Водечките луѓе на Уругвајскиот фудбалски сојуз започнаа преговори со актуелниот тренер на Ривер Плата, Марсело Гаљардо, околу можноста за негово водење на репрезентацијата на Уругвај.

45-годишниот Аргентинец е избран како можен наследник на легендарниот Оскар Табарес кој неодамна беше разрешен од селекторското место. 

Табарес беше селектор на Уругвај повеќе од 15 години и под негово водство тимот играше полуфинале на Светското првенство во 2010 година, а во 2011 година беше победник на Копа Америка.

Неговиот потенцијален наследник, Марсело Гаљардо е поранешен фудбалер и актуелен тренер на Ривер Плата со кого пред неколку дена стана шампион на Аргентина. Неговиот договор со Ривер Плата истекува во 2022 година.

Дерби натпреварот помеѓу двете екипи од Солун, ПАОК и Арис, не го дочека својот крај бидејќи беше прекинат од страна на домашните навивачи.

Навивачите на ПАОК кои се познати по својата жестина во бодрењето на својот клуб, направија прекин на натпреварот после водството од 0:1 на Арис. Бесни од развојот на средбата и водството на гостите, тие почнаа со фрлање на пиротехнички средства на теренот по што судијата го прекина мечот. 

Следуваше интервенција и од полицијата која беше присутна на стадионот „Тумба“ во Солун но не успеа да се справи со лутите симпатизери на домаќините и средбата мораше да заврши.

Екипата на ПАОК е на третото место од првенствената табела во Грчката Супер лига со освоени 19 бода, 10 помалку од лидерот Олимпијакос.

Рафаел Варан ова лето се пресели во Манчестер Јунајтед од Реал Мадрид, но веќе сака да ја напушти Премиер лигата.

Имено, францускиот репрезнетативец не е задоволен на „Олд Трафорд“ и веќе му соопштил на својот агент да му бара нов клуб. Варан требаше да биде големо засилување за „црвените ѓаволи“, но сезоната за Јунајтед почна лошо. Притоа, Варан не е задоволен од животот во Англија.

Најсилен интерес за него покажува Интер, кој е спремен да го продаде Де Врај и да понуди 40 милиони евра за францускиот стопер.

Единствен проблем може да биде високата плата, па доколку Варан сака да се пресели во Милано, ќе мора да прифати намалување на платата.

Александар Лаказет, нема намера да ја продолжи кариерата во лондонски Арсенал. Според информациите објавени во Англија, фудбалерот веќе му дал зелено светло на својот агент да избере опции за летниот трансфер период.

„Се разбира, моите агенти почнуваат да ја разгледуваат опцијата. Како и да е, оваа тема нема да се покрене барем до јануари, сакам да бидам фокусиран на сопствената игра“– изјави фудбалерот во врска со евентуалниот трансфер.

Александар Лаказет игра за Арсенал од 2017 година. Во дресот на оваа екипа Французинот одигра 135 натпревари, на кои постигна 51 гол. Со доаѓањето на Микел Артета на тренерската позиција, Александар престана да биде во стартниот состав и да биде важен дел од ростерот. Претходно беше објавено дека интерес за Лаказет има од Атлетико Мадрид и Јувентус.

Палмеирас викендов го освои Копа Либертадорес, со што стана последниот учесник на претстојното клупско светско првенство.

Претходно, Челзи (Англија), Ал-Хилал (Саудиска Арабија), Ал-Али (Египет), Монтереј (Мексико), Оукленд Сити (Нов Зеланд) и Ал-Џазира (Катар) беа екипите кои имаа обезбедено настап во ова натпреварување.

Ждрепката за натпреварите ќе се одржи следниот понеделник на 29 ноември. Вреди да се напомене дека Челзи и Палмеирас турнирот ќе го започнат од полуфиналната фаза. Претстојното светско клупско првенство ќе се одржи во ОАЕ во јануари 2022 година.

Карло Анчелоти сака во зимскиот преоден рок да ја засили одбраната.

Дефанзивната линија е најслабата точка на „кралевите“ од почетокот на сезоната, па Анчелоти сака да донесе квалитетен стопер.Медиумите пренесуваат дека прв на листата жеби е дефанзивецот на Виљареал и шпански репрезентативец, Пау Торес.

Торес се етаблираше во еден од најперспективните дефанзивци во Европа и го провлече вниманието на многу европски гиганти. Раководството на „кралевите“ веќе стапило во контакт со агентот на дефанзивецот и спрема понуда од 50 милиони евра за неговиот потпис.

Од таборот на Јувентус стигна потврда дека Федерико Киеза поради повреда на задната ложа ќе биде надвор од терените до крајот на годината.

Киеза повредата ја заработи на натпреварот против екипата на Аталанта кој “старата дама” го играше на домашен терен и загуби со 0:1.

Тренерот на Ајакс, Ерик тен Хаг, останува во плановите на Манчестер Јунајтед за местото на нов тренер во наредната сезона.

Англиските медиуми тврдат дека „црвените ѓаволи“ ќе се обидат да го доведат сегашниот тренер на Ајакс доколку клубот не успее да го ангажира Маурисио Почетино од Париз Сен Жермен.

Тен Хаг бил заинтересиран да работи во Јунајтед и Ајакс нема да му пречи доколку тој се одлучи  за заминување на крајот од сезоната, иако има договор со холандскиот шампион до летото 2023 година.

Барселона синоќа ја оствари првата победа на гостински терен оваа сезона откако го совлада Виљареал со 3-1.

Барселона не блескаше, далеку од тоа, Виљареал беше тимот кој имаше доминација, но Каталонците беа поефикасни и на крајот победија.

„Би рекол дека страдавме многу на овој меч и Виљареал не заслужи да загуби. Имавме среќа. Требаше повеќе да ја контролираме топката и да доминираме. Но како и да е, овие три бода се важни за нас“, рече Чави.

Фабио Канаваро даде свој коментар за вчерашниот ждреб во кој Италија за противник ја доби Македонија. Канаваро прво потенцираше дека ваквиот, нов формат на баражот не му се допаѓа.

„За мене вистински бараж беше кога се играше на домашен и гостински терен, па поминува подобриот од двата натпревари. Вака кога веќе е еден натпревар тој треба да биде неутрален терен“.

Смета дека Италија нема од што да се плаши од репрезентација како Македонија.

„Нема  од што да се плашиме, нормално секој противник треба да се почитува. Сепак Италија не треба да се плаши од тим како Македонијаат. Ако момците играат како на Европското првенство тогаш нема да имаме проблеми“, смета Канаваро.