Тренерот на Париз Сен Жермен, Маурисио Покетино изјави дека неговиот тим го очекува тежок дуел со Манчестер Сити во рамки на Лигата на шампионите.
„Ние сме мирни. Знаеме дека ќе мора многу да се бориме за да победиме еден фантастичен тим како Манчестер Сити. Ќе биде тешко и ќе мора да играме најдобро што можеме.”, рече Покетино на прес-конференцијата.
Аргентинецот зборуваше многу за Сити и тренерот Пеп Гвардиола.
„Мислам дека Сити е еден од најголемите тимови во светот со, исто така за мене, најдобриот тренер. Дали ќе биде потешко отколку против Баерн? Не знаеме.”, рече Покетино.
Првиот натпревар од полуфиналето во Лигата на шампионите ПСЖ и Сити го играат вечерва од 21. часот во Париз, а најголемата понуда за овој натпревар ќе ја најдете на www.evrotip.mk.

Едуардо Камавинга привлече вниманието на многу европски гиганти.
18- годишниот играч за врска веќе подолго време се поврзува со трансфер во Реал Мадрид, но последните информации се дека е на чекор од трансфер во Баерн Минхен.
Камавинга со своите настапи го привлече вниманието на многу европски гиганти, а дека станува збор за вонсериски талент говори и фактот дека веќе го доби епитетот „новиот Погба“ и дебитираше за француската репрезентација.
Приоритет на Баерн Минхен во летниот преоден рок ќе биде засилување на средниот ред, а веруваат дека Камавинга ќе биде идеално решение.

Првите луѓе на фудбалскиот состав, Рома, успеале да го убедат Маурицио Сари да го преземе кормилото на „римската волчица“ во текот на летото иако има активен договoр со Јувентус до 2022 година.
Искусниот стратег најверојатно ќе мора да и плати отштета на „старата дама“ од 2,5 милиони евра за да го раскине договорот и да биде слободен да ги води „римјаните“.
Според медиумите, тренерот од Тоскана и спортскиот директор на Рома, Лопез, набрзо ќе имаат состанок за да ги прецизираат сите детали.

Навивачите на Милан не се воодушевени од голманот Џанлуиџи Донарума, а нервозата околу продолжувањето на договорот со клубот дополнително е зголемена и со реакцијата по убедливиот пораз од Лацио.
Милан од борба за титулата, сега стигна на позиција која не води ниту во Лигата на шампионите, на само пет кола пред крајот.
Лацио го „прегази“ на домашен терен, а по крајот на натпреварот навивачите го забележаа Донарума како во добро расположение разговара со колегата од Лацио, Пепе Реина.
Според пишувањата на Газета дело Спорт, навивачите оваа реакција ја дочекаа „на нож“, па насловот на овој познат весник гласи: „Џиџи, нема причини за насмевки.“
Договорот на голманот, кој пред неполни шест години како 16-годишен доби шанса во првиот тим, истекува на 30. јуни, а засега нема знаци дека истиот ќе биде продолжен.

Шпански „Ас“ тврди дека Зинедин Зидан им соопштија на седуммина од првиот тим дека може и официјално да си бараат нови клубови и ова лето ќе бидат продадени.
Јовиќ, Иско, Мариано, Марсело, Себаљос и Варан нема да бидат дел од клубот за следната сезона а од нивната продажба, Реал Мадрид очекува да заработи околу 250 милиони евра.
Зидан е решен ова лето да добие барем една мега ѕвезда, Мбапе или Халанд со што ќе се врати епитетот на клуб кој не се одбива.
Неофицијално, Реал Мадрид во летниот преоден рок ќе има на располагање околу 150 милиони евра, па со овие 250 милиони евра собрани од продажбата на седуммината, јасно е дека во Мадрид ќе пристигнат сериозни засилувања.

