Норвешкиот фудбалер Мартин Одегард кон крајот на јанаури го напушти Реал Мадрид и премина на позајмица во редовите на Арсенал. Одегард во Реал Мадрид се врати минатото лето од позајмицата од Сосиедад и остана во првиот тим, но во првиот дел од сезоната не се наигра многу и затоа одлучи да го напушти клубот. Одегард фантастично се вклопи во тимот на Артета, па „топџиите“ сакаат да го задржат на перманентна основа, иако во договорот немаат опција за откуп. Арсенал наскоро ќе започне преговори со Реал Мадрид за откуп на Норвежанецот, кој и самиот преферира да остане во Лондон. Неговата цена во моментов е околу 30 милиони евра, но последниот збор за трансферот ќе го има тренерот на „кралевите“, Зинедин Зидан.

Арсенал на лето би можел да го доведе Гвидо Родригез од Бетис, пишува Мундо Депортиво. Микел Артета наводно е заинтересиран за аргентинскиот играч за врска, кој оваа сезона е еден од клучните играчи за клубот од Севиља. Во Бетис пристигна минатата година од Мексико за три милиони евра, а договор со шпанскиот клуб има до 2024. година. Родригез има и клаузула од 80 милиони евра, која Арсенал наводно е подготвен да ја плати, иако минатата година доведе сличен играч. Арсенал го плати Томас Парти 50 милиони евра, но фудбалерот од Гана има проблеми со повреди и не ги исполни очекувањата. Мундо тврди дека Бетис не би имал ништо против да го продаде 26-годишниот Родригез, но само откако ќе го реши проблемот со неговиот поранешен клуб Америка. Имено, мексичкиот клуб му продаде на Бетис само 70 отсто од правата врз играчот, а задржа 30 отсто, претпоставувајќи дека тој во иднина би можел да направи голем трансфер. Како што пишува Мундо, на мексиканците не им паѓа на памет да се откажат од својот дел, посебно по вака добрата сезона на Родригез, а и Бетис на крај најверојатно ќе се откаже, бидејќи и онака ќе добие висока сума, во споредба за она што го плати за Аргентинецот.

Ерик Гарсија и Виктор Валдес му рекоа „не“ на Џоан Лапорта. Повеќе извори од Каталонија ја потврдуваат информацијата дека Ерик Гарсија и понатаму е далеку од враќање во Барселона, бидејќи неговиот агент Иван Де Ла Пења ги променил барањата. Наводно, проблме се парите, бидејќи Ерик Гарсија сега бара поголема плата од претходно. Сепак, многумина веруваат дека се ќе се заврши наскоро и дека нема дилеми околу враќањето на Гарсија во неговиот матичен клуб. Истовремено пристигна и информацијата дека Виктор Валдес сепак нема да биде дел од Барселона на Лапорта. Барем засега, Лапорта му понуди на Валдес место на главен тренер на голманите во академијата на Барселона, но Валдес одби бидејќи верува дека еден ден ќе го води првиот тим. Валдес има големи амбиции, но ов овој момент можеби би било подобро да стане дел од Барселона, но тој одби да се приклучи на академијата во која и самиот порасна.

На фудбалерите на Интер сепак ќе им биде дозволено да играат за своите национални тимови. Интер беше „затворен“ поради неколку позитивни случаи на коронавирус, но на некои играчи ќе им биде дозволено да настапат за своите репрезентации под одредени услови. Тие ќе мора да патуваат со приватни авиони, а ќе им биде ограничено и движењето колку што е можно, односно ќе им биде дозволено да тренираат во спортскиот центар и да се вратат во својата „резиденција“. Хрватска, Словачка, Данска и Белгија испратија барања за Брозовиќ, Перишиќ, Шкринијар, Ериксен и Лукаку да добијат дозвола да играат за своите тимови. Истото го направи и Мароко за Хакими. По враќањето на репрезентативците, Интер ќе биде главен фаворит за освојување на титулата, бидејќи има шест бодови повеќе од Милан (и натпревар помалку), а десет бодови повеќе од Јувентус.

Репрезентацијата на Белизе за влакно избегна киднапирање на целата екипа по доаѓањето на Хаити на квалификациски натпревар за СП 2022. Игарчите на Белизе со автобус патуваа кон хотелот, кога на патот излегоа неколку лица вооружени со автоматски пушки. Набрзо автобусот беше обиколен со неколку мотоцикли, а вооружените лица му наредија на возачот да го спушти прозорот и да разговара со нив. Се чинеше дека ќе го киднапираат автобусот, но потенцијалната трагедија во последен момент ја спречи полицијата која ги следеше. „Згрозени се од она што се случи по пристигнувањето на Хаити и во контакт сме со ФИФА и КОНКАКАФ, како би им дале максимална безбедност на наите фудбалери при нивниот престој таму. Иако се видно потресени од она што се случи, сите играчи се добро и покажаа огромна храброст.“ – стои во соопштението на репрезентацијата на Белизе.

