Англиските медиуми ја пренесуваат веста дека постои можност Вејн Руни да го замени Рафаел Бенитез на тренерската позиција во Евертон.

Екипата на Евертон во последно време забележува очајни резулати и во последните девет натпревари имаат само една победа и шест порази. 

Челните луѓе на клубот веќе размислуваат за ангажирање на нов тренер при што се споменува името на поранешниот играч на Евертон и сегашен тренер на Дерби Каунти, Вејн Руни.

Екипата на Париз Сен Жермен на повторената ждрепка од УЕФА, за свој противник во осминафиналето од Лигата на шампиони го доби Реал Мадрид, кој можеби е еден од најсериозните конкуренти за титулата.

Сепак тренерот на ПСЖ во самоуверена изјава вели дека неговиот тим е доволно моќен за да го елиминира Реал Мадрид во нивниот двомеч.

„Очекувам тежок дуел бидејќи Реал располага со топ екипа и искусен тренер. Тие се навикнати на успеси во Лигата на шампионите имајќи ја во предвид нивната богата историја на освоени трофеи. Бидејќи натпреварите се закажани за февруари најбитно ќе биде дотогаш да ја подигнеме формата на нашата екипа. Имам огромна доверба во нашите играчи кои се спремни да го победат било кој тим, вклучително и Реал Мадрид. Целта на ПСЖ е само победа“, изјави Почетино. 

Фудбалскиот клуб Наполи објави добра вест дека повредата на македонскиот фудбалер Ељиф Елмас не е сериозна и дека тој ќе биде подготвен за настап на дерби натпреварот против Милан овој викенд.

Елмас се пожали на болка и беше принудно заменет на натпреварот против Емполи во кој неговиот Наполи забележа пораз од 0:1.

Тренерот на екипата, Спалети ќе може да смета на 22-годишниот фудбалер  за кого во повеќе наврати изјави дека е одличен играч за повеќе позиции во тимот и со сигурност ќе биде од голема корист за дуелот против второпласираниот Милан.

Елмас оваа сезона има гол и асистенција во Серија А, но и пет погодоци во Лига Европа.

Милан до крајот на годината нема да може да рачуна на услугите од напаѓачот Рафаел Леао.

Тој заработи повреда која ќе го оддалечи од терените до јануари. 22-годишниот Португалец се повреди на дуелот со Салернитана на почетокот од месецов на кој „росонерите“ славеа со 2:0.

Од медицинскиот тим на Милан објаснуваат дека повредата на мускулот не е од сериозен карактер но поради бавното закрепнување неговото враќање во тимот ќе биде пролонгирано.

Леао сигурно ќе ги пропушти натпреварите со Наполи и Емполи, но се очекува да биде на располагање на тренерот Пиоли за дерби натпреварот со Рома закажан за 6 јануари.

Напаѓачот на Евертон, Ричарлисон, поради повреда нема да игра за својот тим во наредните неколку недели. 

24-годишниот Бразилец се пожали на болка и беше заменет на полувремето од натпреварот со Кристал Палас во кој Евертон беше поразен со 1:3.

Дополнителните лекарски прегледи покажаа дека се работи за кинење на мускулот од десната потколеница за што следува неколку неделно опоравување.

Ричарлисон оваа сезона има пад во формата и за Евертон успеа да постигне само 3 гола.

Францускиот прволигаш Сент Етјен го постави Паскал Дупра за нов тренер на екипата. Тој доаѓа на местото од Клод Пуел кој доби отказ од клубот минатиот викенд, после поразот на домашен терен од Рен со 0:5.

Дупра претходно беше тренер на второлигашот Каен но и тој беше отпуштен минатиот март и досега не беше ангажиран од ниту една екипа. 

Тој има искуство од преземање на клуб кој се наоѓа во резултатска криза бидејќи во 2016 успеа да го спаси од испаѓање тимот на Тулуз.

Екипата на Сент Етјен се наоѓа на дното од француската Лига 1 со 12 бода после 18 одиграни натпревари.

Голгетерот на Баерн Минхен, Роберт Левандовски, го израмни рекордот на легендарниот Герд Милер по бројот на постигнати голови во Бундеслигата за една календарска година.

Репрезентативецот на Полска, постигна два гола во победата над Штутгарт со 5:0 и веќе ја достигна бројката од 42 погодоци во 2021 година, и се изедначи со легендарнииот Герд Милер кој вакво достигнување направи во 1972 година.

Левандовски може да го собори рекордот на последниот натпревар за оваа година кога Баерн игра против екипата Волфсбург.

Артур Мело пристигна во Јувентус како скапо платено засилување, но испадна како најголемо промашување во поновата историја на клубот.

Неговиот трансфер од Барселона беше проценет на 72 милиони евра, а Јувентус плати 15 милиони евра плус Миралем Пјаниќ.

Јувентус сака што побрзо да се ослободи од него и е спремен да го испрати на 18-месечна позајмица со право на откуп.

Екипата на ПСЖ има намера да го доведе играчот на Реал Мадрид, Винисиус Жуниор.

 Ова би претставувало еден вид на одмазда поради тоа што „Кралскиот клуб“ веќе е извесно дека ќе потпише договор со ѕвездата на французите, Килијан Мбапе.

21-годишниот Винисиус сеуште го нема продолжено договорот со Реал Мадрид иако неодамна изјави дека би сакал да остане во шпанскиот гигант. Сепак челниците на ПСЖ ќе се обидат со примамлива финансиска понуда да го убедат играчот да се пресели во нивните редови каде би бил соиграч на неговите сонародници Нејмар и Маркињос.

Деле Али најверојатно ќе го напушти Тотенхем во јануари, бидејќи Антонио Конте нема да смета на него во остатокот од сеозната.

25-годишниот играч за врска има договор со Тотенхем до јуни 2024 година и клубот сигурно ќе сака солидно обештетување за Англичанецот.

Заинтересираните клубови не се спремни да потрошат голема сума во јануари, па затоа голема е веројатноста Деле Али да замине во некој клуб на позајмица. Деле Али играше содлично од почетокот на сезоната под водство на Еспирито Санто, но Конте јасно му порача дека не се вклопува во неговата формација

Интерес за играчот за врска покажуваат Њукасл, Вулверхемптон и Астон Вила, па готово сигурно Англичанецот ќе го напушти Тотенхем во јануари.