Скот Паркер поднесе оставка од функцијата менаџер на Барнли, објави официјалната веб-страница на клубот.

Четириесет и петгодишниот Паркер беше на чело на тимот од летото 2024 година. Тој има искуство и во Клуб Бриж, Борнмут и Фулам.

Барнли освои 20 бода од 34 натпревари. Тимот ги загуби и теоретските шанси за опстанок во Премиер лигата, иако до крајот на првенството има уште четири кола.

Се очекува до крајот на денот раководството на Барнли треба да се произнесе кој ќе го предводи тимот до крајот на првенството.

Интер планира да ја активира опцијата за продолжување на договорот за уште две години на дефанзивецот, Федерико Димарко, , објави „Калчомеркато“.

Според извор, Интер има намера да го задржи 28-годишниот Италијанец до летото во 2030 година.

Фудбалерот во сезонава постигна седум голови и имаше 18 асистенции во 43 натпревари.

Со голот кој го постигна од пенал против Атлетико Мадрид во полуфиналето од Лигата на шампионите, напаѓачот на Арсенал, Виктор Ѓокереш стана четвртиот играч во историјата на клубот од Северен Лондон кој постигнал гол за својата екипа во полуфинале од ова натпреварување.

Претходно тоа им успеа на Коло Туре на мечот со Виљареал во сезоната 2005/06, Робин Ван Перси на мечот со Манчестер Јунајтед во сезоната 2008/09 и Букајо Сака на дуелот со ПСЖ минатата сеозна 2024/25.

Ерик Ламела се огласи од болница по операција на колкот, откако поради долготрајни проблеми беше принуден рано да ја заврши кариерата. Поранешниот фудбалер на Тотнем објави фотографии и видео по зафатот, испраќајќи порака дека се надева на живот без болка.

„Малку ме боли, но со новиот колк се надевам дека ова е почеток на живот без болка. Поздрав до сите и благодарам за поддршката“, напиша Ламела.

Аргентинецот претходно откри дека со години се мачел со сериозни проблеми, вклучувајќи оштетена ‘рскавица и напреднат остеоартритис, што на крајот го принудило да стави крај на играчката кариера.

Ламела важеше за голем талент уште во Ривер Плејт, по што настапуваше за Рома и Тотнем, каде остави најголем белег. Подоцна играше и за Севиља, а кариерата ја заврши во АЕК. По пензионирањето, Ламела остана во фудбалот и се врати во Севиља како дел од стручниот штаб.

Младиот Коби Мејнo оваа сезона игра за „кикирики“ откако запнаа преговорите за нов договор, особено откако фудбалерот од средниот ред падна во втор план кај Рубен Аморим.

Но откако Мајкл Керик седна на тренерското столче, Коби Мејнp доби шанса да се наметне во стартниот состав, па двете страни повторно седнаа на маса.

Преговорите веднаш прогресираа, а попладнево голем број на извори од „островото“ објавија дека Коби Мејнo денес ставил потпис на нов договор и се обврзал кон „ѓаволите“ до 2031 година.

Се говори дека во моментов неговата плата е околу 25.000-30.000 фунти неделно, а со новиот договор таа ќе скокне на дури 120.000 фунти неделно, а со бонуси може да се искачи и на 150.000 фунти неделно.

Атлетико Мадрид и Арсенал одиграа нерешено 1:1 во првиот натпревар од полуфиналето на Лигата на шампионите во Мадрид.

Арсенал поведе со голот на Виктор Ѓекерес од пенал во 44-та минута, а Атлетико израмни преку Хулијан Алварез во 56-та минута, исто така од пенал.

Натпреварот беше обележан со бројни шанси и дури три одлуки за изведување на пенали, од кои една беше поништена по интервенцијата на ВАР.

„Беше чист пенал врз Езе, не разбирам зошто беше поништен по интервенцијата на ВАР. Првите два пенали беа пенали. Во Премиер лигата никогаш немаше да бидат досудени, но ова е Лига на шампиони“, рече тренерот на Арсенал, Микел Артета и заклучи: „Не сум задоволен од тоа како го отворивме второто полувреме, но бевме подобри во последните 10 минути“.

