамос и Реал Мадрид синоќа објавија дека шпанскиот дефанзивец ова лето ќе го напушти клубот, а со неговото заминување останува празно местото капитен во мадридскиот клуб.

Шпанска „Марка“ денеска пишува дека Марсело, Карим Бензема и Рафаел Варан се играчите кои ќе ја преземат траката, со тоа што, Марсело ќе биде капитен, а Бензема и Варан негови заменици.

Марсело ќе стане првиот „странски“ капитен на Реал Мадрид уште од 1904. година, 15 години по доаѓањето во клубот. Англичанецот Артур Џонсон беше првиот странец капитен на клубот, во далечната 1902. година.

Заменет беше од Кубанецот Хозе Гиралт, додека последен странец кој ја носеше траката на Реал беше од Гватемала, Федерико Ревиерто. По него, сите капитени беа шпанци.

Рамос освои 12 титули во своите шест сезони како капитен, повеќе од Икер Касиљас (кој освои седум во пет години) и Раул (кој освои четири во седум години).

Фудбалерите на Аргентина и Уругвај ќе се сретнат во второто коло од групата А на Копа Америка.

Фокусот сигурно ќе биде насочен кон одличните пријатели и поранешните соиграчи од Барселона, Лионел Меси и Луис Суарез.

Суарез минатото лето се пресели од Барселона во Атлетико, на што Меси не се согласуваше, а подоцна ја освои титулата шампион на Шпанија со 21 погодок.

„Имам одлично пријателство со Лео. Но, објективно, тоа не постои на теренот. Исто е и кога играв против Барселона, а сега ќе биде и против Уругвај”, изјави Суарез.

Во првото коло Аргентина ремизираше 1: 1 со Чиле, додека Уругвај одмараше.

„Аргентина е многу добар тим, ќе биде комплицирано. Ние ќе се обидеме да не им дозволиме да создадат многу шанси, тие се премногу силни во нападот. Сепак, тие исто така имаат слабости и на нас е да ги искористиме и да се обидеме да ја искористиме секоја шанса.“ – заклучи тој.

Калвин Филипс, кој имаше одлична сезона во дресот на Лидс и успеа да се избори за место во репрезентацијата на Англија на Европското првенство, може да добие понуда од Реал Мадрид.

Наводно, новиот тренер на „кралевите“, Карло Анчелоти, го гледа Филипс како идеална замена за ветеранот, Лука Модриќ, кој треба да ја одработи последната сезона кај „белите“.

Филипс на Евро 2020 имаше одличен настап на мечот со Хрватска и беше асистент на единствениот погодок кој го реализираше Рахим Стерлинг и кој им донесе три бода на Англичаните.

Италијанските медиуми од синоќа пишуваат за веста која ја потврди и Фабрицио Романо, еден од најсигурните италијански, а и светски спортски новинари.

Џенаро Гатузо по само 20 дена во клубот ја напушта Фиорентина. Прекинот на соработката на поранешниот тренер на Наполи и клубот од Фиренца треба да се официјализира наскоро.

Раи и Скај Спортс тврдат дека нема шанси да се промени одлуката на Гатузо и наведуваат дека го напушта „Артемио Франки“ со спогодбен раскин на договорот.

Веќе при првите разговори за трансфери дојде до високи тензии помеѓу Гатузо и претседателот на клубот, Роко Комисо. Главниот човек на Фиорентина беше незадоволен од тоа што Гатузо за засилувања бараше играчи на кои им е менаџер Жорге Мендеш, истиот менаџер кој се грижи и за неговата кариера.

Фиорентина сакаше да доведе поефтини играчи, а Гатузо заговараше за клиенти на Мендес и тука дојде до несогласувања.

Белгискиот репрезентативец, 25-годишниот Тимоти Кастањ го заврши својот настап на Европското првенство уште при првиот наптревар. Во победата на Белгија од 3:0 над Русија, Кастањ се судри со главите со Русинот Далер Кузјаев во 26. минута од натпреварот.

Кастањ доживеа двојна скршеница на очната празнина во тој судар и нема да може да игра фудбал во следните шест до осум недели. Со самото тоа, нема да може да настапи во продолжението на Европското првенство.

Кастањ мораше на операција која траеше шест часа. Изведена му беше реконструкција на очната празнина, а доколку ударот беше три сантиметри подлабок, кариерата на Кастањ веројатно ќе беше завршена, пишуваат белгиските медиуми.

Белгија денеска го игра вториот натпревар на ЕП против Данска.

Штутгарт потврди дека потпишал договор на четири години со голманот Флоријан Милер.

Тој доаѓа како замена за Грегор Кобел кој се пресели во Борусија Дортмунд. 23-годишниот Милер во минатата сезона настапи како позајмен во Фрајбург и остави одличен впечаток.

„Развојот на Флоријан Милер во последниве години е навистина импресивен. Неговиот потенцијал, со оглед на неговата младост, неговиот карактер и менталитет, го прави совршено ново засилување”, рече спортскиот директор на Штутгарт, Свен Минзлинтат.

Дефанзивецот на Русија, Марио Фернандес, нема повреда на ‘рбетниот мозок, покажаа деталните лекарски прегледи, соопшти раководството на руската фудбалска репрезентација. Тој денеска беше изнесен на носилки во 26-та минута  на средбата со Финска која и припадна на „Зборнаја“ со минимални 1-0.

„Според резултатите од прегледот, Марио Фернандес нема повреди на ‘рбетот. Тој ќе замине со тимот за Москва и ќе биде под надзор на лекарите од руската репрезентација”, се вели во соопштението.

Русија последниот меч од групната фаза ќе го одигра против Данска на 21 јуни во Копенхаген.

Италијанските медиуми ја загрижија светската јавност со објавата пред натпреварот помеѓу Италија и Швајцарија дека е пронајден автомобил-бомба во близина на стадионот во Рим.

Автомобилот се наоѓал во близина на стадионот, каде што играа двете репрезентации, а навивачите наводно забележале некаков чуден предмет во него и веднаш повикале полиција.

Службените лица пристигнале во 17. часот по локално време пред почетокот на натпреварот, и во контролирана експлозија го уништиле автомобилот.

Екипата на Вотфорд која се врати во Премиер лигата на Англија ја засили во одбраната со Дени Роуз кој летово го напушти Тотенхем.

Бекот се согласи на двегодишен договор и ќе му се приклучи на новиот тим како слободен агент од 1 јули. Роуз во 2008 и 2009 година или во почетокот на кариерата, одигра неколку мечеви за Вотфорд како позајмен играч.

Тој тогаш успеа да се избори и за место во репрезентацијата. Црномурестиот дефанзивен фудбалер за Тотенхем одигра 241 натпревар.