Според француски „Екип“, Бразилецот Нејмар се согласил да го продолжи договорот со ПСЖ според кој ќе заработува по 30 милиони евра по сезона во следните пет години.
Нејмар немал ништо против да прифати помала плата за 5 милиони евра по сезона, но со едно барање, во случај на освојување на ЛШ да заработи бонус од 10 милиони евра.
Нејмар неодамна изјави дека е среќен во ПСЖ и дека клубот сега е еден од најдобрите четири во светот, па новиот договор е очекуван потег.
Во меѓувреме, тимот од Париз и понатаму работи на продолжување на договорот на Килијан Мбапе.

Флоријан Тован ја изненади фудбалската јавност со својот трансфер. Тован неколку сезони одлично играше во дресот на Марсеј и во текот на летото се поврзуваше со неколку европски клубови, но одлучи да остане во францускиот клуб. Неговиот договор со Марсеј истекува на крајот од сезоната и се очекуваше да направи исчекор во кариерата бидејќи како слободен играч можеше да бира каде да ја продолжи кариерата. Меѓутоа вчера стигна изненадување откако беше потврдено дека Тован кариерата ќе ја продолжи во Мексико. Негов нов клуб ќе биде Тигрес каде што ќе пристигне во јули оваа година.

Ханс-Дитер Флик откри дека разговарал со германскиот фудбалски сојуз за преземање на репрезентацијата. Младиот специјалист претходно објави дека ги напушта Баварците, а германските гиганти веднаш најдоа замена во лицето на Јулијан Нагелсман. „Веќе имаше разговори, исто така со Оли Бироф. Сите сме фокусирани на Баерн. Иднината е далеку од јасна. Ќе почекам и ќе видам што ќе се случи. Да се биде селектор на Германија е нешто посебно. Имате тим од најдобрите играчи во земјата. Поминав прекрасен период таму и знам што да очекувам”, додаде тој.

Претседателот на Интер, Стивен Женг побара од управата на клубот и тренерот Антонио Конте да се намалат трошоците. Интер минатиот викенд ја освои титулата во италијанското првенство по цели 11 години и така ја прекина деветгодишната доминација на Јувентус, но иднината на клубот е неизвесна, бидејќи сопствениците бараат нови инвеститори и се обидуваат да ги намалат трошоците. Конте претходно рече дека по освојувањето на титулата ќе се сретне со Женг како би разговарал за плановите, а Скај Спорт тврди дека состанокот е одржан. Женг се обврза да го продолжи проектот со Конте, но побара сите да ги намалат трошоците додека трае пандемијата. Наводно, играчите на Интер и тренерите ќе се согласат на доцнење на неколку плати, како трошоците би се пренеле на идната финансиска година. Нови засилувања во тимот ќе има само доколку се продадат некои играчи или пак ако се договори размена.

Фудбалската асоцијација на Англија преговара со УЕФА за преселување на финалето на Лигата на шампионите на Островот. Натпреварот помеѓу Челзи и Манчестер Сити е закажан за 29 мај во Истанбул.
Состојбата со зголемувањето на инфекциите со коронавирус во Турција е таква што британската влада ја стави земјата на црвената листа. Ова значи дека секој што ја посетува земјата мора да остане во карантин во траење од 10 дена во владиниот хотел по враќањето во Велика Британија.
За елитните спортисти, постои исклучок кога патуваат, но тие исто така мора да бидат во карантин. Британската влада верува дека најдобра опција е финалето да се одигра на Островот, бидејќи учесници се две англиски екипи. На овој начин навивачите ќе можат да присуствуваат на натпреварот.
„Се плашам дека мора да ја ставиме Турција на црвената листа. Тоа значи дека навивачите не треба да патуваат во Турција. ФА разговара со УЕФА. Ние сме отворени за да бидеме домаќини на финалето, но ова е одлука на УЕФА”, рече министерот за транспорт, Грант Шапс.

Реал Мадрид има намера да спаси од продажбата на напаѓачот Еден Азар. Претходно беше објавено дека играчот е ставен на трансфер листа.
Според одредени медиуми во Шпанија, Кралскиот клуб ќе се раздели со 30-годишниот белгиски фудбалер доколку добие понуда од околу 50 милиони евра.
Реал Мадрид загуби од Челзи, за кој претходно играше Еден Азар, во реваншот од полуфиналето во Лигата на шампионите (0-2) и беше елиминиран од натпреварувањето. По крајот на средбата, Еден Азар разговараше со своите поранешни соиграчи со видно расположение и со насмевка на лицето. Фановите на Реал Мадрид беа многу гневни кон Азар по овие кадри и се многу лути кон Азар.
Овој играч се пресели во Реал летото 2019 година за 115 милиони евра. Пред тоа, тој ги бранеше боите на Челзи седум години, а на почетокот на својата кариера играше за Лил. Оваа сезона напаѓачот учествуваше на 11 натпревари од шпанскиот шампионат, постигна два гола и една асистенција.