Реваншот во Лондон, ќе се одигра во вторник.

Сѐ поизвесно е дека Пауло Дибала ќе ја напушти Рома на лето, кога му истекува договорот со римскиот клуб.

Еден од технички наталентираните фудбалери во италијанската Серија А во последната деценија, според аргентинските медиуми, одлучил кариерата да ја продолжи во Бока Јуниорс. Истата информација ја пренесе и „ЕСПН“, наведувајќи дека Дибала веќе постигнал договор со славниот клуб од Буенос Аирес.

Во актуелната сезона, Дибала има учинок од три гола и четири асистенции на 23 настапи за Рома. Аргентинецот во кариерата настапуваше уште за Институто, Палермо и Јувентус, а од 2022 година е дел од Рома.

Со Јувентус освои пет титули во Серија А, четири трофеи во Купот на Италија, играше и финале во Лигата на шампионите, додека со репрезентацијата на Аргентина стигна до светската титула во 2022 година.

Покрај тоа, дури четири пати беше избран во идеалниот тим на Серија А.

Атлетико и Арсенал, на „Метрополитамо“ во Мадрид, одиграа 1:1 во првиот полуфинален натпревар во Лигата на шампионите. Реваншот, наредниот вторник, во Лондон, ќе го одреди финалистот. Во второто полуфинале, пред реваншот во Минхен, ПСЖ има преднст 5:4 против Баерн.

Она што се очукуваше тоа и го понудија Атлетико и Арсенал. Многу борба, трчање и пред се тактично надмудрување на Диего Симеоне и Микел Артета.

Во првото полувреме, имаше само еден удар во рамката на голот, Раја некако успеа да го одбрани ударот на Алварез. Арсенал во првиот дел имаше две солидни можности. Во моментите кога сите го чекаа крајот на полувремето, Ѓекереш избори пенал за Арсенал, а потоа и го реализираше во 44-та минута.

Вториот дел донесе апсолутна доминација на Атлетико, гол од пенал на Алварез во 56-та минута, два големи шанси за Адемола Лукман и ударот на гризман кој заврши во пречката.

Во вториот дел играчите на Атлетико упатија 13 удари кон голот на Раја. Арсенал статираше на теренот до 85-та минута кога голема шанса имаш Москера, а во следниот напад Рајс биеше непрецизно.

Арсенал доби пенал во 78-та минута, но откако се активираше ВАР собата, Дани Макели ја поништи својата одлука.

Последната шанса ја имаше Молина во 95-та минута, неговиот удар заврши малку над

Актуелните европски шампиони ќе играат без еден од најдобрите поединци во реваншот од полуфиналето на Лигата на шампионите против Баерн во Минхен.

Десниот бек, Ашраф Хакими, ќе биде надвор од терените „во следните неколку недели“ откако се повреди за време на драматичната победа на неговиот тим над Баерн во првиот натпревар од полуфиналето на Лигата на шампионите.

Хакими ги одигра сите 90 минути и му асистираше на Кварацкелија, додека актуелните шампиони ја донесоа неверојатната победа од 5:4 над германскиот шампион.

„Откако се здоби со повреда на десната бутина за време на натпреварот против Баерн, Хакими ќе ги помине следните неколку недели на терапија“, објави ПСЖ.

Мароканскиот репрезентативец ќе го пропушти реваншот од полуфиналето против германскиот тим во Минхен на 6 мај.

Хакими беше заменет на полувремето во победата на ПСЖ од 3:0 против Анже во националното првенство минатиот викенд, но се врати во почетниот состав против Баерн.

Повредата го покренува и прашањето за настапот на Хакими на претстојното Светско првенство, кое треба да започне за шест недели во САД, Канада и Мексико.

Македонскиот репрезентативец, Љупче Дориев продолжува со импресивните настапи во Узбекистан. Синоќа постигна нов погодок.

Согдиана победи со 5-2, а Дориев го постигна првиот гол на натпреварот. Македонецот испрати вистинска бомба во мрежата на противникот.

По десет одиграни кола, Дориев со седум гола е прв стрелец во најдобрата лига во Узбекистан, има и две асистенции.