По отказот на Жозе Мурињо, се нагодува кој ќе ја преземе клупата на Тотенхем, а прва желба на претседателот Даниел Леви беше Јулијан Нагелсман.
Меѓутоа, веста дека Баерн одлучи да ги прифати барањата на Лајпциг и ќе исплати помеѓу 20 и 25 милиони евра за трансфер на најбараниот тренер, што ќе биде нов светски рекорд, го натера Тотенхем да размислува за други цели.
Во игра се повеќе имиња, а „Телеграф“ пишува дека помеѓу нив се истакнува тренерот Ерик тен Хак, кој во 2019. година го одведе Ајакс до полуфиналето во Лигата на шампионите, а сезонава веќе практично ја осигура титулата во домашното првенство со 12 бодови предност над ПСВ на четири кола пред крајот.
Неговото доаѓање посебно ќе го воодушеви Пјер-Емил Хојбјерг, кој најмногу се истакнува од овосезонските засилувања на лондонскиот клуб. Тен Хаг како тинејџер го водеше во вториот тим на Баерн, а минатото лето сакаше да го доведе во Ајакс.
„Навистина сакав да го доведам и бевме блиску. Разговаравме повеќе пати, тој навистина ќе ја подобреше нашата екипа.“ – изјави тогаш Тен Хаг за холандските медиуми, а Англичаните деновиве потсетуваат на таа изјава.

Тоа што го најавија шведските медиуми пред неколку дена сега доби потврда – УЕФА отвори истрага против Златан Ибрахимовиќ.
Имено, Ибра поседува акции во онлајн обложувалница и тоа според правилата на ФИФА е строго забрането. Фудбалерите, тренерите и останатите учесници во спортот не смеат никако да се поврзуваа со обложувалници.
Наводно, Златан го прекршил правилото така што со својата компанија имал 10% од акциите во една обложувалница регистрирана во Малта.
УЕФА денес официјално започна истрага, а во случај да дојде до казна Ибрахимовиќ би можел да бисе суспендиран на три години, воедно тоа би значело крај на кариерата.

Судирот помеѓу УЕФА и најбогатите европски клубови кои сакаат или сакаа да основаат свое натпреварување се уште е тема на која не и се гледа крајот, а разговорите на вљубениците во фудбалот наскоро би можеле да тргнат во друга насока, откако „протече“ планот на УЕФА за Лигата на шампионите во блиска иднина. Во прашање е изгледот на натпреварувањето од 2027. година.
Според документацијата, УЕФА наводно планира да ја оформи Лигата на шампионите на следниот начин:
Групите би се формирале со извлекување на клубови од десет групи во кои би можеле да бидат по максимално два клубови од една земја. Тие би биле составени според коефициентите на клубовите, на многу од нив ќе им гарантира настап во натпреварувањето, а на другите ќе им даде можност за пласман преку квалификациите.
Со ждрепка ќе биде одлучен изгледот на четири групи со по десет клубови во секоја. Во форматот во кој екипите би играле меѓусебно по еден натпревар, двете најдобри екипи по девет одиграни кола ќе изборат пласман во осминафиналето. Нив ќе им се приклучиат и екипите од третото до шестото место на табелата, кои за нокаут фазата ќе разигруваат. Седмо и осмопласираните екипи од групната фаза ќе ја продолжат сезоната во Лига Европа.

Италијанската фудбалска федерација ги објави казните за Ромелу Лукаку и Златан Ибрахимовиќ по инцидентот на 26. јануари на натпреварот во Купот на Италија.
Ибра доби казна од 4.000 евра, додека Лукаку е казнет со 3.000 евра, но и двајцата избегнаа поголеми суспензии, бидејќи инцидентот не беше воопшто наивен.
Казни добија и клубовите, Милан ќе исплати 2.000 евра, додека Интер нешто помалку, односно 1.250 евра.

Реал Мадрид го дочекува Челзи во првиот полуфинален натпревар во Лигата на шампионите, а Зинедин Зидан подготвува изненадување.
Наводно, во отсуство на Ферланд Менди, во прв план треба да биде Марсело, но Зидан планира да стартува со Начо Фернандес.
Тој одлично го искористи отсуството на Серхио Рамос и Рафаел Варан, одигра перфектен двомеч со Ливерпул заедно со Милитао, па го натера Зидан да смета на него.
Се шпекулира дека Зидан би можел да изненади и со формација со тројца дефанзивци, каде Карвахал би добил поофанзивна улога покрај десната аут-линија, а прашање би останало кој ќе игра лево, бидејќи во средниот ред сигурни се Крос, Модриќ и Касемиро.
Крос се врати по кратка пауза, не е целосно опоравен, но ќе мора да стегне заби, што е веќе договорено со Зидан, а во нападот се незаменливи Бензема и Винисиус, а се очекува друштво да им прави Марко Асенсио.
Исто така, Зидан веќе со денови го подготвува и Еден Азар како фактор за изненадување во второто полувреме, белгијанецот скоро сигурно ќе добие шанса, посебно доколку резултатот не им биде во полза. Поради повреди, на списокот ги нема Рамос, Менди, Валверде и Лукас Васкез.