Во финалето на Лигата на шампионите ќе се сретнат два великани на англискиот фудбал.
Челзи и Манчестер Сити ќе се натпреваруваат на 29. мај во Истанбул, а фудбалерите ќе имаат дополнителен мотив на име на бонусите што ќе ги добијат доколку победат.
Претседателот на Челзи, Роман Абрамович галантно ќе ги почести своите играчи доколку ја освојат Лигата на шампионите, целиот тим ќе добие 11.500.000 евра, а сите тие пари ќе бидат поделени на еднакви делови.
Така, 11 стартери и 12 резервисти од Челзи ќе бидат побогати за приближно 500.000 евра, се разбира само во случај да бидат по втор пат шампиони на Европа.
„Сините“ веќе добија бонуси во вредност од 5.600.000 евра за пласман во финалето од Лигата на шампионите.

Младата репрезентација на Македонија ќе учествува на седмиот по ред меѓународен турнир „Миљан Миљаниќ” за фудбалери до 17 години ( генерација 2005 ) во периодот од 10 до 15 мај.
Организатор на турнирот е Српската фудбалска федерација, а натпреварите ќе бидат одиграни на терените во Стара Пазова.
Покрај нашата селекција, учество ќе земат и репрезентациите на Србија, која воедно е и домаќин на овој турнир, Црна Гора и Бугарија.
Првиот натпревар, избраниците на селекторот Тони Јакимовски го играат против соодветната репрезентација на Црна Гора, на 11 мај со почеток од 14:30 часот.

Селекторот Тони Јакимовски се одлучи да ги повика следните фудбалери:

ГОЛМАНИ: Стефан Јовановски ( ФК Славија Прага ), Давид Стојановиќ ( ФК Македонија Ѓ.П. );

ОДБРАНА: Симеон Здравковски ( Ф.К. Њу Старс ), Андреј Аризанковски ( ФК Победа ), Рамадан Сулејмани ( ФК Линк Ласк / А ), Анес Малиќи ( Уефа Академија ), Марко Стојилевски ( ФК Вардар ), Хадис Таири ( ФК Њу Старс ), Матеј Јаневски ( ФК Работнички;

СРЕДИНА: Максим Бундалевски ( ФК Кул ), Амир Нухија ( Ф.К. Шкендија ), Мартин Ѓоргиевски ( ФК Академија Пандев ), Ѓорѓи Џосев ( ФК Вардар ), Берат Јасари ( ФК Киево ), Омерфарук Сулејмани ( ФК Шкупи ), Кире Стојанов ( ФК Академија Пандев ), Никола Манојлов ( ФК Работнички ), Азис Јамини ( ФК. Аданаспорт );

НАПАД: Зани Назифи (ФК Шкендија ), Никола Величковски ( ФК Вардар );

„Првиот натпревар го играме против репрезентацијата на Црна Гора, противник кој доста добро го познаваме и респектираме, со оглед на тоа што минатиот месец одигравме два натпревари против нив во Скопје. Се надевам дека овој пат ние ќе бидеме тие што ќе се радуваат на победата. Одигравме два добри меча против Црна Гора, средби во кои пропуштивме многу добри шанси за постигнување погодок. Во однос на минатиот собир, имаме повикано неколку нови фудбалери, кои се надевам дека ќе одговорат на предизвикот и ќе ги оправдаaт очекувањата. Верувам во моите играчи и се надевам дека ќе успееме да ја претставиме Македонија во вистинско светло “, вели селекторот Тони Јакимовски.

Микел Артета предводникот на Арсенал нема намера да замине од клубот според неговата изјава за медиумите.
Арсенал беше елиминиран од Виљареал во Лигата на Европа, откако не успеа да слави во реваншот, одигра само 0:0 и не ја надополни негативата што ја имаше од првиот меч, па англискиот тим прв пат после 26 години се соочува со можност следната сезона да не се појави во ниедно европско натпреварување.
„Не се работи за зборови, тоа треба да го покажеме на теренот. Секогаш сме под притисок бидејќи сакам да дадам се од себе за екипата, за поддршката која ја имам од навивачите. Ова е разочарување, бидејќи се обидувавме да се пласираме во финале. Мислам дека сечија работа е под лупа“, изјави Артета.
Според оваа изјава Артета не размислува за отказ и е подготвен уште долго да го предводи Арсенал.

Лаутаро Мартинез призна дека бил блиску до трансфер во Барселона. За медиумите Лаутаро откри дека на таа тема разговара ли со Лионел Меси, сепак на крајот донел одлука да остане во Интер. „Вистина е, бев многу блиску до трансфер во Барселона. Дури го побарав и Меси, разговаравме на таа тема“. Причината поради која го сменил мислењето биле финансиските проблеми во Барселона. „Финансиските проблеми кои Барселона ги имаше во тоа време ме предомислија. На крајот одлучив да останам во Интер, а од денешна гледна точка тоа се покажа како правилна одлука. Посебно затоа што го освоивме Скудетото“, оизјави Лаутаро.