Тренерот на Барселона, Чави Ернандез нема да може да смета на седуммина свои играчи за првенствениот меч со Осасуна.

Проблемите на Каталонците најмногу се на удар поради отсуството на Мемфис Депај и Ансу Фати. Барселона веќе објави дека холандскиот репрезентативец Депај се опоравува од повреда на левиот мускул, која го оддалечува од теренот неколку недели. Речиси иста е ситуацијата и со шпанскиот репрезентативец Жорди Алба, кој, сепак, има повреда на мускулот на десната нога и исто така ќе отсуствува од игра неколку недели. Ансу Фати има проблеми со повреди на мускулите. Во еден момент се шпекулираше дека ќе се лекува меѓу 4 и 6 недели, но веќе еден месец е надвор од терените и не се знае кога ќе закрепне. Клубот објави дека нема да биде готов пред 2022 година.

Серхио Роберто вчера беше успешно опериран и се очекува да закрепне за четири месеци. Со младиот талент Педри има компликации од повредата на квадрицепсниот мускул на левата нога и се препорачува да не се форсира што значи дека нема да се врати пред празниците. Има уштенеколку играчи кои нема да бидат во можност да играат за Барселона до крајот на оваа календарска година.

Познатиот фудбалски агент Мино Раиола изјави дека има идеја каде Ерлинг Халанд би можел да ја продолжи кариерата, но додаде и дека следи што се случува на пазарот.

Младиот норвешки фудбалер и покрај интересот на големите европски клубови се одлучи за Борусија Дортмунд и очигледно не погреши. Со оглед на настапите кои ги прикажува во германскиот тим интересот за него дополнително порасна, па на големо се зборува дека може да ја промени средината идното лето.

„Две години размислуваме што да правиме. Имаме јасна идеја каде Ерлинг би треба да оди. Сепак гледам и што пазарот може да понуди. Би бил лош агент ако не го правам тоа. Со играч како што е Ерлинг ние можеме да влијаеме на пазарот“, изјави Раиола.

По пишувањата во италијанските медиуми, екипата на Арсенал ја испратила првата понуда за купување на Дејан Кулушевски од Јувентус.

Понудата наводно изнесува 30 милиони евра плус дополнителни 5 милиони во бонуси. Јувентус за продажбата на својот крилен напаѓач побарува 40 милиони евра.

21-годишниот фудбалер со македонско потекло, во Јувентус пристигна од екипата на Аталанта во 2020 година за сума од 35 милиони евра.

Од стартот на оваа сезона Кулушевски игра во слаба форма одигрувајќи 17 натпревари постигнувајќи само еден гол. Неговата евентуална продажба може да се случи во јануари.

Стратегот  на Манчестер Сити, Пеп Гвардиола е прогласен за најдобар тренер во Премиер лигата за ноември. 

Неговата екипа славеше победа на сите три првенствени натпревари во ноември а моментално се лидери на Премиер лигата.

Конкуренти за наградата на 50-годишниот Гвардиола му беа Јирген Клоп и Стивен Џерард. Ова е вкупно 10-та награда за тренер на месецот во Премиер лигата што ја добива Шпанецот.

Тренерот на Виљареал, Унаи Емери беше повеќе од среќен по победата од 3-2 над Аталанта во одложениот натпревар од последното коло во групата Ф од Лигата на Шампионите.

Овој успех и обезбеди на неговата екипа пласман во осминафиналето на Лигата на шампионите. Затоа, тренерот верува дека неговиот тим има со што да се гордее.

„Видовте колку е тешко да се соочиш со Аталанта. Тие се меѓу елитните тимови во Италија и играат прекрасен фудбал. Тие исто така се во одлична форма. Мора да покажете одлучност против таков тим. Знаевме дека не можеме да се опуштиме на 3-0. Во Лигата на шампионите покажавме упорност, самодоверба, стабилност што ни требаше. Можеме да бидеме горди. Сега е добар момент за славење. Во следната фаза ќе имаме многу силни противници, но ќе се обидеме да го извлечеме максимумот од тоа“, рече Емери по натпреварот со Аталанта.

Напаѓачот на Ливерпул, Роберто Фирмињо, повторно тренира и е подготвен за враќање на натпреварите на својот тим.

Бразилецот се повреди на почетокот од месец ноември при победата на Ливерпул над Атлетико Мадрид во Лигата на шампиони и од тогаш пропушти вкупно седум натпревари на својот тим.

Покрај Фирмињо, во екипата се враќаат Наби Кеита и Џо Гомез кои исто така се опоравија од повредите и се подготвени за настап на дуелот против Астон Вила во сабота.

Тимот на Борусија Дортмунд е многу блиску до доведување на напаѓачот од австриски Салцбур,Карим Адејеми. 

Според угледниот весник „Билд“, челниците на Борусија Дортмунд успеале да го убедат Адејеми дека пристигнувањето во клубот ќе претставува одличен чекор во неговата идна кариера. Неговото доведување во редовите на „жолто-црните“ би можело да се поврзе со евентуалната продажба на Ерлинг Халанд ова лето.

Борусија Дортмунд за реализација на овој трансфер би требало да одвои 35 до 40 милиони евра и се очекува договорот да биде со важност од 5 години. 

Македонскиот репрезентативец, Елиф Елмас, го одигра можеби најдобриот свој натпревар во дресот на Наполи. Тој беше стрелец на 2 гола во победата над англискиот Лестер со резултат 3:2 со што го однесе својот клуб во нокаут фазата на Лига Европа.

После натпреварот Елмас даде свое видување за текот на натпреварот и неговата игра.

„ Среќен сум што постигнав два гола и му помогнав на тимот да оди понатаму. Очекувам во иднина да бидеме уште подобри. Покажавме дека имаме победнички дух и завршивме одлична работа“, изјави Елмас.

Запрашан која му е омилена позиција во тимот, Елиф вели:

„ На тоа прашање е тешко да се одговори. Се трудам да го прикажам најдоброто на било која позиција која ќе ми ја даде тренерот Спалети. Некогаш и самиот незнам кое е моето место во тимот“.

На Лион не му оди во француското првенство и овој клуб се наоѓа на 12. позиција во домашното првенство што секако за нив е разочарувачки.

Освен тоа за Лион пристигнаа и вести дека легендата клубот, Жунињо Пернамбукано одлучил да си поднесе оставка од функцијата спортски директор. Оставката на Жунињо е неотповиклива и од јануари тој си заминува.

„Вака е најдобро за мене и за клубот, тој кој ќе дојде на мое место ќе има време да се подготви за следниот чекор. И мојата желба е да застанам и да се одморам, потребно ми е такво нешто. Од првиот ден идејата ми беше да останам три сезони, не повеќе“, изјави Жунињо.

Договорот на Жунињо истекуваше на крајот на сезоната, но тој одлучи да се повлече после лошите резултати.

Одбранбениот фудбалер на Лидс Жуноир Фирпо изминатото лето од Барселона се пресели на Островот, а судејќи според неговите зборови клучна улога во таа негова одлука одиграл Роналд Куман.

25-годишниот играч од Домениканската Република во разговор за „Кадена Сер“ зборуваше за соработката со холандскиот тренер.

„Го барав Куман да ми ја објасни ситуацијата, но кога тренерот ќе почне да ве лаже сфаќате дека не се пожелен. Како да бараш од некого да ти објасни нешто кога ве лаже цело време? Куман ме лажеше зборувајќи работи кои немаат врска. Ми кажуваше дека слабо тренирам, дека лошо влијаам на екипата…такви работи“, изјави Фирпо.