Oдлични вести добива новиот селектор на репрезентацијата на Македонија, Благоја Милевски – Бобан Николов добил негативен тест на коронавирус и ќе се стави на располагање.

Николов пред пет дена доби позитивен тест, но за среќа брзо го победи вирусот и вечерва треба да пристигне во Скопје, а утре да се приклучи на подготовките на националниот тим.

Ќе потсетиме, Милевски во составот дополнително го повика Јани Атанасов поради повредата на Аријан Адеми.

Утре репрезентацијата на Македонија ќе го има првиот собир пред дуелите со Ерменија, Ислан и Романија. Ова ќе бидат први натпревари на селекторската позиција за Милевски.

Реал Мадрид со 1-0 победи на гостувањето кај Бетис и освои три многу важни бодови од тежок терен за игра. Касемиро смета дека токму овие победи на тешките гостувања ги носат титулите на крајот.

„Ова се три многу важни бододви. Бетис ќе собере бодови од нашите ривали бидејќи тука е многу тешко да се игра“, вели Касемиро.

„Со вакви победи се освојуваат титули. Клучот беше напорната работа на сите и на оние кои подоцна влегоа“.

Челниците на ПСЖ веруваат дека Борусија Дортмунд е подготвена да го продаде напаѓачот Ерлинг Халанд за 200 милиони евра.

Борусија не сака да го пушти Халанд, но 21-годишниот фудбалер има клаузула за откуп од 75 милиони евра, која ќе стапи на сила следната година, а ПСЖ верува дека понуда од околу 200 милиони евра би можела да го убеди Дортмунд да се согласи на продажба на голгетерот уште ова лето.

Претставниците на ПСЖ веќе имале контакт со агентот на напаѓачот, Мино Раиола, за да дознаат дали е можно да се организира негов трансфер неколку дена пред да се затвори преодниот рок. ПСЖ веројатно за трансферот ќе ги искористи парите кои би ги добил од Реал за Мбапе.

Искусниот македонски стратег Трајче Сенев е именуван за нов шеф на стручниот штаб на Кит-Го. Сенев доаѓа на местото на Емил Грнев со кого клубот постигна спогодбен договор за прекин на соработката.

„ФК Кит-Го искажува огромна благодарност на Емил Грнев за досегашниот целокупен ангажман за развојот на Кит Го како фудбалски колектив, искрено посакувајќи му успешна тренерска кариера во иднина“, се вели во клупското соопштение.

Сенев повторно се враќа на кормилото на Кит-Го како еден од најзаслужните за подемот на нашиот клуб во годините на пробив до второлигашката конкуренција. Сенев е препознатлив по промоцијата и афирмацијата на младите фудбалери во клубот и источниот регион.

Претходно во својата тренерска кариера, Трајче Сенев, покрај во Кит Го, беше предводник и на Силекс, Осогово и Брегалница.

До крајот на летниот трансфер период останаа уште неколку дена, а доколку истиот заврши уште денеска, сигурно ќе биде еден од најспектакуларните во историјата.

Лионел Меси и Кристијано Роналдо ги променија клубовите, а скоро сите големи европски клубови направија големи трансфери и доведоа ѕвезди. Апсолутен „победник“ на трансфер периодот е ПСЖ кој за 76 милиони евра доведе „половина“ екипа. Ашраф Хакими, Данило Переира, Џини Вајналдум, Серхио Рамос, Џанлуиџи Донарума и Лионел Меси се нови играчи на ПСЖ.

Манчестер Јунајтед потроши скоро 150 милиони евра и доведе играчи со кои ќе конкурира за високи цели. Џејдон Санчо, Рафаел Варан и Кристијано Роналдо сезонава го облекуваат дресот на „црвените ѓаволи“.

И додека конкурентите направија одлични трансфери летово, најмногу потроши Арсенал, иако неговите играчи не се ни блиску до квалитетите на оние кои ги доведоа останатите клубови. Микел Артета потроши 147,5 милиони евра, за дури 58,5 милиони го доведе дефанзивецот на Брајтон Бен Вајт. Мартин Одегард е доведен за 35 милиони евра, а за 28 милиони голманот на Шефилд, Арон Ремсдејл. Од Андерлехт пристигна Алберт Самби Локонга за 17,5 милиони, а Нуно Тавареш од Бенфика за 8 милиони евра.

