Репрезентативецот на Јапанија, Асано избега од Партизан откако еднострано го раскина договорот и објави на социјалните мрежи. Асано е незадоволен што редовно не добивал плата и таа што ја добивал не била во цел износ и затоа се решил да стави крај на неговото време во Партизан и среќата да ја побара на друго место. „Јас, Такума Асано го раскинав договорот со Партизан. После мачењето некое време донесов тешка одлука. Мислам дека клубот не ме почитуваше доволно. Некое време не ми ја иплаќаше платата на време, а таа што ја добивав не беше во полн износ. И денес има долг кон мене кој не е подмирен. Тешко ми е што заминувам во вакви околности затоа што Партизан е клуб во кој поминав важен дел од животот“, стои во дел објавата на Асано.

Фудбалерите на Славија Прага ја освои третата последователна титула во Чешка и 21-та во својата клупска историја. Славија го обезбеди трофејот на пет кола пред крајот на шампионатот откако главниот и лут градски ривал Спарта Прага одигра само 2-2 на гостувањето кај Либерец. Така, Славија започна да ја слави титулата уште пред почетокот на нивниот натпревар од колото против Викторија, кој на крајот го добија со убедливи 5-1. Екипата на Славија е недостижна на врвот со 78 бода, Јаблонец е втор со 62, а Спарта е трета со 59 бода и натпревар помалку.

Јирген Клоп даде коментар за најавите дека Вирџил Ван Дајк би можел да се врати на терените на Европското првенство ова лето. Ван Дајк речиси цела сезона е надвор од терените поради сериозна повреда која ја здоби на натпреварот со Евертон уште во октомври и се уште не е доволно заздравен за враќање во натпреварувачки ритам. Европското првенство започнува на 11 јуни, а Клоп смета дека тоа би било прерано за враќање на 29 годишниот стопер кој би можел да си ја уништи кариерата ако заигра на континенталниот собир. „Не сакам да го запирам Вирџил, но исто така не можете ни да го форсирате. Сите сме долго во оваа работа и знаеме дека ако сакаш да играш треба претходно да тренираш. Тоа си бара недели подготовка, не само една недела. Не може да бидете десет или 11 месеци надвор, да тренирате една недела и потоа да заиграте фудбал. Тоа не е возможно“, вели Германецот.

Арсенал е на продажба, и тоа не само сега.
Извори блиски до клубот потврдија дека Стен Кренке се обидува да го продаде клубот веќе неколку години, но кризата со пандемијата ја намали цената. Американецот и пред неколку денови рече дека нема да го продаде Арсенал, но наводно би се согласил на сума од околу 1,7 милијарди евра. Сопственикот на „Спотифај“, Даниел Ек изјави дека ќе испрати понуда, ќе направи конзорциум со поранешните ѕвезди Виеира и Анри, но беше дочекан „на нож“ кај англиските медиумми.
Иако тврди дека од мали нозе е навивач на Арсенал, швеѓанецот не го следи Твитер профилот на клубот, а и никој досега не успеал да ги потврди неговите зборови дека го гледал Арсенал во живо.
Поранешниот акционер Алисер Усманов и нигерискиот милијардер Алико Данготе заеднички сакаа да го преземат клубот, но Американците бараа 1,7 милијарди фунти. Дали сега ќе се согласат на помалку, останува да видиме. Арсенал губи пари, навивачите долго се против сопствениците, а слабите партии во првенството веќе одамна го елиминираа клубот од борбата за сериозен пласман.

Зенит стана шампион на Русија, откако вчера го совлада Локомотив Москва во 28. коло од руската Премиер лига со фантастични 6-1. Ова е 8-ма шампионска титула за тимот од Ст. Петерсбург. „Сино- белите“ го освоија рускиот шампионат седум пати, а исто така на своето конто имаат една шампионска титучла во поранешниот Советски Сојуз, од 1984 година. Тимот од „Газпром Арена“, по третпат, ја освои шампионската титула под водство на главниот тренер Сергеј Семак.

Роберт Левандовски би можел ова лето да го напушти Баерн Минхен. Како што пренесува дека германски „Скај“, Левандовски сериозно размислува да го напушти Баерн Минхен бидејќи сака нова авантура во својата кариера. Менаџерот на Левандовски, Пини Захави сака да преговара со заинтересираните клубови,а цената на Полјакот би била 60 милиони евра. Јулијан Нагелсман ќе биде нов тренер на Баерн од следната сезона, па сигурно сака да го подмлади тимот, а тоа значи дека Левандовски може да биде продаден.

Лукас Васкез е блиску до продолжување на договорот со Реал Мадрид. Договорот на Васкез истекува на крајот на сезоната, па долго време се шпекулираше дека двете страни не можат да се договорот и дека ќе си замине како слободен агент. „Кралевите“ испратиле нова, подобрена понуда, а 29-годишниот фудбалер е спремен да ја прифати и да продолжи да го носи дресот на Реал Мадрид. Васкез ќе добие договор на три години со можност за продолжување на уште една сезона, со годишна плата од пет милиони евра.

Родриго де Паул игра фантастично во Удинезе и оваа сезона, па
наскоро би можел да направи трансфер во Милано.
Италијанските гиганти веќе подолго време го следат Де Паул, а
медиумите тврдат дека „росонерите“ веќе презеле конкретни чекори
за негов ангажман.Пиоли смета дека Аргентинецот ќе му го донесе потребниот квалитет на средината на теренот бидејќи Де Паул може да игра на повеќе позиции во средниот ред.
Удинезе за неговата слобода бара 40 милиони евра, а Милан веќе
испратил прва понуда. Имено, „росонерите“ нудат кеш плус Петер
Хауге, кој оваа сезона постигна осум гола и покажа дека е голем талент.

Челзи ќе биде многу активен во летниот преоден рок, а приоритет ќе биде доведување на врвен напаѓач. Томас Тухел како приоритет означил доведување на нов напаѓач затоа што Вернер не воодушеви, но нема да биде отпишан и да дојде нов напаѓач. На „Стенфорд Бриџ“ се надеваат дека ќе успеат да ја добијат битката за потписот на Ерлинг Халанд, иако се свесни дека трансферот ќе биде многу скап. Лондонскиот тим има план да продаде неколку фудбалери за да ги собере потребните 200 милиони фунти за трансферот на Халанд.

Мино Раиола, еден од најмоќните фудбалски менаџери, даде големо интервју за шпански „АС“. Во него говореше за Суперлигата, но и за иднината на некои од неговите најпознати клиенти, како
што е Пол Погба. За него кажа дека најважно е дека она што Јунајтед го сака, но и дека негов сон е да игра за Реал Мадрид, како и дека идол му е Зинедин Зидан. Раиола се осврна и на гласините за можна размена Азар- Погба.
„Ништо не е невозможно, ова е фудбал и секој ден е различен. Морате да бидете подготвени на сите можности. Што ако утре Реал предложи и сите четири страни бидат заинтересирани. Има смисла, зар не?“, вели славниот менаџер.