Репрезентацијата на Германија со нетрпение го чека стартот на квалификациите за Светското првенство и да обезбеди пласман на завршниот турнир следната година во Катар, и покрај тешкотиите предизвикани од пандемијата на коронавирусот, изјави директорот на Германскиот фудбалски сојуз (ГФС) Оливер Бирхоф.
„Ние сме возбудени и многу мотивирани за овие натпревари. Сакаме да покажеме дека сме фаворити во групата”, изјави Бирхоф пред новинарите пред домашниот натпревар против Исланд во четврток. Германија потоа ќе отпатува за Романија во недела, пред да биде домаќин на Македонија во Дуизбург, каде ќе ја пречекаата нашата репрезентација на 31 март.
Тренерот Јоаким Лев треба да почека на доаѓањето на Џошуа Кимих доцна во понеделник или вторник, бидејќи sвездата на Баерн Минхен има настинка, додека левиот бек на Аталанта, Робин Госенс ​​е со повреда на мускулот и е незивесен. Германија ќе игра за прв пат откако ја заврши сезоната во Лигата на нациите со пораз од Шпанија од 0:6 во ноември.
Првите натпревари, според Бирхоф, треба да испратат „добар сигнал“ и „да соберат самодоверба за летото“. Тој додаде дека Лев останува оптимист и има многу очекувања за завршување на неговата 15- годишна кариера како селектор на Германија.

Норвешката репрезентација се собра во Марбеља каде ќе се спрема за престојните квалификации за Светското првенство.
Таму новинарите го дочекаа Ерлинг Халанд и веднаш му поставија прашање за неговата иднина со оглед на фактот дека е желба на Реал Мадрид и Барселона.
„Имам уште три години договор со Борусија, па не обрнувам внимание на многуте гласини и не се вознемирувам кога е во прашање мојата иднина“, изјави Халанд.
Напаѓачот исто така го коментираше својот бес после ремито со Келн и фактот што само му го фрли дресот на противничкиот играч наместо да го размени.
„Бев многу лут после натпреварот и не требаше така да постапам. Бев надвор од контрола и тоа не е во ред“, истакна Халанд.

Алесандро Дел Пиеро, зборуваше за она што се случува во Торино оваа година, не многу успешниот настап и само третото место во шампионатот и на -10 од лидерот Интер.
Сепак, поранешниот напаѓач го поддржа својот поранешен соиграч Андреа Пирло, кој во моментов е тренер на „старата дама“ и рече дека му треба повеќе време.
„Јуве беше успешен девет години по ред и успеа да го одржи ова ниво на концентрација и енергија, што е многу тешко. Но, сега има нов предизвик на клупата. Гледате што се случи во последните три години. Прво беше Макс Алегри, а потоа беше направена целосна промена со Маурицио Сари за една година. Потоа нова промена со Пирло, кој е одлична личност, поранешен мој соиграч и секако го сакам, но тој е нов на оваа работа со сосема поинаков предизвик. Јувентус реши да се обложи на него во текот на летото за да изгради проект. Видовме дека многу проекти продолжуваат по неуспешната прва година, како и оние што застануваат веднаш штом се појави голем проблем. Тој доби голема поддршка затоа што мораше да стане тренер од никаде. Но, сега му е потребна и оваа поддршка, како и за следната сезона“, прокоментира Дел Пиеро.

Тренерот на Рома, Пауло Фонсека, по вчерашниот пораз од Наполи на домашен терен со 2-0 беше исклучително лут на своите фудбалери.
„Веројатно немаме менталитет да се бориме за место меѓу најдобрите четири. Во првото полувреме видов тим без храброст, ментално ранлив, но по паузата, сè беше спротивно. Генерално, ова не е играта што сакам да ја прикажеме. Не успеавме во првото полувреме затоа што ни недостасуваше храброст. Сите сме одговорни за ова, затоа што кога се плашите да играте и да изгубите, станува премногу тешко. Фактот дека второто полувреме беше сосема поинакво зборува за проблемите во психологијата“, рече Фонсека.
По 28 натпревари, Рома се наоѓа на шестото место на табелата.

Џејдон Санчо ќе игра против својот поранешен клув Манчестер Сити< во Лигата на шампиони. Манчестер Сити многу лесно се откажа од Санчо, кој во Борусија Дортмунд се етаблираше во еден од најдобрите млади фудбалери во светот. Сега многу европски гиганти се борат за неговиот потпис, но Гвардиола тврди дека не жали што го пуштил да замине од Манчестер Сити. „Не жалам за ништо. Тој донесе одлука, добро му оди. Честитки, тој е исклучителен играч, репрезентативец со огромен квалитет, кој навистина добро се снаоѓа во Дортмунд. Сакавме тој да остане но тој одлучи да замине и кога луѓето ќе одлучат да заминат се што можеме е да им дозволиме. Му посакувам се најдобро, освен кога игра против нас. Воопшто не жалам. Ако тој е среќен, јас сум среќен“, изјави Гвардиола.