Кристијано Роналдо е нов играч на Манчестер Јунајтед, Португалецот тајно преговарал со месеци со својот поранешен клуб, тврди таблоидот од Англија „Сан“.

Според „Сан“, Роналдо месеци наназад бил во интензивни преговори со својот поранешен клуб, процените на таблоидот се дека Португалецот со враќањето во Јунајтед и финансиски ќе пројде добро, ќе заработи околу 50 милиони фунти.

Роналдо во договорот на две години со Јунајтед има загарантирана заработувачка од 480.000 фунти неделно, тоа значи 25 милиони годишно или за две години вкупно 50 милиони фунти.

Се е подготвено за големото враќање на Кристијано Роналдо во Манчестер Јунајтед и сите неизвесности се минато, но не и онаа во врска со бројот на дресот.

Португалецот се прослави носејќи ја седумката на грбот, број кој некогаш беше во сопственост на легендарните Џорџ Бест, Ерик Кантона и Дејвид Бекам.

Сега е во рацете на Единсон Кавани, а доколку Уругваецот не попушти како Нејмар при доаѓањето на Меси во ПСЖ, Роналдо ќе мора да го промени бројот на дресот поради кој е препознатлив како КР7.

Друга солуција е да ја земе деветката која ја носеше во Реал Мадрид, но и таа е зафатена и ја носи Антони Марсија.

Доколку е утеха, бројот 28 кој го носеше во Спортинг е слободен, но јасно е дека Португалецот веќе одамна го има „надраснато“.

За потсетување, Меси претходно остана без „десетката“ во ПСЖ, од која не сакаше да се откаже Нејмар, па мораше да се задоволи со бројот 30.

Талентираниот фудбалер Илаиш Мориба е на пат да го засили Тотенхем, кој му подготви четиригодишен договор, пренесува каталонски „Спорт“.

Според истиот извор, овој фудбалер треба да го комплетира трансферот во Лондон од Барселона, вреден 15 милиони евра.

До последен час Тотенхем беше во трка со РБ Лајпциг за талентираниот играч од средината на теренот, кој не е во плановите на Роналд Куман сезонава.

Мориба е дете на Барселона, минатата сезона дебитираше за првиот тим собирајќи 18 настапи во сите натпреварувања.

Пред само осум дена на тема Мориба говореше Куман, кој не го криеше разочарувањето што овој фудбалер не ја прифати понудата на клубот, незадоволен од финансиските услови.

Според пишувањата на англиските медиуми, Челзи пронајде заеднички јазик со Андреас Кристенсен.

Дефанзивецот кој има 25 години и преговараше со Челзи во изминатите два месеци бидејќи влезе во последната година на договорот, сега конечно дојде до договор кој наскоро ќе биде официјализиран.

Со новиот договор, кој ќе важи во наредните четири години, Кристенсен во Челзи ќе помине вкупно двоцифрен број на години.

Данецот беше еден од клучните играчи на Челзи во борбата за Лигата на шампионите минатата сезона.

Еден од главните актери во летната трансфер сага е францускиот напаѓач Килијан Мбапе. Реал Мадрид е најголем и единствен конкурент на ПСЖ за младиот фудбалер, пред неколку дена испрати официјална понуда од 160 милиони евра, која беше одбиена. Спортскиот директор Леонардо упати прилично навредливи зборови на сметка на мадридскиот клуб, сметајќи ја нивната првична понуда за „навредлива“.

Следеше онаа од 170+10 милиони евра, а клубот од Париз се уште не се огласил во врска со истата.

На Флорентино Перез се чини дека му е доста од чекање, па одлучи да преземе иницијатива и да испрати ултиматум до францускиот клуб. Имено, како што јавуваат француските медиуми, Реал порача дека доколку не дојде до договор во текот на викендот, тие ќе се повлечат од преговорите.