Финансиските проблеми на Интер немаат крај и клубот и ова лето ќе мора да продава некои од своите најдобри фудбалери.

За клубот да функционира нормално му е потребен приход од 70 милиони евра и затоа ова лето повторно се очекува заминување на некоја од ѕвездите.

Италијанските медиуми пренесуваат дека Интер одлучил да го стави на продажба Алесандро Бастони и ќе го продаде ако добие понуда од 60-70 милиони евра.

Интерес за младиот дефанзивец покажуваат Манчестер Сити и Баерн Минхен, а Интер ќе се согласи на продажба ако пристигне понуда повисока од 60 милиони евра.

„Газета дело Спорт“ открива дека во тој случај „нероаѕурите“ ќе се насочат кон капитенот на Милан, Алесио Ромањоли, во кого гледаат евтина замена за Бастони, бидејќи му завршува договорот и може да пристигне без обештетување.

Раководството на Болоња најверојатно преговара со тренерот на украински Шахтјор, Роберто де Зерби, за преземање на тимот следната сезона.

Според италијанските новински агенции, актуелниот тренер на италијанскиот клуб Синиша Михајловиќ може да ја напушти функцијата поради здравствени проблеми. Де Зерби е подготвен да го заземе неговото место, со плата од најмалку 2 милиони евра годишно.

Јувентус има две опции како евентуални наследници на Џорџо Киелини во дефанзивата на тимот за следната сезона. Станува збор за двајца дефанзивци од Арсенал и Наполи кои се позиционирани како потенцијални засилувања на стоперската позиција. Станува збор за младиот 24-годишен дефанзивец на Арсенал, Габриел, како и на далеку поскапиот и поатрактивен дефанзивец на Наполи, Калиду Кулибали.

Киелини го одигра последниот меч пред навивачите на Јувентус во претпоследното коло на Серија А и најави дека ја завршува долгогодишната кариера во еден од најпопуларните италијански клубови

Напаѓачот на Баерн, Роберт Левандовски по се изгледа ја заврши сагата околу заминувањето од Баварија. Како што објави италијанскиот новинар Николо Шира, 33-годишниот Полјак се договорил со каталонскиот клуб за соработка до 2025 година.

Сега Барселона ќе се обиде да ги прецизира деталите од трансферот со неговиот се уште актуелен клуб. Договорот на Левандовски со Баерн е до 30 јуни 2023 година.

Голманот на Париз Сен Жермен, Џанлуиџи Донарума, е прогласен за најдобар голман во изминатата сезона во францускиот фудбалски шампионат.

Голем број на фудбалски фанови имаат мислење дека оваа награда не отиде во вистински раце, бидејќи голманот од Италија, бранеше на само 16 од можните 38 натпревари во првенството на Франција. Донарума успеа да ја зачува мрежата на само пет натпревари од оние 16 на кои бранеше.

Некогашниот тренер на Вардар и Академија Пандев, немаше забележителен успех во неговиот прв ангажман надвор од границите на Македонија, бидејќи многу брзо ја напушти тренерската позиција во ФК Сараево од Босна и Херцеговина.

Според неговите најави за медиумите, постојат големи шанси негов следен ангажман да биде повторно во Македонија. Имено Васоски е во преговори за тренер на клуб од домашното првенство, а според некои информации можно е тој да стане и нов селектор на репрезентацијата до 21 година.

Реал Мадрид е силно заинтересиран за играчот на Њукасл и бразилски репрезентативец, Бруно Гимараеш.

24-годишниот играч за врска игра фантастично и го привлече вниманието  на многу европски гиганти. Њукасл ја победи конкуренцијата и во јануари за 50 милиони евра го доведе во своите редови, а Бразилецот продолжи со одличните партии во Премиер лигата.

Реал спрема реконструкција на средниот ред за следната сезона, па Гимараеш ќе биде една од примарните трансфер цели.

Анчелоти смета дека Бразилецот може да биде алтернатива како за Каземиро така и за Крос, па сака да го доведе на „Сантиаго Бернабеу“.

Германскиот играч за врска од Манчестер Сити, Илкај Гундоан, кариерата би можел да ја продолжи во Барселона.

Според италијанскиот новинар Фабрицио Романо, 31-годишниот Германец е мета на интерес кај Барселона и лондонски Арсенал.

Гундоан оваа сезона во Премиер лигата забележа 26 настапи за Сити, постигнувајќи шест гола и четири асистенции. Вчера стана јасно дека тој добил информација дека може ова лето да го напушти клубот и да си побара нова средина.

Дел од германските медиуми пишуваа дека Гундоан би можел да замине и во американската МЛС лига.

Барселона потврди дека е продолжен договорот со Французинот Дика Мем.

Дика Мем имаше договор до 2024 година и се споменуваше дека ПСЖ сака да го доведе во своите редови, а сега е јасно дека тоа нема да се случи. Новиот договор на одличниот француски ракометар со Барселона има важност до 2027 година.

„Многу сум среќен што го продолжувам договорот, од самиот почеток тоа беше мојата желба. Не размислував за понудите од други клубови, Барселона секогаш беше мојот прв избор. Сега сум мирен и можам да се фокусирам на други работи“, изјави Дика Мем при потпишувањето на договорот.

Тренерот на Тотенхем, Антонио Конте, планира да ги откупи договорите на Дејан Кулушевски и Кристијан Ромеро.

Тотенхем направи вистински резултатски подвиг оваа сезона во Премиер лигата, и најверојатно ќе обезбеди пласман во Лигата на шампионите за наредната година.

Голема заслуга за остварување на добрите резултати имаат играчите Кулушевски и Ромеро, кои во Лондон пристигнаа како позајмени играчи. За Кулушевски кој на 17 натпревари постигна 3 гола и запиша осум асистенции, Јувентус побарува 35 милиони евра, додека за останување на аргентинскиот репрезентативец, Ромеро, Тотенхем на Аталанта ќе мора да му исплати 45 милиони евра.