Ајакс успеа да му зададе голем удар на големиот ривал Феенорд.

Нов играч на Ајакс e Стивен Бергхуис за кого Ајакс плати 5.5 милиони евра оштета. Ривалството помеѓу Ајакс и Феенорд е едно од најголемите во фудбалот и Бергуис од денес сигурно важи за „предавник“.

„Имам 29 години и не е тајна дека сакам да одам чекор напред. Важно ми е да се развивам како гудбалер. Со изборот на новиот клуб си овозоможив борба за трофеи, а и играње за репрезентацијата во иднина“, изјави Бергуис.

Навивачите на Феенорд брзо се огласија откако нивниот миленик потпиша за Ајакс.

„Се чувствуваме измамено и предадено, но тоа не треба да не плаќи. Не ги поддржуваме ваквите работи. Очигледно е дека не постоел ниту процент клупска љубов, станува збор за други работи“, наведено е во објавата на навивачите од Ротердам.

Новиот тренер на Евертон, Рафа Бенитез веќе работи на тоа да ги подготви плановите за новата сезона, меѓутоа истите би можеле да се променат бидејќи клубот планира да го продаде Хамес Родригез.

Самиот Бенитез посочи дека активно ќе биде во потрага по засилувања на трансфер пазарот, меѓутоа и додаде дека некои фудбалери со големи плати ќе мораат да си заминат за да се задоволат потребите од правилникот за финансискиот фер-плеј.

„Сите добро знаеме дека овој клуб потроши многу пари во изминатите неколку години, тоа значи дека Финансискиот фер-плеј е фактор“ рече Бенитез.

„Доколку имате фудбалери со големи плати кои не играат, тогаш се обидувате да пронајдете решение за таа ситуација, а решението можеби е во ангажман на нови фудбалери“ додаде шпанскиот фудбалски стратег.

„Дејли Мејл“ сепак го вметна Родригез како еден од фудбалерите на Евертон кој би можел да биде продаден овој летен преоден рок, а најмногу поради неговата висока плата која изнесува седум милиони фунти по сезона.

Главниот стопер на Брајтон, Бен Вајт, ја прифати поканата да се пресели во екипата на Арсенал, објавија дел од медиумите во Англија.

23-годишниот фудбалер треба да ја засили одбраната на „топчиите“ кој се покажа како најслабата алка во изминатата сезона. Трансферот е вреден 55 милиони евра со што е соборен рекорд кога станува збор за дефанзивен играч кој бил купен од Арсенал.

Вајт потекнува од школата на Саутемптон, а во екипата на Брајтон се активираше во 2014 година.

Во трката за организација на СП 2030 се приклучува и Саудиска Арабија. Со оглед на тоа дека мундијалот ќе биде со 48 земји, Саудиска Арабија бара ко-домаќин и се разгледува идејата да го организира првенството заедно со Италија, и покрај тоа што двете земји се одалечени неколку илјади километри.

Втора опција е Саудиска Арабија да предложи кандидатура заедно со Египет и Мароко.

Интерес за организација на мундијалот во 2030 веќе пријавија неколку земји. Шпанија сака заедно со Португалија да биде домаќин, Велика Британија пак најави кандидатура заедно со Република Ирска.

Аргентина, Уругвај, Чиле и Парагвај исто така изразија намера да го донесат мундијалот во Јужна Америка.

Ашраф Хакими кој ова лето се пресели од Интер во ПСЖ е позитивен на коронавирус.

Хакими веќе одигра еден пријателски натпревар за „светците“ во кој забележа и асистенција, но непосредно пред дуелот со Шамбли исто така од пријателски карактер добил позитивен тест. Мароканецот е изолиран и ќе го нема во составот на Покетино најмалку во наредните десет дена.

За Хакими ова е втор пат да биде позитивен на коронавирус, еднаш беше како член на Интер во октомври. Тогаш немаше никакви компликации.

Покетино се надева дека Хакими негативниот тест ќе го добие што е можно побрзо и ќе се врати на подготовките за новата сезона во која ПСЖ влегува со големи амбиции.

Кратко по завршувањето на Европското првенство кое се играше во 11 различни градови и се покажа како неуспешно, со оглед на тоа што и претседателот на УЕФА, Александар Чеферин, рече дека никогаш повеќе нема да игра во таков формат.

Сепак, ФИФА може да донесе уште „почудна“ одлука. Имено, британски „Атлетик“ пренесува дека се разгледува можноста за организирање на Светскиот куп на два различни континенти, односно дека Италија и Саудиска Арабија ќе бидат домаќини на турнирот во 2030. година.

Патем, од Светското првенство во 2026 година ќе можат да учествуваат 48 репрезентации. За потсетување, следниот Мундијал ќе се игра во Катар, додека во 2026 година ќе се игра во Канада, Мексико и САД.

Дел од турските медуми објавија дека Езџан Алиоски и Галатасарај постигнале договор и соработката би требало да биде официјализирана во наредните денови.

Иако вчера сите турски медиуми објавија дека Алиоски и Галатасарај ги договорија сите детали, последните информации се дека преговорите се стопирани.

Причина за тоа е тренерот Фатих Терим, кој наводно го стопирал трансферот бидејќи смета дека македонскиот репрезентативец ќе биде голем финансиски товар за клубот.

Алиоски е слободен агент, а во Галатасарај треба да заработува 2,2 милиони во наредните четири години.

ПСЖ се уште се обидува да го задржи напаѓачот Килијан Мбапе, чиј договор истекува следното лето.

Според „Марка“, клубот е подготвен да му понуди на 22-годишниот фудбалер исклучително профитабилна зделка, според која тој ќе заработи колку што заработува и неговиот партнер во нападот Нејмар.

Според неофицијални податоци, Бразилецот добива 30 милиони евра годишно по оданочување и без бонуси. Во исто време, Мбапе сè уште верува дека треба да го напушти ПСЖ. Французинот верува дека нема да може да ги реализира сите свои амбиции во овој тим. Во овој случај, парите играат споредна улога за Килијан.

Мбапе игра за ПСЖ од 2017 година, а претходно ги бранеше боите на Монако. Во последната сезона на шампионатот на Франција, напаѓачот учествуваше на 31 натпревар, постигна 27 погодоци и седум асистенции.

ФИФА го казни италијанскиот прволигаш Специја со забрана за доведување на играч во наредните четири трансфер периоди, започнувајќи од јануари наредната година, поради кршење на правилата поврзани со доведување на малолетни играчи. Специја исто така е казнета и со 500 илјади швајцарски франци.

Казната следеше по доведувањето на неколку малолетни играчи од Нигерија, со што е прекршен членот 19 од правилникот за трансфери.

Од Специја, која претходно годинава доби нови американски сопственици, најавија жалба.

„Изненадени сме од ваквата одлука на ФИФА. Новите сопственици немаа никаква улога во спорните трансфери. Ќе ги преземеме сите мерки како нашиот клуб би останал компетитивен и во наредните сезони.“ – објави претседателот на клубот, Филип Рејмонд Платек Јуниор.